12-Mar-2025

କଣ୍ଟାମାଳ(ଜୟ କୁମାର ମହାରଣା): ବିଭିନ୍ନ ଦାବିକୁ ନେଇ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମିଶନ ଶକ୍ତି ଓ ଓଡିଶା ଜୀବିକା ମିଶନ ଅଧୀନରେ କାର୍ଯ୍ୟରତ ଇ.ସି. ମହିଳା ସଦସ୍ୟ ମାନଙ୍କ ଏକ ବିରାଟ ରାଲି କଲରାକୋଠା ଠାରୁ ବାହାରି ବସଷ୍ଟାଣ୍ଡ ଛକ, ବ୍ୟାଙ୍କ ଛକ, ସତସଙ୍ଗ ବିହାର, ହାଟପଦା, ମେଡିକାଲ ଛକ ହୋଇ କଣ୍ଟାମାଳ ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚି ନାରାବାଜି ସହ ବିକ୍ଷୋଭ ପ୍ରଦର୍ଶନ କରିଥିଲେ  l  ବିକ୍ଷୋଭକାରୀମାନେ କଣ୍ଟାମାଳ ବ୍ଲକ କାର୍ଯ୍ୟାଳୟ ସମ୍ମୁଖରେ ସେମାନଙ୍କ ଚାରିଦଫା ଦାବି ସମେତ ଅନ୍ୟ ଦାବି ସମ୍ପର୍କରେ ସ୍ଲୋଗାନ ଦେଇଥିଲେ  l  ପରେ ବିକ୍ଷୋଭକାରି ମାନେ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ ୪ଦଫା ଦାବି ସମ୍ବଳିତ ଏକ ଦାବିପତ୍ର କଣ୍ଟାମାଳ ବିଡ଼ିଓ ସାମି ଜୟଶ୍ରୀ ରେଡ୍ଡୀ ଙ୍କୁ ପ୍ରଦାନ କରିଥିଲେ  l  ୪ଦଫା ଦାବି ଗୁଡ଼ିକ ହେଲା ୧- ଓଡିଶା ଜୀବିକା ମିଶନ ଓ ମିଶନ ଶକ୍ତି ଅଧୀନରେ କାର୍ଯ୍ୟରତ ଇ.ସି. ସଦସ୍ୟଙ୍କ ରିଷ୍ଟ୍ରକଚରିଙ୍ଗ ବନ୍ଦ କରାଯିବା , ୨-  ସ୍ଥାୟୀ ନିଯୁକ୍ତି ପ୍ରଦାନ କରାଯିବା ସହ ବକେୟା ଭତ୍ତା ପ୍ରଦାନ କରାଯିବା, ୩- ମିଶନ

ଶକ୍ତି ଓ ଜୀବିକା ମିଶନ ରେ କାର୍ଯ୍ୟରତ କମ୍ୟୁନିଟି ସପୋର୍ଟ ଷ୍ଟାଫ ଙ୍କ ୫ବର୍ଷିଆ ଚୁକ୍ତି ବାତିଲ କରି ସ୍ଥାୟୀ ନିଯୁକ୍ତି ପ୍ରଦାନ କରାଯିବା ଓ ମିଶନ ଶକ୍ତି ବିଭାଗ ରାଜ୍ୟର ସମସ୍ତ ମହିଳାଙ୍କ ଜୀବିକା ଅର୍ଜନର ରାହାକୁ ସୁନିଶ୍ଚିତ କରିବା ଏବଂ ୪- ମହିଳା ସ୍ୱୟଂ ସହାୟକ ଗୋଷ୍ଠୀର ପ୍ରତେକ ସଦସ୍ୟଙ୍କୁ ମାସିକ ଏକ ହଜାର ଟଙ୍କା ହାରରେ ମହିଳା ସଶକ୍ତିକରଣ ଭତ୍ତା ନିୟମିତ ପ୍ରଦାନ ବ୍ୟବସ୍ଥା ଆଦି  l  ଏହି ବିକ୍ଷୋଭ ରେ କଣ୍ଟାମାଳ ବ୍ଲକ ମିଶନ ଶକ୍ତି ଓ ଓଡିଶା ଜୀବିକା ମିଶନ ରେ କାର୍ଯ୍ୟରତ ସମସ୍ତ ଇସି ମହିଳା ସଦସ୍ୟମାନେ ଯୋଗଦେଇଥିଲେ  l