12-Mar-2025

ବରୀ(ରଞ୍ଜିତ ମହାନ୍ତି): ଯାଜପୁର ଜିଲ୍ଲାର ବରୀ ବ୍ଲକ ଅନ୍ତର୍ଗତ ଅମଠପୁର ଠାରେ ବୁଦ୍ଧଦେବ ମେମୋରିଆଲ ଟ୍ରଷ୍ଟ ଆନୁକୂଲ୍ୟ ରେ ଏକ ମାଗଣା ସ୍ଵାସ୍ଥ୍ୟସେବା ଶିବିର ଅନୁଷ୍ଠିତ ହୋଇଯାଇଛି। ବୁଦ୍ଧଦେବ ମେମୋରିଆଲ ଟ୍ରଷ୍ଟର ପ୍ରତିଷ୍ଠାତା ତଥା ବରୀ ଅଞ୍ଚଳ ର ବିଶିଷ୍ଟ ସମାଜସେବୀ ଅଟଳ ବିହାରୀ ଜେନା ତାଙ୍କ ଜନ୍ମ ଦିନ ଉପଲକ୍ଷେ ଏହି ଶିବିର ଆୟୋଜନ କରିଥିଲେ। ଏହି ଶିବିରକୁ ବିଶିଷ୍ଟ ଚକ୍ଷୁ ବିଶେଷଜ୍ଞ ରାଜ କିଶୋର ପଣ୍ଡା ପ୍ରଦୀପ ପ୍ରଜ୍ଵଳନ କରି ଉଦ୍ଘାଟନ କରିଥିବା ବେଳେ ଅନ୍ୟତମ ଅତିଥି ଭାବେ ଚିକିତ୍ସକ ପ୍ରଫୁଲ୍ଲ କୁମାର ଗିରି, ସଞ୍ଜୟ କୁମାର ଦାସ, ଅର୍ପିତା ନାୟକ ଯୋଗଦେଇଥିଲ। ଏହି କାର୍ଯ୍ୟକ୍ରମରେ ୫୦୦ ଉର୍ଦ୍ଧ ବ୍ୟକ୍ତିଙ୍କୁ ସ୍ୱାସ୍ଥ୍ୟ ପରୀକ୍ଷା କରି ବିନା ମୂଲ୍ୟରେ ଔଷଧ ବିତରଣ କରାଯିବା ସହିତ ରକ୍ତ ଓ ଅନ୍ୟାନ୍ୟ ପରୀକ୍ଷା ବିନା ମୂଲ୍ୟରେ କରାଯାଇଥିଲା। ଶିବିରକୁ ଆସିଥିବା ସମସ୍ତ ରୋଗୀ ଙ୍କ ପାଇଁ ଶୁଖିଲା ଖାଦ୍ୟ, ପାନୀୟ ଜଳର ବ୍ୟବସ୍ଥା କରାଯାଇ ଥିଲା। ଏହି କାର୍ଯ୍ୟକ୍ରମ ପରିଚାଳନା ରେ ଚିତ୍ତରଞ୍ଜନ ପାଢ଼ୀ, ଅମୂଲ୍ୟ କୁମାର ପଣ୍ଡା,କବୟିତ୍ରୀ ପଙ୍କଜିନି ଉପାଧ୍ୟାୟ ପ୍ରମୁଖ ସହଯୋଗ କରିଥିଲେ। କାର୍ଯକ୍ରମ ପରିଚାଳନାରେ ଟ୍ରଷ୍ଟର ସଭାପତି ଚନ୍ଦନ ପ୍ରଧାନ, ସମ୍ପାଦକ ଏସ୍ ପୃଥିରାଜ୍, ଉପ ସଭାପତି ଗଗନ ମଲ୍ଲିକ, ଚିନ୍ମୟ ଦାସ, ନୀତିଶ ରଂଜନ ମଲ୍ଲିକ, ରମାକାନ୍ତ ମଲ୍ଲିକ, ରାକେଶ କୁମାର ମଲ୍ଲିକ ଓ ଅମଠପୁର ୟୁଥ୍ କ୍ରିକେଟ କ୍ଳବ୍ ର ସମସ୍ତ ସଦସ୍ୟ ସହଯୋଗ କରିଥଲେ।