11-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଏଚିଭର୍ସ ହେଲ ପିଙ୍ଗ୍ ଫାଉଣ୍ଡେସନ ବରଗଡ଼, ଜନତା ସଂଘର୍ଷ, ତଥା ବାପୁଜୀ ସ୍ଵତନ୍ତ୍ର ବିଦ୍ୟାଳୟର ମିଳିତ ଆନୁକୁଲ୍ୟରେ ଏକ ସମ୍ବର୍ଦ୍ଧିତ କାର୍ଯ୍ୟକ୍ରମ ବାପୁଜୀ ସ୍ଵତନ୍ତ୍ର ବିଦ୍ୟାଳୟ ବରଗଡ଼ ଠାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ରାଉରକେଲା ଠାରେ ଅନୁଷ୍ଠିତ ହୋଇଥିବା ସପ୍ତମ ଜାତୀୟ ମାଷ୍ଟର ଗେମ୍ ପ୍ରତିଯୋଗିତାରେ ବରଗଡ଼ ଜିଲ୍ଲାର ମାଷ୍ଟର କ୍ରୀଡାବିତ୍ ଶ୍ରୀ ସନ୍ତୋଷ କୁମାର ପଧାନ, ଅରୁଣା ଘିବିଳା, ଅନୁପମା ଘିବିଳା, ବିଦ୍ୟାଧର ସାହୁ, କମଳ ମେହେର, ଓ ରୁବୁଲ ଭୋଇଙ୍କୁ ପୁଷ୍ପ ଗୁଚ୍ଛ, ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ଏହି ସମ୍ବର୍ଦ୍ଧିତ କାର୍ଯ୍ୟକ୍ରମ ରେ ଏଚିଭରସ୍ ଫାଉଣ୍ଡେସନ ର ଅଧ୍ୟକ୍ଷ ଶ୍ରୀ ଦିବାକର ମାଝୀ, ସମିତି ସଭାପତି କିଶୋର ଚନ୍ଦ୍ର ସାହୁ, ବାପୁଜୀ ସ୍ଵତନ୍ତ୍ର ବିଦ୍ୟାଳୟର ଶିକ୍ଷକ ସନାତନ ସାହୁ ଏବଂ ସମାଜ ସେବୀ ଶ୍ରୀମତୀ କନକ ପଧାନ ଏହି କାର୍ଯ୍ୟକ୍ରମରେ ଯୋଗଦେଇ ଦେଇ ସମସ୍ତ୍ ପଦକ ବିଜେତାଙ୍କୁ ସମ୍ବର୍ଦ୍ଧିତ କରିଥିଲେ l ଏହି ଅବସରରେ ଆନ୍ତର୍ଜାତିକ କ୍ରୀଡାବିତ ସନ୍ତୋଷ କୁମାର ପଧାନ,  ସ୍କୁଲ ର ସମସ୍ତ କୁନି କୁନି ପିଲାମାନଙ୍କୁ ପାଠପଢା ଏବଂ ଖେଳ ବିଷୟ ରେ ପ୍ରେରଣା ଦେବା ସହିତ ନିଜକୁ କଠିନ ପରିଶ୍ରମ କରି ଜଣେ ଉଚ୍ଚ କୋଟୀର ଅଧିକାରୀ ଏବଂ ଜଣେ ଆନ୍ତର୍ଜାତିକ ସ୍ତରରେ ଖେଳାଳୀ ହେବା ପାଇଁ ଆଶୀର୍ବାଦ ପ୍ରଦାନ କରିଛନ୍ତି l