12-Mar-2025

ସିନାପାଲି ( ଚିନ୍ତାମଣି ନେତାମ )
 ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜିକ୍ଲଷ୍ଟର କ୍ଲଷ୍ଟର ସ୍ତରୀୟ "ନିପୁଣ ଓଡିଶା ମେଳା "ତଥା ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ କାର୍ଯ୍ୟକ୍ରମ ଆଞ୍ଚଳିକ ସାଧନ କେନ୍ଦ୍ର  ସଂଯୋଜକ ଶ୍ରୀଯୁକ୍ତ ରାକେଶ କୁମାର ମିଶ୍ର ଙ୍କ  ତତ୍ୱାବଧାନରେ ଗଡ୍ରାମାଳ ପ୍ରାଥମିକ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଅନୁଷ୍ଠିତ ସଭା କାର୍ଯ୍ୟରେ ସି ଆର ସି ସି ଶ୍ରୀଯୁକ୍ତ ରାକେଶ କୁମାର ମିଶ୍ର  ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥିଭାବେ ନୀଳଜି ଗ୍ରାମ ପଂଚାୟତ ସରପଞ୍ଚ ଶ୍ରୀଯୁକ୍ତ ଲକ୍ଷ୍ମଣ  ପ୍ରଧାନ, ମୁଖ୍ୟ ବକ୍ତା ଭାବରେ ନୀଳଜି ଉଚ୍ଚ ପ୍ରାଥମିକ ବିଦ୍ୟାଳୟର  ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହୀର, ସମ୍ମାନିତ ଅତିଥିଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ନାରାୟଣ ସା,ବରିଷ୍ଠ କଳାକାର ଶ୍ରୀଯୁକ୍ତ ବିକ୍ରମାଦିତ୍ୟ ବାଗ,ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ  ଡମ୍ବରୁ ଧର  ମାଝୀ ଏବଂ ଶ୍ରୀଯୁକ୍ତ ପୂର୍ଣାନନ୍ଦ ସା ଯୋଗ ଦେଇଥିଲେ। ଶିକ୍ଷୟିତ୍ରୀ ଶ୍ରୀମତୀ ସୁନାମା ପଣ୍ଡା ସ୍ୱାଗତ ଭାଷଣ ଓ ଅତିଥିମାନଙ୍କୁ ମଞ୍ଚକୁ ନିମନ୍ତ୍ରଣ କରିଥିଲେ ।ଶ୍ରୀଯୁକ୍ତ ଅର୍ଜୁନ ନାୟକ ମଞ୍ଚ ପରିଚାଳନା କରିଥିଲେ। ନୀଳଜି କ୍ଲଷ୍ଟର ଅଧିନସ୍ଥ ବିଦ୍ୟାଳୟ ଗୁଡିକର ଏଫ ଏଲ ଏନ ଶିକ୍ଷକ ଶିକ୍ଷୟିତ୍ରୀ ଗଣ ନିଜର ଛାତ୍ରଛାତ୍ରୀଙ୍କ ସହ ଯୋଗଦେଇ ମୌଳିକ ସାକ୍ଷରତା ଓ ସଂଖ୍ୟା ବିଜ୍ଞାନ ସମ୍ବନ୍ଧୀୟ ଶିକ୍ଷଣ ସାମଗ୍ରୀ ଓ ପଠନ ସାମଗ୍ରୀ ପ୍ରଦର୍ଶନୀ ପୂର୍ବକ  ତାର ବ୍ୟବହାର ସମ୍ବନ୍ଧରେ ଅତିଥିଗଣଙ୍କୁ ବୁଝାଇଥିଲେ। ଏହିକାର୍ଯ୍ୟକ୍ରମ ଛାତ୍ରଛାତ୍ରୀ ଓ ଶିକ୍ଷକ ଗଣଙ୍କ ନିଜ ନିଜ କର୍ମରେ ଉତ୍ସାହିତ ବୃଦ୍ଧି ସହ ଦକ୍ଷତା ବୃଦ୍ଧିରେ ଯଥେଷ୍ଟ ସହାୟକ ହେବ ଏବଂ ଛାତ୍ରଛାତ୍ରୀ ଗଣ ଆମ ରାଷ୍ଟ୍ରର ଭବିଷ୍ୟତ ସେମାନଙ୍କୁ ନିର୍ମାଣ କରିବା ଆମ ସମସ୍ତଙ୍କର ଦାୟିତ୍ୱ ବୋଲି ଅତିଥିଗଣ ମତ ଦେଇଥିଲେ। ଏଫ ଏଲ ଏନ  ଶିକ୍ଷକ ଶିକ୍ଷୟିତ୍ରୀ ଙ୍କୁ ପ୍ରଶଂସାପତ୍ର ପ୍ରଦାନ ପୂର୍ବକ ସମ୍ମାନିତ କରିଥିଲେ। ପରିଶେଷରେ ଶିକ୍ଷକ ଲୋକନାଥ ବନ୍ଦୀଛୋର  ଧନ୍ୟବାଦ ଅର୍ପଣ କରିଥିଲେ। ଉକ୍ତ ସଭାରେ ଶିକ୍ଷୟିତ୍ରୀ ମମତା ନେଗୀ,ନିଳେନ୍ଦ୍ରୀ ନିଆଲ,ହିମାଦ୍ରୀ ମେହେର,ଶିକ୍ଷକ ବଂଶୀଧର ବନ୍ଦୀଛୋର,ରୁଦ୍ରମାଧବ ଭୋଇ,ଭୂପେତ କୁମାର ନିଆଲ,ମକରଧ୍ଵଜ ନାୟକ,ଅମିତା ଖମାରୀ,ଶଶୀମୁଖୀ ପ୍ରଧାନ,ଟିଲୋତ୍ତମା ମାଝୀ,ହେମନ୍ତ ନିଆଲ ଓ ଜିତେନ୍ଦ୍ର ସା  ସକ୍ରିୟ ଅଂଶ ଗ୍ରହଣ କରିଥିଲେ ।