11-Mar-2025

ବରଗଡ(ପ୍ରେରଣା ଖବର): ଗତ ୯ ତାରିଖ ଦିନ ବରଗଡ ଜିଲ୍ଲା ଠିକାଦାର ସଂଘ ଦ୍ବାରା ବରଗଡର ଯଦୁମଣି ପ୍ରଧାନ କଲ୍ଯାଣ ମଣ୍ଡପ ଠାରେ ଅନୁଷ୍ଠିତ ବୈଠକରେ ବରଗଡ ଜିଲ୍ଲାର ସମସ୍ତ ବିଜେପି ବିଧାୟକ ଯୋଗଦେଇ ଗ୍ରାମ୍ଯଉନ୍ନୟନ ପି ଡବ୍ଲୁ ଡି, ଜଳ ସଂପଦ ତଥା ବିଭିନ୍ନ ବିଭାଗ ଦ୍ବାରା ବରଗଡ ଜିଲ୍ଲାରେ ହେଉଥିବା ଟେଣ୍ଡର ପ୍ରକ୍ରିୟାରେ ଭାଗନେଇ ଠିକାଦାର ମାନେ ଠିକା କାମକୁ ନିଜ ଭିତରେ ଭାଗବାଣ୍ଟି ୫ % ଅଧିକ ଦରରେ ଟେଣ୍ଡର ପେପର ଦାଖଲ କରିବା ପାଇଁ ନିଷ୍ପତ୍ତି ଶୁଣାଇଛନ୍ତି । ଏଠାରେ ପ୍ରକାଶଯୋଗ୍ଯ ଯେ ସାରା ଓଡ଼ିଶାରେ ୧୪ % ୯୯ ଲେସ୍ ରେ ଠିକାଦାର ମାନେ ଟେଣ୍ଡର ପେପର ଦାଖଲ କରିବା ପରେ ଲଟେରୀ ଜରିଆରେ ଠିକାଦାର ଚୟନ କରା ଯାଇଥାଏ । ବରଗଡରେ ୫ % ଅଧିକ ଦରରେ ଟେଣ୍ଡର ପେପର ଦାଖଲ କରି ଟେଣ୍ଡର ଫିକ୍ସିଂ ହେଲେ ବର୍ଷକୁ କେବଳ ବରଗଡ ଜିଲ୍ଲାରେ

ରାଜ୍ଯ ସରକାର ରାଜକୋଷ ରୁ ଅଧିକ ୧ ଶହ କୋଟି ଟଙ୍କା ଭରଣ କରିବେ । ବିଭିନ୍ନ ବିଭାଗ ଦ୍ବାରା କେବଳ ବରଗଡ ଜିଲ୍ଲାରେ ବର୍ଷକୁ ୫ ଶହ କୋଟି ରୁ ଉର୍ଦ୍ଧ୍ବ ଟଙ୍କାର ଟେଣ୍ଡର ଜରିଆରେ ଠିକା କାର୍ଯ୍ଯ ସଂପାଦନ ହୋଇଥାଏ । ୧ ଶହ କୋଟି ଟଙ୍କା ସିଧାସଳଖ ଅଧିକ ଟଙ୍କା ଠିକାଦାର ମାନଙ୍କ ପକେଟ୍ କୁ ଯିବ ତେବେ ଏକ ଗୁପ୍ତ ବୈଠକ ଜରିଆରେ ଏହି ଶହେ କୋଟି ଲାଭରୁ କାହାକୁ କେତେ ପିସି ଦିଆଯିବ ତାହା ମଧ୍ଯ ସ୍ଥିର ହୋଇଥିବା ଜଣା ଯାଇଛି । ତେବେ ସମସ୍ତ ଠିକାଦାର ଏହି ନିଷ୍ପତ୍ତି କୁ ଗ୍ରହଣ କରୁ ନଥିବା ଶୁଣିବାକୁ ମିଳୁଛି । ବିଜେଡି  ଠୁଁ ମଧ୍ଯ ବିଜେପି ନେତା ମାନେ ପିସି କାରବାରରେ ଯିତି ଯିବେ ବୋଲି ଲୋକ ଚର୍ଚ୍ଚା ହେଉଛି । ଏହା ପୂର୍ବରୁ ଗତ ତା ୮ ୵ ୧୨ ୵ ୨୦୨୪ ରିଖ ଦିନ ଓଡିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ବରଗଡ ଜିଲ୍ଲା ସୋହେଲା ବ୍ଲକ ଅନ୍ତର୍ଗତ ଇଛାପାଲି ଗାଁକୁ ଆସି ୫୦ ହଜାର ଚାଷୀଙ୍କ ଉପସ୍ଥିତିରେ ନିର୍ବାଚନ ସମୟରେ ଦେଇଥିବା ପ୍ରତିଶୃତି ଅନୁଯାୟୀ ଚାଷୀଙ୍କୁ ପ୍ରତି କ୍ବିଣ୍ଟାଲରେ ଧାନରେ ୮ ଶହ ଟଙ୍କାର ଇନପୁଟ ସବସିଡ ଡିବିଟି ଜରିଆରେ ଚାଷୀଙ୍କ ଏକାଉଣ୍ଟ କୁ ପଠାଇଥିଲେ । ମୁଖ୍ୟମନ୍ତ୍ରୀଙ୍କ ଏହି ସମାବେଶ ସଂପୂର୍ଣ୍ଣ

ଭାବରେ ରାଜ୍ଯ ସରକାରଙ୍କ ଦ୍ବାରା ଆୟୋଜିତ କରାଯାଇଥିବା ବେଳେ ଓ ରାଜ୍ଯ ସରକାର ୨ କୋଟି ଟଙ୍କାର ଖର୍ଚ୍ଚ କରିଥିବା ସତ୍ତ୍ବେ ଜିଲ୍ଲାର ବିଜେପି ବିଧାୟକ ଜିଲ୍ଲାର ମିଲର୍ସ ମାନଙ୍କ ଠାରୁ ପ୍ରତି ରାଇସ ମିଲ ପିଛା ୫ ଲକ୍ଷ ଟଙ୍କା ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ରେ ଖର୍ଚ୍ଚ ପାଇଁ ପ୍ରାୟ ୧ କୋଟି ଟଙ୍କା ଅସୁଲି କରି ନେଇଥିବା ବିଭିନ୍ନ ସମ୍ବାଦପତ୍ର ରେ ପ୍ରକାଶିତ ହୋଇଥିଲା । ମୁଖ୍ୟମନ୍ତ୍ରୀଙ୍କ ଗ୍ରସ୍ତ କାର୍ଯ୍ୟକ୍ରମରେ ମିଲର୍ସ ମାନେ ଚାନ୍ଦା  ଦେଇଥିବାରୁ ଜିଲ୍ଲାର ଧାନ କିଣାବିକା ରେ ସମସ୍ତ ମଣ୍ତିରୁ  ୫ /୬ କେଜି ଧାନ 
 କଟନି ଛଟନି କରି ମିଲର୍ସ ମାନେ ଧାନ କିଣି ଭଲ ଦୁଇ ପଇସା ଆୟ କରିଥିଲେ । ୮ ଶହ ଟଙ୍କା ପ୍ରତି କ୍ବିଣ୍ଟାଲରେ ଚାଷୀ ମାନେ ଇନପୁଟ ସବସିଡ ଜରିଆରେ ଅଧିକ ପାଇଥିବାରୁ କଟନି ଛଟନି ହେଲେ ମଧ୍ଯ ଚାଷୀ ମାନେ ଏବର୍ଷ ବିଶେଷ ପ୍ରତିକ୍ରିୟା କଲେ ନାହିଁ । କଟନି ଛଟନି ଜରିଆରେ ମିଲର୍ସ ମାନେ କେବଳ ବରଗଡ ଜିଲ୍ଲାରେ ୫୦ କୋଟିର ଲାଭରେ ରହିଲେ । ତେବେ ଯଦି ଏଭଲି ଚାଲେ ତେବେ ବିଜେପି ସରକାରର ଗତି କୁଆଡେ ବୋଲି ବୁଦ୍ଧିଜୀବୀ ମାନେ ପ୍ରଶ୍ନ କରୁଛନ୍ତି ।