08-Mar-2025

ପଦ୍ମପୁର, (ନିରଞ୍ଜନ ତ୍ରିପାଠୀ) :-ବରଗଡ ଜିଲ୍ଲା ପଦ୍ମପୁର ବ୍ଲକ ମହୁଲପାଲି ନିକଟସ୍ଥ ସମ୍ବଲପୁରୀ କପଡା ବଜାର ଠାରେ ବୁଣାକାର ଓ ବେପାରୀ ମାନଙ୍କୁ ନେଇ ଏକ ବାର୍ଷିକ ସମ୍ମିଳନୀ ଅନୁଷ୍ଟିତ ହୋଇଥିଲା | ଏହି ଅବସରରେ ୫ଶହ ରୁ ଉର୍ଦ୍ଧ୍ବ ବୁଣାକାର ଓ ବେପାରୀ ମାନେ ଯୋଗାଦାନ କରିଥିଲେ | ମୁଖ୍ୟ ଅତିଥି ଭାବରେ ଯୁବନେତା ତଥା ପୁର୍ବତନ ଏନ୍.ଏ.ସି. ଚେୟାରମେନ୍ ଶ୍ରୀଯୁକ୍ତ ପ୍ରୀତମ ମେହେର ଯୋଗଦାନ କରି ବୁଣାକାର ଓ ବେପାରୀ ମାନଙ୍କ ସମସ୍ୟା ଓ ସମାଧାନ ଉପରେ ଆଲୋଚନା କରିଥିଲେ | ସେହିପରି ସମ୍ମାନିତ ଅତିଥି ଭାବେ ରାଜ ବୋଡାସମ୍ବର ଭୂଲିଆ ସମାଜର ସଭାପତି ଶ୍ରୀଯୁକ୍ତ ରୋହିତ ମେହେର,ମହୁଲପାଲି ସରପଞ୍ଚ ଶ୍ରୀମତୀ ପଙ୍କଜିନୀ ବେହେରା,ମହୁଲପାଲି ଗ୍ରାମର ଗୌନ୍ତିଆ ଝସକେତନ ସାହୁ,ସମିତି ସଭ୍ୟ ମୁରଲୀ ସାହୁ ପ୍ରମୁଖ ଉପସ୍ଥିତ ଥିଲେ |  ଏହି ଅବସରରେ ନୂତନ କମିଟି ଚୟନ କରାଯାଇଥିଲା | ସର୍ବ ସମ୍ମତି କ୍ରମେ  ସଭାପତି ହରିବୋଲ ମେହେର,ଉପ-ସଭାପତି ଗୋପବନ୍ଧୁ ମେହେର,ସଂପାଦକ ପ୍ରେମଲାଲ ମେହେର,ସହ-ସଂପାଦକ ରାମ ମେହେର,କୋଷାଧ୍ୟକ୍ଷ ଘନଶ୍ୟାମ ମେହେର ଙ୍କୁ ଚୟନ କରାଯାଇଛି | ଶେଷରେ ରୁଷଭ ମେହେର ଓ କରୁଣାକର ମେହେର ଧନ୍ୟବାଦ ଅର୍ପଣ କରିଥିଲେ |