19-Feb-2025

(ଚିନ୍ତାମଣି  ନେତାମ )
 ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ନୀଳଜିଠାରେ ବିଦ୍ୟାଳୟର ବାର୍ଷିକ ଉତ୍ସବ "ନବ ଉନ୍ମେଷ "ଅନୁଷ୍ଠିତ ହୋଇଯାଇଛି ।ସିନାପାଲି ବ୍ଲକର ଗୋଷ୍ଠୀ ଶିକ୍ଷା ଅଧିକାରୀଶ୍ରୀଯୁକ୍ତ ଯତୀନ୍ଦ୍ର କୁମାର ସେଠ୍ ମୁଖ୍ୟ ଅତିଥି ଭାବରେ ଯୋଗଦେଇ ଉତ୍ସବର ଶୁଭ ଉଦଘାଟନ କରିବା ସହ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କର ପ୍ରତିଭାର ପ୍ରତିଫଳନ "ଅରୁଣିମା "ପ୍ରାଚୀର ପ୍ରତିକାର ଶୁଭ ଉନ୍ମୋଚନ କରିଥିଲେ।ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହୀରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିବା ସଭାକାର୍ଯ୍ୟ ରେ  ମୁଖ୍ୟ ବକ୍ତାଭାବରେ ସହ ଗୋଷ୍ଠୀ  ଶିକ୍ଷା  ଅଧିକାରୀ  ଶ୍ରୀଯୁକ୍ତ ପ୍ରଦୀପ କୁମାର ପଣ୍ଡା ଯୋଗଦେଇଥିଲେ। ବିଶିଷ୍ଟ ଅତିଥିଭାବରେ ବିଦ୍ୟାଳୟର ପ୍ରାକ୍ତନ ପ୍ରଧାନ ଶିକ୍ଷକ ଶ୍ରୀଯୁକ୍ତ ଘନଶ୍ୟାମ ପଣ୍ଡା,ଅବସର ପ୍ରାପ୍ତ ପ୍ରଥମ ସହକାରୀ ଶିକ୍ଷକ ଶ୍ରୀଯୁକ୍ତ ବାଳକ ରାମ ମେହେର,ଦ୍ଵିତୀୟ ଅବସର ପ୍ରାପ୍ତ ସହକାରୀ ଶିକ୍ଷକ ଶ୍ରୀଯୁକ୍ତ ମହେଶ୍ୱର ସା,ସମ୍ମାନିତ ଅତିଥି ଭାବରେ ସ୍ଥାନୀୟ ଗ୍ରାମ ପଂଚାୟତର ସରପଞ୍ଚ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ, ସି ଆର ସି ସି  ଶ୍ରୀଯୁକ୍ତ ରାକେଶ କୁମାର ମିଶ୍ର,ସନ୍ୟାସୀ ରବୀନ୍ଦ୍ର ଦାସ ବାବା,ପରିଚାଳନା କମିଟିର ସଭାପତି ଶ୍ରୀଯୁକ୍ତ ଶଙ୍କର ନିଆଲ,ନୀଳଜି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ପିତାମ୍ବର ଟୋଲଟିଆ,ବିଶିଷ୍ଟ କଳାକାର ଶ୍ରୀଯୁକ୍ତ ବିକ୍ରମାଦିତ୍ୟ ବାଗ,ବିଦ୍ୟାଳୟର ବରିଷ୍ଠ ଶିକ୍ଷକ ଶ୍ରୀଯୁକ୍ତ ସେବକ ରାମ ପାତ୍ର ଯୋଗଦେଇଥିଲେ ।ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଧୀରେନ୍ଦ୍ର କୁମାର ସା ଅତିଥି ମାନଙ୍କୁ ମଞ୍ଚକୁ ସ୍ୱାଗତ କରିବାସହ ପରିଚୟ ପ୍ରଦାନ କରିଥିଲେ। ଛାତ୍ର ଛାତ୍ରୀ ଓ ସହକାରୀ ଶିକ୍ଷକ ଗଣ  ଅତିଥିମାନଙ୍କୁ ଫୁଲଚନ୍ଦନ ଓ ଓପ ଢୌକନ ଦେଇ ସମ୍ମର୍ଦ୍ଧିତ କରିଥିଲେ। ପରେ ଅତିଥିଗଣ ଦ୍ୱାରା ଦେବପୁଜନ ହେଲାପରେ ସଭାକାର୍ଯ୍ୟ ଆରମ୍ଭ କରାଯାଇଥିଲା।ପୁରାତନ ଛାତ୍ର ତଥା ଶିକ୍ଷକ ଶ୍ରୀଯୁକ୍ତ ଦୀପକ କୁମାର ସାଙ୍କ ନିର୍ଦେଶନା ରେ  ଛାତ୍ରୀଗଣ ସୁ ଲଳିତ କଣ୍ଠରେ ପ୍ରାରମ୍ବିକ ସଂଗୀତ ଗାନ କରିଥିଲେ। ସଭାପତି ଶ୍ରୀଯୁକ୍ତ ଗହୀରଙ୍କ ଉଦ୍ୟେଶ ଜ୍ଞାପନ ପରେ ବରିଷ୍ଠ ଶିକ୍ଷକ ଶ୍ରୀଯୁକ୍ତ ସେବକ ରାମ ପାତ୍ର ବିବରଣୀ ପଠନ କରିଥିଲେ।  ପୂଜ୍ୟ ପୂଜା କାର୍ଯ୍ୟକ୍ରମରେ ମୁଖ୍ୟ ଅତିଥି ଓ ବିଦ୍ୟାଳୟର ପ୍ରଧାନ ଶିକ୍ଷକ,ବିଶିଷ୍ଟ ଅତିଥି ଭାବରେ  ଯୋଗଦାନ କରିଥିବା ବିଦ୍ୟାଳୟର ଆରମ୍ଭ ରୁ  ଶିକ୍ଷା ଦାନ କରି  ଅବସର ପ୍ରାପ୍ତ ଗୁରୁ ତ୍ରୟ  ଯଥା ମାନନୀୟ ଶ୍ରୀଯୁକ୍ତ ଘନଶ୍ୟାମ ପଣ୍ଡା,ଶ୍ରୀଯୁକ୍ତ ବାଳକ ରାମ ମେହେର,ଶ୍ରୀଯୁକ୍ତ ମହେଶ୍ୱର ସାଙ୍କୁ ଫୁଲମାଳ ଅର୍ପଣ କରିବା ସହ  ଫୁଲ ଚନ୍ଦନ, ଉପଢୌକନ ଓ ମାନ ପତ୍ର ଦେଇ ସମ୍ମର୍ଦ୍ଧିତ କରିଥିଲେ। ଛାତ୍ରଛାତ୍ରୀ ମାନଙ୍କୁ  ଭଲ ପାଠ ପଢି  ଉତ୍ତମ ନାଗରିକ ହେବାପାଇଁ ଅତିଥିଗଣ ନିଜ ବକ୍ତବ୍ୟ ରେ  ପ୍ରେରଣା ପ୍ରଦାନ କରିଥିଲେ ।ଏହାପରେ ବାର୍ଷିକ କ୍ରୀଡା ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା। ଧୀରେନ୍ଦ୍ର କୁମାର ସାଙ୍କ ସଂଯୋଜନାରେ ଛାତ୍ର ଛାତ୍ରୀଙ୍କ ଦ୍ୱାରା ରଙ୍ଗାରଙ୍ଗ  ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଶେଷରେ ସହ ଶିକ୍ଷକ ଶ୍ରୀଯୁକ୍ତ ପରମାନନ୍ଦ ମାଝୀ ଧନ୍ୟବାଦ ଅର୍ପଣ କରିଥିଲେ। ଉକ୍ତ ଉତ୍ସବ ରେ ଶ୍ରୀଯୁକ୍ତ ଜଗନ୍ନାଥ ସୁନାନୀ ସହକାରୀ ଶିକ୍ଷକ ଓ ପରିଚାଳନା କମିଟିର ସଭ୍ୟ ସଭ୍ୟା ବିଶେଷ ସହଯୋଗ କରିଥିଲେ। ଉକ୍ତ କାର୍ଯ୍ୟକ୍ରମ ରେ ବିଦ୍ୟାଳୟର ଛାତ୍ର ଛାତ୍ରୀ, ଅଭିଭାବକ,ଅଭିଭାବିକା ତଥା ଗ୍ରାମର ପ୍ରାୟ  ପାଞ୍ଚସହ ଭଦ୍ର ବ୍ୟକ୍ତି   ଉପସ୍ଥିତ ଥିଲେ। ପୂର୍ବାହ୍ନ ରେ  ବିଦ୍ୟାଳୟର ଶ୍ରେଣୀ କକ୍ଷରେ "ଆମ ସଂସ୍କୃତି ଆମ ଖେଳଣା" କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।