17-Feb-2025

କଣ୍ଟାମାଳ, (ପ୍ରେରଣା ଖବର) ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା ସୋମବାର ଅପରାହ୍ନ ୨ଘଣ୍ଟା ୩୦ମିନିଟ ସମୟ ରେ କଣ୍ଟାମାଳ ବ୍ଲକ୍ ପଲସାଗୋରା ମାର୍କେଟ ୟାର୍ଡ ପରିଦର୍ଶନରେ ଯାଇ  ସରକାରୀ ଧାନ କ୍ରୟ କେନ୍ଦ୍ର ବୁଲି ସ୍ଥିତି ଆନୁସଙ୍ଗିକ ବ୍ୟବସ୍ଥା ପରଖିଥିଲେ l ଜିଲ୍ଲାପାଳ ଶ୍ରୀ ପଣ୍ଡା ଆଜି କଣ୍ଟାମାଳ ବ୍ଲକରେ ଆୟୋଜିତ ଯୁଗ୍ମ ଅଭିଯୋଗ ଜନଶୁଣାଣୀ ଶିବିରରେ ଯୋଗଦେଇ ଫେରିବା ବାଟରେ ପଲସାଗୋରା ଧାନ କ୍ରୟ ମଣ୍ଡି ପରିଦର୍ଶନ କରି ଧାନ କ୍ରୟ ବ୍ୟବସ୍ଥାର ପରିଦର୍ଶନ କରିଥିଲେ | ଉକ୍ତ ପରିଦର୍ଶନ ସମୟରେ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସନା, ଉପ ଜିଲ୍ଲାପାଳ ପ୍ରବୀଣ କୁମାର ବାଣୁଆ, ସମବାୟ ସମିତି ସମୂହର ଉପ ନିବନ୍ଧକ ହାଡ଼ିବନ୍ଧୁ ମହାକୁଡ, ଜିଲ୍ଲା ଯୋଗାଣ ଅଧିକାରୀ ଶ୍ରୀନାଥ ହାଁସଦା ପ୍ରମୁଖ ସାମିଲ୍ ଥିଲେ |