13-Feb-2025

ଲୋଇସିଂହା, (ପ୍ରେରଣା ଖବର) ବୁଧବାର ସଂଧ୍ୟାରେ ବଲାଙ୍ଗୀର - ବରଗଡ ୨୬ ନଂ ଜାତୀୟ ରାଜପଥ  ଲୋଇସିଂହା ଥାନା ଅନ୍ତର୍ଗତ ରୁଗୁଡ଼ିଖାଲ ଛକରେ ଛିଡ଼ାଥିବା ଏକ ହାଇୱା ର ପଛପଟେ ବାଇକ ପିଟିହେବାରୁ ବାଇକ ଆରୋହୀ ଙ୍କ ଜୀବନ ଚାଲିଯାଇଥିବା ସୂଚନା ରୁ ପ୍ରକାଶ l ମୃତ ଯୁବକ ଜଣକ ହେଲେ ଆଗଲପୁର ବ୍ଲକ ଅନ୍ତର୍ଗତ ବେନ୍ଦ୍ରା ଗ୍ରାମର ରାଜିନ୍ଦ୍ର ମହାକୁର (34) ପି. ଚତୁର୍ଭୁଜ ମହାକୁର l ମୃତଦେହ କୁ ପୋଲିସ ଜବତ୍ କରି ବ୍ୟବଚ୍ଛେଦ ପାଇଁ ବଲାଙ୍ଗୀର ଭୀମ ଭୋଇ ମେଡ଼ିକାଲକୁ ପଠାଗଲା l ହାଇୱାକୁ ପୋଲିସ ଜବତ୍ କରିଛି l ପୋଲିସ ସୂଚନା ମତେ, ବେନ୍ଦ୍ରା  ପଞ୍ଚାୟତ ସଦର ଗ୍ରାମର ରାଜିନ୍ଦ୍ର ବାଇକ ଯୋଗେ ରୁଗୁଡ଼ିଖାଲ ଛକକୁ ପୁଅ ପାଇଁ ଫଳ କିଣି ସାରି ଫାଷ୍ଟଫୁଡ୍ ନେବାକୁ ଆସୁଥିଲେ। ହେଲେ ପୂର୍ବ ରୁ ଉକ୍ତ ଛକ ରେ ଅଟକିଥିବା ଏକ ହାଇୱା ପଛପଟେ ତାଙ୍କ ବାଇକ ପିଟି ହେବାରୁ ଘଟଣା ସ୍ଥଳରେ ଯୁବକଙ୍କ ମୃତ୍ୟୁ ଘଟିଥିଲା l ଖବର୍ ପାଇଁ ଘଟଣା ସ୍ଥଳକୁ ଲୋଇସିଂହା ଆଇଆଇସି ଯାଜ୍ଞସେନୀ ନାୟକ ଓ ଷ୍ଟାପ ଯାଇ ହାଇୱାକୁ ଜବତ୍ କରିବା ସହ ମୃତଦେହ କୁ ବଲାଙ୍ଗୀର ଭୀମଭୋଇ ହସ୍ପିଟାଲ କୁ ପଠାଇଲେ l ପ୍ରକୃତ ଘଟଣା ପୋଲିସ ତଦନ୍ତ ପରେ ଜଣାପଡିବ l