13-Feb-2025

ବିନିକା(ହିମାଂଶୁ ପଟେଲ): ବିନିକା ମାଟିର କଳା ସଂସ୍କୃତିର ପ୍ରତୀକ ଭାବେ ପରିଚିତ ପଞ୍ଚମ ପାପକ୍ଷୟ ଲୋକ ମହୋତ୍ସବ ଉଦ୍‌ଘାଟିତ ହୋଇଯାଇଛି l ଏହାକୁ ନେଇ ସହର ସମେତ ବିନିକା ଅଞ୍ଚଳ ଉତ୍ସବ ମୁଖରିତ ହୋଇଛି। ୧୧ରୁ ୧୪ ପର୍ଯ୍ୟନ୍ତ ୪ ଦିନ ଧରି ମହୋତ୍ସବ ଆୟୋଜିତ ହେବ । ଅଞ୍ଚଳର କଳାପ୍ରେମୀ ଯୁବକ ମଶାଲ ଧରି ପୂଣ୍ୟପୀଠ ପାପକ୍ଷୟରୁ ବାଇକ ଶୋଭାଯାତ୍ରାରେ ବିନିକା ଇଷ୍ଟଦେବୀ ମାଁ ନାରାୟଣୀ ମନ୍ଦିରକୁ ପହଞ୍ଚିଥିଲେ । ଇଷ୍ଟଦେବୀଙ୍କୁ ପୂଜାର୍ଚ୍ଚନା ପରେ ବିନିକାର ପାଲା, ବାଡ଼ିଖେଳ, କଇନ୍ତରାର କରମା, କରତଙ୍ଗର ପରଭା, ସକମାର ସଞ୍ଚାର, ଚଡ଼େଇପଙ୍କର ଘୁବୁକୁଡୁ ଆଦି ସାଂସ୍କୃତିକ ଅନୁଷ୍ଠାନ ସହ ୨୦୦ରୁ ଉର୍ଦ୍ଧ୍ବ କଳାକାର ପାଦରେ ପାରମ୍ପରିକ ବେଶଭୂଷାରେ ସଜ୍ଜିତ ହୋଇ ଶୋଭାଯାତ୍ରାରେ ବାହାରିଥିଲେ। ଶୋଭାଯାତ୍ରା l ସହର ପରିକ୍ରମା କଲା ପରେ ଡାକ୍ତରଖାନା ସମ୍ମୁଖ ମହୋତ୍ସବ ମଞ୍ଚରେ ପୂଜାର୍ଚ୍ଚନା କରାଯାଇଥିଲା। ସନ୍ଧ୍ୟାରେ ପାପକ୍ଷୟ ଲୋକ ମହୋତ୍ସବ ମଞ୍ଚ ଉଦ୍‌ଘାଟିତ ହୋଇଛି। ସନ୍ଧ୍ୟାରେ ମହୋତ୍ସବ ମଞ୍ଚକୁ କମିଟି କର୍ମକର୍ତ୍ତା ଓ ଅଞ୍ଚଳବାସୀଙ୍କ ଉପସ୍ଥିତିରେ ବିନିକା ତହସିଲଦାର ସୀତାରାମ ଭୋଇ ଉଦ୍‌ଘାଟନ କରିଥିଲେ ବିନିକା ବିଡିଓ ମଣ୍ଟୁ ଖମାରୀ, ବରିଷ୍ଠ ଆଇନଜୀବୀ ତଥା ସାର୍ବଜନୀନ ଦୁର୍ଗା ପୂଜା କମିଟି ସଭାପତି ସନ୍ତୋଷ ପଣ୍ଡା, ବିନିକା ଓକିଲ ସଂଘ ସଭାପତି ସୁଧାଂଶୁ ଦାଶ, ଯୁବ ସଂଗଠକ ନବକୃଷ୍ଣ ଦନ୍ତା, ଉପସଭାପତି ପ୍ରଦୀପ ସେଠୀ, ଦେବରାଜ ମେହେର, ବିଜୟ ନାରାୟଣ ବରେଇ, ମହୋତ୍ସବ କମିଟି ସଭାପତି ପ୍ରଶାନ୍ତ ଦଣ୍ଡସନା, ସମ୍ପାଦକ ଧର୍ମେନ୍ଦ୍ର ସାହୁ, ଉମାକାନ୍ତ ଦୀପଙ୍କ ସହ  ବହୁ ବିଶିଷ୍ଟ ବ୍ୟକ୍ତି ପ୍ରମୁଖ ସମ୍ମାନୀତ ଅତିଥି ଯୋଗଦେଇଥିଲେ l ସାଂସ୍କୃତିକ ସଂଧ୍ୟା ରେ ନୃତ୍ୟ ଗୁରୁ ସଂଗୀତା ଦାସ ଙ୍କ ନିର୍ଦ୍ଦେଶନାରେ ସଂଜ୍ୟୋତ୍ କଳା କେନ୍ଦ୍ର ବଲାଙ୍ଗିର ର କଳାକାର ମାନଙ୍କର ଲୋକ ନୃତ୍ୟ ଓ ଲୋକ ଗୀତ ରେ ଦୁଲୁକିଲା ମଞ୍ଚ । କଣ୍ଠ ଶିଳ୍ପୀ ନୁର ବେଗମ୍, ଶତ୍ରୁଘ୍ନ ଲୁହା ବରିଷ୍ଠ କଳାକାର ଅଞ୍ଚଳର  ମହୋତ୍ସବ କଳା ଓ କଳାକାରଙ୍କ ମଞ୍ଚ ବୋଲି ମତ ପ୍ରକାଶ ପାଇଥିଲା। ଲୋକ ମହୋତ୍ସବରେ ପ୍ରଥମ ଥର ପାଇଁ ପଲ୍ଲୀଶ୍ରୀ ମେଳା ଆୟୋଜିତ ହେଉଛି ।