11-Feb-2025

ଅତାବିରା(ଆକାଶ ମିଶ୍ର): ଅତାବିରା ଏନ.ଏ.ସି ଅନ୍ତର୍ଗତ ଲାଦରପାଲି ସ୍ଥାୟୀ ବାସିନ୍ଦା ସତ୍ୟାନନ୍ଦ ପ୍ରଧାନ(୭୮)ଙ୍କ ପରଲୋକ ଘଟିଛି। ସେ କିଛି ଦିନ ହେଲା କିଡିନୀ ରୋଗରେ ପୀଡିତ ହୋଇ ଚିକିତ୍ସିତ ହୋଇ ଆସୁଥିଲେ। ତାଙ୍କ ବିୟୋଗ ରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ତାଙ୍କର ତିନି ପୁଅ ମାନଭଞ୍ଜନ, ଲଳିତ ଓ ଭରତ, ଝିଅ ସୁଜାତା, ନମିତା ପରିବାରବର୍ଗଙ୍କ ସମେତ ବନ୍ଧୁ ପରିଜନ, ଜ୍ବାଇଁ, ନାତିନାତୁଣୀ ଙ୍କୁ ଛାଡି ସେ ଚାଲି ଯାଇଛନ୍ତି। ସମାଜସେବୀ କୃଷ୍ଣ ଚନ୍ଦ୍ର ପ୍ରଧାନ କୁଲିତା ସମାଜ, ଗ୍ରାମବାସୀ ପ୍ରମୁଖ ତାଙ୍କର ଶେଷ ଦର୍ଶନ କରି ଥିଲେ। ଅଞ୍ଚଳର ବିଭିନ୍ନ ସାମାଜିକ ଓ ଆଧ୍ୟାତ୍ମିକ କାର୍ଯ୍ୟକ୍ରମ ଓ ଅନୁଷ୍ଠାନ ସହ ଜଡ଼ିତ ରହିଥିବା ଶ୍ରୀ ପ୍ରଧାନ ବହୁ ପୁରାତନ ହନୁମାନ ମନ୍ଦିରର ପୂଜକ, ନ୍ୟୁଟନ କଲେଜ ପରିଚାଳନା କମିଟିର ସଭାପତି, ଅତାବିରା ଦୁଗ୍ଧ ଉତ୍ପାଦନ କେନ୍ଦ୍ରର ସଭାପତି ଓ ପରେ ନିର୍ଦ୍ଦେଶକ ମଧ୍ୟ ଥିଲେ। ଗାଁ ଶ୍ମଶାନରେ ଶେଷକୃତ୍ୟ ସମ୍ପନ ହୋଇଛି। ପୁତ୍ର ମାନଭଞ୍ଜନ ପ୍ରଧାନ ମୁଖାଗ୍ନି ଦେଇଥିଲେ।