05-Jan-2025

କଣ୍ଟାମାଳ(ଜୟ କୁମାର ମହାରଣା): ସାମ୍ବାଦିକ ମାନଙ୍କ ସ୍ୱାସ୍ଥ୍ୟ ବୀମା ଯୋଜନା ସମ୍ପର୍କିତ ୩ଦଫା ଦାବିକୁ ନେଇ ବୌଦ୍ଧ ଜିଲ୍ଲା କଣ୍ଟାମାଳ ଗସ୍ତରେ ଥିବା  ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମୁକେଶ ମହାଲିଙ୍ଗ ଙ୍କୁ କଣ୍ଟାମାଳ ବ୍ଲକ ସାମ୍ବାଦିକ ସଂଘ (କବ୍ଜା ) ସଦସ୍ୟମାନେ ସାକ୍ଷାତ କରି ଖୁଣ୍ଟିଗୋରା ପଞ୍ଚାୟତ ମସିଣାଗୋରା ଠାରେ ଡ଼ୁମାଳ ସମାଜ ପକ୍ଷରୁ ଆୟୋଜିତ ଦ୍ୱିତୀୟ ମା ମାହେଶ୍ୱରୀ ମହୋତ୍ସବ ମଞ୍ଚରେ ଏକ ଦାବିପତ୍ର

ପ୍ରଦାନ କରିଥିଲେ  l   ତିନି ଦଫା ଦାବି ଗୁଡିକ ମଧ୍ୟରେ ରାଜ୍ୟରେ କାର୍ଯ୍ୟରତ ପ୍ରାୟ  ୭୦୪୧ଜଣ କାର୍ଯ୍ୟରତ ସାମ୍ବାଦିକଙ୍କ ଗୋପବନ୍ଧୁ ସ୍ୱାସ୍ଥ୍ୟ ବୀମା ରାଶି ୫ଲକ୍ଷ ଟଙ୍କାରୁ ୧୦ଲକ୍ଷ୍ୟ ଟଙ୍କାକୁ ବୃଦ୍ଧି,ପ୍ରତ୍ୟେକ ସାମ୍ବାଦିକ ଙ୍କ ସ୍ୱାସ୍ଥ୍ୟ ବୀମାରେ ସେମାନଙ୍କ ଉପରେ ନିର୍ଭରଶୀଳ ବାପା ଓ ମାଆ ଙ୍କୁ ମଧ୍ୟ ସାମିଲ କରାଯାଉ,ଏବଂ ଓଡିଶାରେ କାର୍ଯ୍ୟରତ ସାମ୍ବାଦିକଙ୍କ ଚିକିତ୍ସା ନିମନ୍ତେ ସମସ୍ତ ମେଡିକାଲ କଲେଜ ଏବଂ ଏମ୍ସ (ଭୁବନେଶ୍ୱର )ରେ ସ୍ୱତନ୍ତ୍ର ଚିକିତ୍ସା ବ୍ୟବସ୍ଥା କରିବା ଆଦି ଅନ୍ତର୍ଭୁକ୍ତ l   ଏହି ଦାବିପତ୍ର ଦେବା ସମୟରେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ,ବିଜେପି ଜିଲ୍ଲା ସଭାପତି ବିପ୍ର ଚରଣ ମହାନ୍ତି,ଜିଲ୍ଲାପରିଷଦ ସଭ୍ୟ ରାକେଶ ତ୍ରିପାଠୀ ସମେତ ଅନ୍ୟମାନେ ଉପସ୍ଥିତ ଥିଲେ   l