04-Jan-2025

ବଲାଙ୍ଗୀର(ପ୍ରେରଣା ଖବର): ଆସନ୍ତା ଜାନୁୟାରୀ ୫ତାରିଖରେ ବଲାଙ୍ଗୀର ଗାନ୍ଧୀଷ୍ଟାଡିୟମଠାରେ ପୂର୍ବତନ କ୍ରୀଡାସଂଗଠକ ସ୍ୱର୍ଗତ ସୁମନ୍ତ ଭୋଇଙ୍କ ସ୍ମୃତିରେ ଏକଦିବସୀୟ ଭେଟେରାନ କ୍ରୀକେଟମ୍ୟାଚ ଅନୁଷ୍ଠିତ ହେବାକୁ ଯାଉଛି । ସେଥିପାଇଁ ଆଜି ସ୍ଥାନୀୟ ଗାନ୍ଧୀଷ୍ଟାଡିୟମଠାରେ ଆୟୋଜକକମକଟି ପକ୍ଷରୁ ଏହାର ଜର୍ସି ଉଦଘାଟନ କାର୍ଯ୍ୟକ୍ରମ କରାଯାଇଛି । ଆୟୋଜିତ ଏହି କାର୍ଯ୍ୟକ୍ରମରେ ଆୟୋଜକ କମିଟି ପକ୍ଷରୁ ହରେଶ ଦାନୀ ମ୍ୟାଚବିଷୟରେ ସୂଚନା ଦେଇଥିଲେ । ଜର୍ସିକୁ କୃଷ୍ଣଚନ୍ଦ୍ର ଦାନୀଙ୍କ ସମେତ ପୂର୍ବତନ ରଂଜି ପ୍ଲେୟାର ସୂର୍ଯ୍ୟନାରାୟଣ ମିଶ୍ର,ଜିଲ୍ଲା କ୍ରୀଡାସଂସଦର ସଂପାଦକ ହରିନାରାୟଣ ପୂଜାହାରୀ,ଅରୁଣ ନାଏକ,ଶିବୁ ବାଗ,ପୃଥ୍ୱୀରାଜ ମିଶ୍ର,ପ୍ରଦୀପ ମହାନ୍ତି,ମନୋଜ ଚିନ୍ଦା,ପ୍ରଦୀପ ମେହେଟା,ମାନଭଞ୍ଜନ ଯୋଷୀ,ମନୋରଂଜନ ଯୋଷୀ,ଚେତନାନନ୍ଦ ପଣ୍ଡା,ସ୍ୱର୍ଗତ ସୁମନ୍ତ ଭୋଇଙ୍କ ପୁତ୍ର ସାର୍ଥକ ଭୋଇ,ଭାଗିରଥି ମହାକୁର,ଅମିତ ମହାନ୍ତି ପ୍ରମୁଖ ଉପସ୍ଥିତ ରହି ଉଦଘାଟନ କରିଥିଲେ । ୫ ତାରିଖରେ ଦିନବେଳା ନବକିଶୋର କ୍ରୀକେଟଦଳ ଓ ବଲାଙ୍ଗୀର ଭେଟେରାନ କ୍ରୀକେଟଦଳ ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି । ପ୍ରକାଶ ଯେ,ସ୍ୱର୍ଗତ ସୁମନ୍ତ ଭୋଇ ବଲାଙ୍ଗୀରର ଜଣେ ଜଣାଶୁଣା କ୍ରୀକେଟସଂଗଠକ ଥିଲେ । ଆନେକ କ୍ରୀଡାବିଦଙ୍କୁ ସେ ପ୍ରୋତ୍ସାହିତ କରିଆସୁଥିଲେ । ଗତ ୨୦୨୧ ମସିହାରେ ତାଙ୍କର ଦେହାନ୍ତ ହୋଇଯାଇଥିଲା । ତେଣୁ ତାଙ୍କ ସ୍ମୃତି ଉଦ୍ଦେଶ୍ୟରେ ଚଳିତବର୍ଷଠାରୁ ଏକ ମେମୋରିଆଲ କ୍ରୀକେଟ ମ୍ୟାଚ କରିବାକୁ ସ୍ଥିର କରାଯାଇଛି ।