04-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଠାରେ ତା ୦୩.୦୧.୨୦୨୫ ରିଖ ଦ୍ୱିତୀୟ ଦିବସରେ ୧୦୮ କୁଣ୍ଡୀୟ ରାଷ୍ଟ୍ର ଜାଗରଣ ଗାୟତ୍ରୀ ମହାଯଜ୍ଞ-୨୦୨୫ ମହାସମାରୋହରେ ଅନୁଷ୍ଠିତ ହୋଇଯାଇଛି। ଦ୍ୱିତୀୟ ଦିବସରେ ୧୦୮ କୁଣ୍ତରେ ୧୦୮ ଜଣ ଦେବ ଦମ୍ପତି ବରଗଡ଼ ଜିଲ୍ଲା ତଥା ଆଖପାଖ ଜିଲ୍ଲାରୁ ଆସି ଏହି ମହାନ ଯଜ୍ଞରେ ସାମିଲ ହୋଇ ଆଦୂତି ପ୍ରଦାନ କରିଥିଲେ।ଅଖିଳ ବିଶ୍ୱ ଗାୟତ୍ରୀ ପରିବାର ବରଗଡ଼ ଶାଖାର ଉଦ୍ଦେଶ୍ୟ ଏହି ଯେ,ମଣିଷ ମଧ୍ୟରେ ଦେବତ୍ୱର ଜାଗରଣ ଏବଂ ଧରାରେ ସ୍ୱର୍ଗର ଅବତରଣ ଲକ୍ଷ୍ୟ କୁନେଇ ଏହି କାର୍ଯ୍ୟକ୍ରମରେ ମୁଖ୍ୟ ଉଦ୍ଦେଶ୍ୟ ଅଟେ।ଏହି ଯଜ୍ଞକୁ ପରିଚାଳନା କରିବା ପାଇଁ ଶାନ୍ତି କୁଞ୍ଜ ହରିଦ୍ଵାରରୁ ଋଷି ପୁତ୍ର ଓଡ଼ିଶା ପ୍ରଭାରୀ ଶ୍ରୀଯୁକ୍ତ ଶେଷଦେବ ବଢ଼େଇ, ମୁଖ୍ୟ ଟୋଲି ନାୟକ ଶ୍ରୀଯୁକ୍ତ କୈଳାସ ନାରାୟଣ ତିୱାରୀ, ଶ୍ରୀଯୁକ୍ତ ବସନ୍ତ ଲାଲ ଶୋଲାଙ୍କି, ଶ୍ରୀଯୁକ୍ତ ସୋମେଶ୍ୱର ତାଣ୍ଡି, ଶ୍ରୀଯୁକ୍ତ ରୁଦ୍ରଗିରୀ ଗୋସ୍ୱାମୀ ଏବଂ ଶ୍ରୀଯୁକ୍ତ ରବିନ୍ଦ୍ର ଗୈାଡ ମଞ୍ଚ ପରିଚାଳନା କରିଥିବାବେଳେ ଶ୍ରୀଯୁକ୍ତ ପ୍ରଶାନ୍ତ ସେଠ ଭାଇ ସହଯୋଗ କରିଥିଲେ। ଏହି କାର୍ଯ୍ୟକ୍ରମ ପୂର୍ବରୁ ଶାନ୍ତି କୁଞ୍ଜ ହରିଦ୍ଵାରରୁ ଆସିଥିବା ଭାଇ ମାନଙ୍କୁ ବରଗଡ଼ ଜିଲ୍ଲା ସଂଯୋଜକ ଶ୍ରୀଯୁକ୍ତ ଅଶ୍ୱିନୀ କୁମାର ସାହୁ ଏବଂ ତାଙ୍କ ସହଧର୍ମିଣୀ ପଦ୍ମିନୀ ସାହୁ ଭବ୍ୟ ସ୍ୱାଗତ ସହ ମଞ୍ଚକୁ ପାଛୋଟି ଆଣି ମଞ୍ଚରେ ତାଙ୍କୁ ତିଲକ ଏବଂ ପୁଷ୍ପମାଲ୍ୟ ପ୍ରଦାନ କରିଥିଲେ । ସଭାପତି ଶ୍ରୀଯୁକ୍ତ ପ୍ରଫୁଲ୍ଲ କୁମାର ନାୟକ, କୋଷାଧ୍ୟକ୍ଷ ରେଡିଏନ୍ସ ଶିକ୍ଷାନୁଷ୍ଠାନର ପରିଚାଳକ ଶ୍ରୀମାନ ଅଜିତ କୁମାର ମେହେର ଏବଂ ସମ୍ୱଲପୁର ଉପ ଜୋନ ସଂଯୋଜକ ଶ୍ରୀଯୁକ୍ତ ରଘୁମଣି ଦାଶ ଉପଢ଼ୌକନ ସହ ପୁଷ୍ପଗୁଚ୍ଛ ଦେଇ ସମ୍ମାନୀତ କରିଥିଲେ।ଏହି ଯଜ୍ଞରେ ବରଗଡ଼ ଜିଲ୍ଲା ସମେତ ଓଡ଼ିଶାର କୋଣ ଅନୁକୋଣରୁ ଆସିଥିବା ଗାୟତ୍ରୀ ପରିବାର ଭାଇ ଭଉଣୀ ମାନେ ବିଭିନ୍ନ ବିଭାଗ ଯଥା ଯଜ୍ଞଶାଳା,ସୁରକ୍ଷା,ଭୋଜନାଳୟ ଏବଂ ଅନ୍ୟାନ୍ୟ ସମସ୍ତ ବିଭାଗରେ ମହା ଆନନ୍ଦ ସହିତ ସହଯୋଗ କରିଥିଲେ।

ଏହାପରେ ଯଜ୍ଞ କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା।ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁରର ଗୋଷ୍ଠୀ ଚିକିତ୍ସା ଅଧିକାରୀ ଡା.ସୁଶାନ୍ତ ମେହେରଙ୍କ ତତ୍ୱାବଧାନରେ ପ୍ରବଳ ଭିଡ଼କୁ ଆଖି ଆଗରେ ରଖି ସ୍ୱାସ୍ଥ୍ୟ ବିଭାଗ ପକ୍ଷରୁ ଡ଼ା.ପ୍ରଜ୍ଞା ପରମିତା ପାତ୍ର, ଫାର୍ମାସିଷ୍ଟ ଶ୍ରୀମତୀ ବିଜେତା ମିଶ୍ରଙ୍କୁ ଏଇ ସ୍ଥାନରେ ଦାୟିତ୍ୱ ପ୍ରଦାନ କରିଥିବା ଜଣାପଡିଛି।ଯଜ୍ଞ ପଡିଆର ବିଭିନ୍ନ ସ୍ଥାନ ମାନଙ୍କରେ ଅଙ୍କିତ ଶିଳ୍ପ କାରୁକାର୍ଯ୍ୟ ସୁଦୂର ଭବାନୀପାଟଣା ଭାଇ ଶ୍ରୀଯୁକ୍ତ ପ୍ରଦୀପ କୁମାର ମହାରଣା ଏବଂ ସାଥି ବ୍ରହ୍ମପୁରର କୃଷ୍ଣଚନ୍ଦ୍ର ସାହୁ, ଭଦ୍ରକର ଜଗନ୍ନାଥ ପ୍ରଧାନ ମନ ଲୋଭାଣିଆ ବାଲୁକା କାରୁକାର୍ଯ୍ୟ କରିଥିବାବେଳେ ଲୋକେ ଆନନ୍ଦରେ ଉପଭୋଗ କରୁଥିବା ଦେଖିବାକୁ ମିଳିଛି । ଆଜି ତୃତୀୟ ଦିବସରେ ସକାଳ ୯ ଘଟିକାରୁ ଗାୟତ୍ରୀ କୁଣ୍ଡ ଯଜ୍ଞ ଏବଂ ସଂଧ୍ୟାରେ ବିଶେଷ ଆକର୍ଷଣ ଶାନ୍ତି କୁଞ୍ଜ ହରିଦ୍ଵାରର ଦେବ ସଂସ୍କୃତି ବିଶ୍ଵବିଦ୍ୟାଳୟର ଉପକୁଳପତି ତଥା ଗାୟତ୍ରୀ ପରିବାରର ଯୁବା ମୁଖ୍ୟ ଡାକ୍ତର ଚିନ୍ମୟ ପାଣ୍ଡିଆ ଯୋଗଦାନ କରି ତାଙ୍କର ଆଭିମୁଖ୍ୟ ପ୍ରଦାନ କରିବେ ବୋଲି ଆୟୋଜକ ମାନଙ୍କ ଠାରୁ ପ୍ରକାଶ।ଏଠି ଅନୁଷ୍ଠିତ ହେଉଥିବା ୧୦୮ କୁଣ୍ଡୀୟ ରାଷ୍ଟ୍ର ଜାଗରଣ ଗାୟତ୍ରୀ ମହାଯଜ୍ଞ ବିଜେପୁର ଅଞ୍ଚଳବାସୀଙ୍କ ସମ୍ପୂର୍ଣ୍ଣ ପ୍ରଚେଷ୍ଟା ଆଜି ସମ୍ଭବ ହୋଇ ପାରିଛି ବୋଲି ଜିଲ୍ଲା ସଂଯୋଜକ ଶ୍ରୀଯୁକ୍ତ ସାହୁ ଆମ ପଶ୍ଚିମଓଡିଶା ବ୍ୟୁରୋ ଚିଫଙ୍କୁ ଜଣାଇଛନ୍ତି।