24-Nov-2024

ବଲାଙ୍ଗିର(ପ୍ରେରଣା ଖବର):  ସ୍ଥାନୀୟ ସଙ୍ଗୀତ ବିଦ୍ୟାଳୟ "ପଞ୍ଚମ "ର ଏକ ବର୍ଣ୍ଣାଢ୍ୟ  ଉତ୍ସବରେ ବିଦ୍ୟାଳୟର ଛାତ୍ର ଛାତ୍ରୀ ଅଭିଭାବକ ମାନଙ୍କ ଦ୍ୱାରା ରାଜ୍ୟ ଚଳଚ୍ଚିତ୍ର ପୁରସ୍କାର ବିଜେତା ଶ୍ରେଷ୍ଟ ପୋଷାକ ନିର୍ଦେଶକ  ଭାବେ ପଞ୍ଚମ ର ପୁରୁଖା ସଦସ୍ୟ ଚୈତନ୍ୟ ମଟାରୀ, ଚଳଚ୍ଚିତ୍ର  'ଶଲାବୁଢାର ବଦଲା' ପାଇଁ ଶ୍ରେଷ୍ଠ ଗୀତିକାର ଭାବେ ଉପଦେଷ୍ଟା କପିଳେଶ୍ଵର ଖମାରୀ ଓ 

ଶ୍ରେଷ୍ଠ ପ୍ରଚ୍ଛଦପଟ କଣ୍ଠଶିଳ୍ପୀ ଭାବେ ବିଦ୍ୟାଳୟର ପୁରାତନ ଛାତ୍ର ମାଧବ ଦାଶ ଙ୍କୁ ଚଳଚ୍ଚିତ୍ର 'ଶତ୍ରୁ' ପାଇଁ  ସମ୍ବର୍ଦ୍ଧିତ  କରାଯାଇ ଥିଲା l ଆଜି ନୃତ୍ୟ ବିଭାଗର ପ୍ରକାଷ୍ଠରେ ସହସମ୍ପାଦକ ବିଶିଷ୍ଟ ତବଲା ଓ ନୃତ୍ୟଗୁରୁ ଗୌର କିଶୋର ମହାପାତ୍ର ମଞ୍ଚକୁ ନିମନ୍ତ୍ରଣ ପୂର୍ବକ ପରିଚୟ ପ୍ରଦାନ ପରେ ମଞ୍ଚାସୀନ ସଭାପତି ତଥା ପଞ୍ଚମର ଅଧ୍ୟକ୍ଷ କଣ୍ଠଶିଳ୍ପୀ ଲୋକ ଗୀତ ଗବେଷକ ମୁରଲିଧାରୀ ପତି ଙ୍କ ସଭାପତିତ୍ୱରେ ବିଦ୍ୟାଳୟର ତବଲା ବିଭାଗର ଛାତ୍ର ମାନେ କପିଳେଶ୍ୱର ଖମାରୀଙ୍କୁ ପୁଷ୍ପଗୁଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରି ଥିଲେ l  ନୃତ୍ୟ ବିଭାଗର ଛାତ୍ରୀ ମାନଙ୍କ ଦ୍ୱାରା ଚୈତନ୍ୟ ମଟାରୀ ଓ କଣ୍ଠସଙ୍ଗୀତ ବିଭାଗର ଛାତ୍ରଛାତ୍ରୀ ମାନେ କଣ୍ଠଶିଳ୍ପୀ ମାଧବ ଦାଶ ଙ୍କୁ ସମ୍ବର୍ଦ୍ଧିତ କରିଥିଲେ l ପ୍ରତ୍ୟୁତ୍ତରରେ ଅତିଥି ମାନେ ସାଧନା ଓ ନିଷ୍ଠା ଜାରି ରଖିଲେ ଉତ୍ତମ ଫଳପ୍ରାପ୍ତି ହୁଏ ଏବଂ ଭବିଷ୍ୟତରେ କଳାକାର କାରଖାନା 'ପଞ୍ଚମ'ର 

 ନୂତନ ପୀଢ଼ିର ଛାତ୍ରଛାତ୍ରୀ ମାନେ ମଧ୍ୟ ସୁନାମ ଅର୍ଜନ କରି ବଲାଙ୍ଗିର ମାଟିକୁ ଆହୁରି ଗର୍ବlନ୍ୱିତ କରନ୍ତୁ ବୋଲି ମତପ୍ରକାଶ କରିଥିଲେ l
  ଆଜିର ଏହି କାର୍ଯ୍ୟକ୍ରମରେ ଶତାଧିକ ଛାତ୍ରଛାତ୍ରୀ ଓ ତାଙ୍କ ଅଭିଭାବକ ମାନଙ୍କ ଉପସ୍ଥିତିରେ ସଦସ୍ୟ ରମଣୀ ପଟ୍ଟନାୟକ ନାୟକ, ଶୁଭେନ୍ଦୁ ଜାଲ, ଶିରିସା ପତି, ସଂସ୍କାର ମିଶ୍ର, କ୍ରିଷ୍ଣରାଜ ପତି,ଉତ୍ତମ ପାତ୍ର, ପ୍ରଣତି ମହାରଣା ପ୍ରଭୁତି କାର୍ଯ୍ୟକ୍ରମକୁ ସଫଳ ରୂପାୟନ କରିବାରେ ସହଯୋଗ କରିଥିଲେ l