09-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) କନ୍ଧମାଳ ଜିଲ୍ଲା ସଦର ବ୍ଲକ ଫୁଲବାଣୀର ବିଭିର୍ଣ୍ଣ ଅଞ୍ଚଳରେ ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ହାଆଡମ୍ବରରେ ଶ୍ରୀ ଗଣେଶ ବିଘ୍ନ ବିନାଶକ ବିନାୟକ ଅଗ୍ରପୂଜ୍ୟ ଗଣନାଥଙ୍କ ପୂଜା ପାଳିତ ହୋଇଯାଇଛି । ଏହି ଅଞ୍ଚଳର ସମସ୍ତ ଶିକ୍ଷାନୁଷ୍ଠାନ, ବିଦ୍ୟାଳୟ, ମହାବିଦ୍ୟାଳୟ ରେ ବିଦ୍ୟାର ଅଧିକାରୀ ଶ୍ରୀ ଗଣେଶଙ୍କ ପୂଜା ଅନୁଷ୍ଠିତ ହେଉଥିବା ବେଳେ ବିଶେଷ କରି  ଗ୍ରାମାଞ୍ଚଳରେ ବିଭିର୍ଣ୍ଣ ସାମାଜିକ ସଂଗଠନ ତଥା ଯୁବକ ସଂଘ, ସହିତ ପୁର ପଲ୍ଲୀରେ ମଧ୍ୟ ଶ୍ରୀ ଗଣେଶ ପୂଜାକୁ ଅତ୍ୟଧୂକ ଭକ୍ତି ଉତ୍ସାହରେ ପାଳନ କରାଯାଇଥିବା ଦେଖିବାକୁ ମିଳିଛି | ଏହା ଦ୍ୱାରା ଗ୍ରାମାଞ୍ଚଳ ସାଂସ୍କୃତିକ ତଥା ଧାର୍ମିକ ଭାବନା ଗଭୀର ଭାବରେ ଜାଗ୍ରତ ହେବା ସହିତ ଭକ୍ତି ଭାବ ମଧ୍ୟ୍ୟ ସୃଷ୍ଟି ହୋଇଥାଏ |  ଶ୍ରୀ ଗଣେଶ ଙ୍କ ପୂଜା ଦେଖିବାକୁ ଆଖପାଖ ଗାଁ ଓ ସହରରୁ ବହୁ ସଂଖ୍ୟାରେ ଜନସମାଗମ ହେଉଥିବାର ଵି ଦେଖିବାକୁ ମିଳୁଛି ଇ ସେହିପରି ନିକଟସ୍ଥ ଗୁମାଗଡ଼ ଗ୍ରାମ ପଂଚାୟତ ର ଯୁବକ ସଙ୍ଘ ଦ୍ୱାରା ଚଳିତ ବର୍ଷ ନିଆରା ଢଙ୍ଗରେ ଶ୍ରୀ ଗଣେଶ ଙ୍କର ପୂଜା ଅନୁଷ୍ଠିତ ହୋଇଥିବାର ଦେଖିବାକୁ ମିଳିଛି |

   ଗୁମାଗଡ଼ ଶ୍ରୀ ଶ୍ରୀ ନୃସିଂହ ନାଥ ଯୁବକ ସଙ୍ଘ ଦ୍ୱାରା ଆୟୋଜିତ ଶ୍ରୀ ଗଣେଶ ପୂଜାରେ ଏକ ଅଭିନଵ ନୂତନ କଳାତ୍ମକ ଶୈଳୀ ଏବଂ ଭକ୍ତି ପ୍ରତିଫଳିତ ହୋଇଥିଲା  । ପ୍ରଭୁ ଗଣେଶଙ୍କ ଆଶୀର୍ବାଦ ପାଇବା ପାଇଁ ସ୍ଵତନ୍ତ୍ର ପ୍ରାର୍ଥନା ଓ ରୀତିନୀତି ସହିତ ସ୍ଥାନୀୟ ପୂଜା ମଣ୍ଡପ ରେ ଦିନସାରା ଭକ୍ତମାନଙ୍କର ଭିଡ଼ ମଧ୍ୟ ଦେଖିବାକୁ ମିଳିଥିଲା । ଆଉ ଗୋଟିଏ ଦୁଇଦିନ ପରେ ଏହି ଉତ୍ସବରେ ଆରତୀ ଏବଂ ଗଣେଶ ମୂର୍ତ୍ତିଗୁଡ଼ିକୁ ସ୍ଥାନୀୟ ଜଳରାଶିରେ ବିସର୍ଜନ କରିବା ପାଇଁ ସ୍ଥିର କରାଯାଇଛି ।ଗଣେଶ ପୂଜାର ସଫଳ ସିଦ୍ଧାନ୍ତ ସହିତ ଗୁମାଗଡ଼ରେ ପୁଣି ଥରେ ସମୃଦ୍ଧ ସାଂସ୍କୃତିକ ପରମ୍ପରାକୁ ବଞ୍ଚାଇ ରଖିବା ପାଇଁ ନିଜ ନିଜର ପ୍ରତିବଦ୍ଧତା ପ୍ରଦର୍ଶନ କରିଛି ଯାହା କି ଗୁମାଗଡ଼ କୁ ଏକ ସ୍ୱତନ୍ତ୍ର ଅଞ୍ଚଳରେ ପରିଣତ କରିଛି । ଏହି ପର୍ବ ଚିରସ୍ଥାୟୀ ବିଶ୍ଵାସ ଏବଂ ଏକତାର ସ୍ମାରକ  ଭାବରେ କାର୍ଯ୍ୟ କଲା ଯାହା ଏହି ଜୀବନ୍ତ ଅଞ୍ଚ ଅଞ୍ଚଳର ଲୋକଙ୍କୁ ପରିଭାଷିତ କରେ ।
        ଚଳିତ ବର୍ଷରେ ଅନୁଷ୍ଠିତ ହୋଇଥିବା ଗଣେଶ ପୂଜାର ବିଶେଷତ୍ୱ ହେଲା ପୂଜା କମିଟିର ସଦସ୍ୟ ମାନଙ୍କ ଦ୍ୱାରା ନିଜ ହାତରେ ବିଘ୍ନ ବିନାଶକ ବିଦ୍ୟାର ଅଧିକାରୀ ବିନାୟକ ଅଗ୍ରପୁଜ୍ୟ ଗଣନାଥ ଙ୍କର ମଣ୍ମୟ ମୂର୍ତ୍ତି କୁ ତିଆରି କରିଥିବାର ଦେଖିବାକୁ ମିଳିଛି | ନୃସିଂହ ନାଥ ଯୁବକ ସଂଘର ଦୁଇଜଣ କର୍ମକର୍ତ୍ତା ତଥା ଶିଳ୍ପୀ ରୁଦ୍ରାକ୍ଷ ବିଶ୍ୱାଳ ଓ ଉଦ୍ଧବ ପାତ୍ର ଦୀର୍ଘ ୮ ଫୁଟ ଉଚ୍ଚତା ବିଶିଷ୍ଟ ଶ୍ରୀ ଗଣନାଥ ଙ୍କର ଏକ ଅତ୍ୟନ୍ତ ମନଲୋଭା ସୁନ୍ଦର ମୂର୍ତ୍ତି ନିର୍ମାଣ କରିପାରିପାରିଛନ୍ତି, ଯାହାକି ଜଣେ ପେସାଦାର ମୂର୍ତ୍ତି କାରିଗର ଗଢି ଥିବା ମୂର୍ତ୍ତି ପରି ଦେଖିବାକୁ ମିଳିଛି | ଶ୍ରୀ ଗଣେଶଙ୍କର ପ୍ରକୃତ ଅଙ୍ଗ ବସ୍ତ୍ର ସହିତ ମୂର୍ତ୍ତିର ସର୍ବାଙ୍ଗରେ ଶାସ୍ତ୍ରୀୟ ବର୍ଣ୍ଣିତ ରୂପେ ଅତି  ସୁନ୍ଦରଓ ଚମତ୍କାର ରଙ୍ଗରେ ରଙ୍ଗୟିତ କରି ମୂର୍ତ୍ତିକୁ ଏକ ଜୀବନ୍ତ ରୂପ ଦିଆଯାଇଛି | ମୂର୍ତ୍ତି କାରିଗର ରୁଦ୍ରାକ୍ଷ ବିଶ୍ୱାଳ ଓ ଉଦ୍ଧବ ପାତ୍ର ଶ୍ରୀ ଗଣେଶ ଙ୍କର ଶରୀର ଗଠନ ରୁ ଆରମ୍ଭ କରି ଅଙ୍ଗ ବସ୍ତ୍ର ପରିପାଟି ଅଳଙ୍କାର ଆଭୂଷଣ ତିଳକ ସହିତ କାହିଁରେ କମି ରଖିନାହାନ୍ତି | ସତରେ ନିଜ ହାତ ଗଢ଼ା ଶ୍ରୀ ଗଣେଶଙ୍କୁ ଦେଖିଲେ ଆଖି ଲାଖି ରହୁଛି ଓ ଏକ ଆଧ୍ୟାତ୍ମିକ ଭାବନା ହୃଦୟ ମଧ୍ୟରେ ଜାଗ୍ରତ ହୋଇଉଠୁଛି |  ଆଗାମୀ ବର୍ଷରେ ମଧ୍ୟ୍ୟ ଗୁମାଗଡ଼ ରେ ଶ୍ରୀ ଗଣେଶ ପୂଜା ଅତି ଚମତ୍କାର ଓ ଅଭିନଵ ଢଙ୍ଗରେ ପାଳନ କରାଯିବ ବୋଲି ଶ୍ରୀ ଶ୍ରୀ ନୃସିଂହନାଥ ଯୁବକ ସଂଘର ସଭାପତି ବସନ୍ତ ନାୟକ ପ୍ରକାଶ କରିଥିବା ବେଳେ ସମ୍ପାଦକ ସମୀର ନାୟକ ଓ କୋଷାଧକ୍ଷ ପିଣ୍ଟୁ ସାହୁ ସମେତ ସଂଘର ଅନ୍ୟ ସମସ୍ତ କର୍ମକର୍ତ୍ତା, ସଦସ୍ୟ ମାନଙ୍କ ବଳିଷ୍ଠ ସହଯୋଗ ରେ ଗୁମାଗଡ଼ ରେ ଶ୍ରୀ ଗଣେଶ ଚତୁର୍ଥୀ ପୂଜା ଅତି ସୁନ୍ଦର ଓ ଶାନ୍ତି ଶୃଙ୍ଖଳା ର ସହିତ ଅନୁଷ୍ଠିତ ହୋଇପାରିଥିବା ଯୋଗୁଁ  ସଭାପତି ବସନ୍ତ ନାୟକ ସମସ୍ତଙ୍କୁ ପୂଜାର ସଫଳତା ପାଇଁ ଶ୍ରେୟ ଦେଇଛନ୍ତି |