09-Sep-2024

ବରଗଡ଼(ନିରଞ୍ଜନ ତ୍ରିପାଠୀ) ବରଗଡ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ବାଦିକଟା ଗ୍ରାମପଞ୍ଚାୟତ ଅଧିନସ୍ଥ ସାପଲହର ଠାରେ ମାଁ ଶକ୍ତିଶାଳୀ ଯୁବକ ସଂଘ ସାପଲହର ପକ୍ଷରୁ ପଶ୍ଚିମ ଓଡିଶାର ମହାନ ଗଣପର୍ବ ନୂଆଁଖାଇ ଭେଟଘାଟ ଉତ୍ସବ ପାଳିତ ହୋଇଯାଇଛି ।ସର୍ବପ୍ରଥମେ ଅନନ୍ତ କୁମାର ସାହୁ ନୂଆଁଖାଇ ଉପରେ ଆଧାରିତ ସଂଗୀତ ଗାନପରେ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ସଂଘ ସଭାପତି ଶୋଭା ସାଗର ମେହେର ଓ ସଂପାଦକ ହାରାଧନ ପ୍ରଧାନ, ସଦସ୍ୟ ଆଶିଷ କୁମାର ସାହୁ,ହାରାଧନ ଜାଲଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ କାର୍ଯ୍ୟକ୍ରମ ଟି ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମ ପ୍ରାରମ୍ଭରେ ଗ୍ରାମର ଅବସରପ୍ରାପ୍ତ ଶିକ୍ଷକ ଭୋଲାନାଥ ମେହେର ପରିବେଶ ସମ୍ବନ୍ଧରେ ଓ ଲାଲବିହାରୀ ବଢେଇ କୃଷି ସମ୍ବନ୍ଧରେ ନିଜସ୍ଵ ମତପ୍ରଦାନ କରିଥିଲେ । ୫୦ କେଲୋ ର ବସ୍ତା ଦୈାଡ, ହୁଳହୁଳି ପ୍ରତିଯୋଗିତା,ଦୀପ ଜାଳିବା ପ୍ରତିଯୋଗିତା,କୁଇଜ୍ ପ୍ରତିଯୋଗିତା, ନୃତ୍ୟ ଗୀତ, କବି ସମ୍ମିଳନୀ, ଚଳିତ ବର୍ଷର ଗ୍ରାମର କୃତିତ୍ୱ ହାସଲ କରିଥିବା ଯୁବକ ଯୁବତୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ସଂଘର ପୁର୍ବତନ ସଂପାଦକ ଶ୍ରୀଯୁକ୍ତ କୃଷ୍ଣ ଚନ୍ଦ୍ର ପ୍ରଧାନ ତାଙ୍କ ଭାଷଣରେ ଗ୍ରାମର ଉନ୍ନତି ସକାଶେ ଯୁବ ସମାଜକୁ ପ୍ରେରଣା ଦେଇଥିଲେ। ଗ୍ରାମର ଭଦ୍ର ବ୍ୟକ୍ତି ତଥା ଶିକ୍ଷାପ୍ରେମୀ ସର୍ବଶ୍ରୀ:- ଟିକୁନୁ ସାହୁ, କ୍ଷୀତି ସାହୁ, ଶ୍ରୀ କ୍ଷମାନିଧି ବାରିକ, ଶ୍ରୀ ଦିପକ ପ୍ରଧାନ, ଶ୍ରୀଯୁକ୍ତ ସୁଦର୍ଶନ ନେଗୀ ପ୍ରମୁଖ ଉପସ୍ଥିତ ରହି କୃତିତ୍ୱ ହାସଲ କରିଥିବା ବ୍ୟକ୍ତି ବିଶେଷଙ୍କୁ ପୁରସ୍କାର ପ୍ରଦାନ କରି ଉତ୍ସାହିତ କରୁଥିଲେ। ମାଁ ଶକ୍ତିଶାଳୀ ଯୁବକ ସଂଘ ର ସଦସ୍ୟ ଅରୁଣ ପ୍ରଧାନ, ହିମାଂଶୁ ପ୍ରଧାନ, ବ୍ରଜମୋହନ ଜାଲ, ଭୂପେଶ ସରାଫ, ଲକ୍ଷ୍ମଣ ପଟେଲ, ସମେତ ସମସ୍ତ ସଦସ୍ୟଙ୍କ ସକ୍ରିୟ ଯୋଗଦାନ କରି କାର୍ଯ୍ୟକ୍ରମର ସଫଳ ରୂପାୟନ କରିଥିଲେ ।