07-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ସହର ସ୍ଥିତ ପ୍ରକୃତି ବିହାରରେ ରେ ଗଢ଼ି ଉଠିଥିବା ରେଡିଏନ୍ସ ଶିକ୍ଷାନୁଷ୍ଠାନରେ ବିଘ୍ନରାଜ ଗଜାନନଙ୍କର ପୂଜା ହୋଇ ଯାଇଛି। ଛାତ୍ର ଯୁଧିଷ୍ଠିର ବୁଡେକ କର୍ତ୍ତା ଭାବରେ ଦିୟିତ୍ୱ ତୁଲାଇଥିବା ବେଳେ ପଣ୍ଡିତ ରିଲୁଚନ ଦେବତା ପୂଜାର୍ଚ୍ଚନାର ସମୟ ନିର୍ଘଣ୍ଟ ଅନୁସାରେ ପୂଜାର୍ଚ୍ଚନା କାର୍ଯ୍ୟ ରିତିନୀତି ଅନୁଯାୟୀ ଆରମ୍ଭ କରିଥିଲେ। ଉକ୍ତ ପୂଜାର୍ଚ୍ଚନାରେ କୁନିକୁନି ଛାତ୍ରଛାତ୍ରୀ ଓ ଦ୍ୱାଦଶ ଶ୍ରେଣୀର ଉଭୟ ବର୍ଷର ଛାତ୍ର ଛାତ୍ରୀ ମାନଙ୍କ ଉତ୍ସାହ ଦେଖିବାକୁ ମିଳିଥିଲା।ବିଘ୍ନ ନାଶକ ଙ୍କର ସୁନ୍ଦର ଭଜନ ଅନୁଷ୍ଠାନର ଛାତ୍ରୀ ମାନେ ଖୁବ୍ ସୁ ମଧୁର ସ୍ୱରରେ ଗାନ କରିଥିଲେ। ଶେଷରେ ପୁଷ୍ପାଞ୍ଜଳୀ ଅର୍ପଣ କରି ପୂଜାକାର୍ଯ୍ୟ ସମାପନ ହୋଇଥିଲା। ପୁରୋହିତ ସମସ୍ତ ଛାତ୍ରଛାତ୍ରୀ ଓ କର୍ମଚାରୀଙ୍କୁ ଆର୍ଶିର୍ବାଦ ପ୍ରଦାନ କରିଥିଲେ। ଏହି ପୂଜା ଅର୍ଚ୍ଚନା ରେ ଅନୁଷ୍ଠାନର ଚେୟାରମେନ ଅଜିତ କୁମାର ମେହେର ଏବଂ ତାଙ୍କ ସହଧର୍ମିଣୀ ରାଜେଶ୍ୱରୀ ମେହେର, ଅଧ୍ୟକ୍ଷ ପ୍ରଫେସର ଘନଶ୍ୟାମ ମେହେର,ଏକାଡେମିକ ଡାଇରେକ୍ଟର ଗୋବିନ୍ଦ ମେହେର, ଆଡମିନିଷ୍ଟ୍ରେଟିଭ ଡାଇରେକ୍ଟର ନେତ୍ରମଣୀ ମେହେର, ତାଙ୍କ ଧର୍ମପତ୍ନୀ ମମତା ମେହେର,ସ୍କୁଲର ଅଧ୍ୟକ୍ଷା ଶ୍ରୀମତୀ ମୋହିନୀ ମେହେର, ଉପାଧ୍ୟକ୍ଷ ସଞ୍ଜୟ ବାରିକ ସମସ୍ତ ଅଧ୍ୟାପକ ଅଧ୍ୟାପିକା ଶିକ୍ଷକ ଶିକ୍ଷୟିତ୍ରୀ ଗିରିଜା ନନ୍ଦନ ଙ୍କ ଠାରେ ଛାତ୍ରଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା ପାଇଁ ପ୍ରାର୍ଥନା କରିଥିଲେ।ସର୍ବ ଶେଷରେ ଛାତ୍ର ଅରମାନ ଭୋଇ,ହେମ ସାଗର ମେହେର,ପ୍ରତ୍ୟୁଷ ମେହେର ,ସୁଶ୍ରୀ ସସ୍ମିତା ମେହେର, ମାନିନୀ ମେହେର,ସ୍ମାଇଲ ଭୋଇ,ନିତୁ ମେହେର ପ୍ରମୁଖ ପ୍ରସାଦ ବଣ୍ଟନରେ ସହଯୋଗ କରିଥିଲେ।ଖେଳ ଶିକ୍ଷକ ସୁବ୍ରତ ବାରିକଙ୍କ ତତ୍ତ୍ଵାବଧାନରେ ପୂଜା ପାଇଁ ହୋଇଥିବା ସାଜସଜ୍ଜାକୁ ଉପାଧ୍ୟକ୍ଷ ଶ୍ରୀ ବାରିକ ଭୂୟସୀ ପ୍ରଶଂସା କରିଥିଲେ। ପଶ୍ଚିମ ଓଡିଶାର କୃଷି ଭିତ୍ତିକ ଗଣପର୍ବ ନୂଆଁଖାଇ ଉପଲକ୍ଷେ ଅଧ୍ୟକ୍ଷଙ୍କ ଛୁଟି ଘୋଷଣା ପରେ ପିଲାଏ ଉଲ୍ଲସିତ ମନରେ ନିଜନିଜ ଗ୍ରାମକୁ ଅଭିଭାବକଙ୍କ ସାଙ୍ଗରେ ପ୍ରସ୍ଥାନ କରୁଥିଲେ। ଉକ୍ତ ସମୟରେ ଚେୟାରମେନ ଅଜିତ କୁମାର ମେହେର ସମସ୍ତ ଛାତ୍ରଛାତ୍ରୀ ଓ କର୍ମଚାରୀ ବୃନ୍ଦ ଙ୍କୁ ଅଭିନନ୍ଦନ ସହ ବିଦାୟ ଦେଇଥିଲେ।