06-Sep-2024

ଅମ୍ବଭୋନା: ଆଜି  ଶୁକ୍ରବାର ଦିନ ଆମ୍ବାଭୋନା ବ୍ଲକ ଅନ୍ତର୍ଗତ ପଂଚାୟତ  ବାଳିକା ଉଚ୍ଚ ବିଦ୍ୟାଳୟରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପୁଷ୍ପାଞ୍ଜଳି ସାହୁଙ୍କ ଅଧ୍ୟକ୍ଷତାରେ ସ୍ବଚ୍ଛତା ପକ୍ଷର ଷଷ୍ଠ ଦିନରେ   ବିଦ୍ୟାଳୟ ସବୁଜ ସୁନ୍ଦର ଅଭିଯାନ ପାଳିତ ହୋଇଯାଇଛି। ପ୍ରାରମ୍ଭରେ ଅଗ୍ରପୂଜ୍ୟ ଗଣେଶଙ୍କୁ ପୂଜାର୍ଚ୍ଚନା କରାଯାଇଥିଲା । ତାପରେ ଛାତ୍ରୀମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ କରାଯାଇଥିଲା । ଚୌବର୍ଗ ଭୋଇ ସଭାର ଉଦ୍ଦେଶ୍ୟ ପ୍ରଦାନ କରିଥିଲେ। ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ପୁଷ୍ପାଞ୍ଜଳି ସାହୁ ପଲିଥିନ ବର୍ଜନ ,ଜଳ ସଂରକ୍ଷଣ, ବୃକ୍ଷରୋପଣ ବିଷୟରେ ଛାତ୍ରୀମାନଙ୍କୁ ବୁଝାଇଥିଲେ । ଗଣିତ ଶିକ୍ଷକ ସନ୍ତୋଷ ମେହେର କିଚେନ୍  ଗାର୍ଡେନ,ପଲିଥିନ ବର୍ଜନ  ଓ ବୃ୍ଷରୋପଣ କରି ତାର ଯତ୍ନ ନେବାପାଇଁ ବୁଝାଇଥିଲେ । ଶିକ୍ଷୟତ୍ରୀ ଅଳିନା ଦାଶ ବିଦ୍ୟାଳୟ ଓ ପରିବେଶକୁ ସବୁଜ ସୁନ୍ଦର ରଖିବା ପାଇଁ ବୁଝାଇଥିଲେ । କ୍ରୀଡାଶିକ୍ଷକ ଫାନିନ୍ଦ୍ର ନାଥ ସାହୁ ଓ ଗୋଳେଖ୍ ପଧାନ ଛାତ୍ରୀମାନଙ୍କ ମଧ୍ୟରେ ତର୍କ, ଚିତ୍ରାଙ୍କନ,ସ୍ଲୋଗାନ, ପୋଷ୍ଟର୍ ପ୍ରତିଯୋଗିତା କରାଇଥିଲେ । କୃତୀ ପ୍ରତିଯୋଗୀମାନଙ୍କୁ ମାନପତ୍ର ଓ ଟ୍ରଫି ପ୍ରଦାନ କରାଯାଇଥିଲା । ଏଥିରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରୀମାନେ ସହଯୋଗ କରିଥିଲେ । ଶେଷରେ ଚିତ୍ତରଞ୍ଜନ ପଧାନ ଧନ୍ୟବାଦ ଅର୍ପଣ କରିଥିଲେ ।