06-Sep-2024

କନ୍ଧମାଳ/ଟିକାବାଲି(ରମେଶ ପଣ୍ଡା): ଆଜି ଟିକାବାଲିରେ ବ୍ଲକସ୍ତରୀୟ  ସାଧାରଣ ଜ୍ଞାନ ପ୍ରତିଯୋଗିତା   କାର୍ଯ୍ୟକ୍ରମ ହୋଇଥିଲା। ଏଥିରେ ଟିକାବାଲି ବ୍ଲକର ବିଭିନ୍ନ ସ୍କୁଲରୁ ଆସିଥିବା ତୃତୀୟ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ର ଛାତ୍ରୀ ୧୧୫ଜଣ ଭାଗ ନେଇଥିଲେ, ତୃତୀୟଶ୍ରେଣୀରୁ ପଞ୍ଚମ ଶ୍ରେଣୀ ସର୍ବକନିଷ୍ଠ, ଷଷ୍ଠ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ କନିଷ୍ଠ ଏବଂ  ନବମ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ବରିଷ୍ଠ ଏହି ପରି ତିନୋଟି ଭାଗରେ ବିଭକ୍ତ କରାଯାଇଥିଲା।କୃତି ଛାତ୍ରଛାତ୍ରୀ ମାନଙ୍କୁ ମାନପତ୍ର ,ଟ୍ରଫି ଏବଂ ସଧାରଣ ଜ୍ଞାନ ବହି ପ୍ରଦାନ କରାଯାଇଥିଲା। ଏହି ସମାରୋହରେ ଟିକାବାଲି ପଞ୍ଚାୟତ ସମିତିର ଚେୟାର ମ୍ୟାନ ମାନ୍ୟବର ଶ୍ରୀ ଦିଲୀପ କହଁର ମୁଖ୍ୟ ଅତିଥି ରୂପେ ଯୋଗଦେଇ ପିଲାଙ୍କୁ ନିଜ ଭବିଷ୍ୟତ ସୁଚାରୁ ରୂପେ ଗଠନ କରିବା ପାଇଁ ପରାମର୍ଶ

ଦେଇଥିଲେ ଓ ବ୍ଲକ ଶିକ୍ଷା ଅଧିକାରୀ ଜଗନ୍ନାଥ ସାହାଣୀ, ଦୁଇ ଜଣ ଏବିଇଓ ଏବଂ ବିଭିନ୍ନ ସ୍କୂଲ ଗୁଡ଼ିକରୁ ଆସିଥିବା ଶିକ୍ଷକ ଶିକ୍ଷୟିତ୍ରୀ ସିଆର୍ ସିସି ଏବଂ ମିଡ଼ିଆ ବନ୍ଧୁମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ କରି ଥିଲେ। ଟିକାବାଲି ବ୍ଲକ ଶିକ୍ଷା ଅଧିକାରୀ ଜଗନ୍ନାଥ ସାହାଣୀ ପିଲାଙ୍କୁ ବହୁତ ଦିଗ୍ ଦର୍ଶନ ଦେବା ସହ ଉତ୍ତମ ଭବିଷ୍ୟତ ଗଢ଼ିବା ସହ ଦେଶର ଏକ ପ୍ରମୁଖ ନାଗରିକ ହେବାପାଇଁ ଉଦ୍ ବୋଧନ ଦେଇଥିଲେ। ଗୋଟିଏ ପିଲାର ମୁଖ୍ୟ ଗୁରୁ ମା ହିଁ ହୋଇଥାନ୍ତି ବୋଲି ପିଲାଙ୍କୁ ଉପଦେଶ ଦେଇଥିଲେ, ଯଦି  ସାଧାରଣ ଜ୍ଞାନ ବାବଦରେ ପ୍ରତ୍ୟେକ ସ୍କୁଲରେ ପ୍ରତ୍ୟେକ ଦିନ ପିଲାଙ୍କ ମଧ୍ୟରେ ଆଲୋଚନା କରାଯାଇପାରନ୍ତା   ପିଲାଙ୍କ ସାଧାରଣ ଜ୍ଞାନ ବଢ଼ିବା ସହ ବିଭିନ୍ନ ପ୍ରକାର ବାହ୍ୟଜ୍ଞାନ ପାଇପାରିବେ ବୋଲି ମତ ପ୍ରକାଶ ପାଇଥିଲା।