06-Sep-2024

ବଲାଙ୍ଗୀର(ପ୍ରେରଣା ଖବର): ସର୍ବପୁରାତନ ପୁରୁଣା ରାଜବାଟି ଦୁର୍ଗାପୂଜା ପାଇଁ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି। ଡି.ଜେ ବ୍ୟବହାର କୁ ନା। ସ୍ଥାନୀୟ ଆଦିବାସୀ ଓ ପାରମ୍ପରିକ ବାଦ୍ୟ ଓ ସଂସ୍କୃତିକୁ ଦିଆ ଯିବ ପ୍ରାଧାନ୍ୟ। 
  ଆଜି ବଲାଙ୍ଗୀରର ସର୍ବ ପୁରାତନ ଦୁର୍ଗାପୂଜା ପାଇଁ ପ୍ରସ୍ତୁତି ବୈଠକ ସ୍ଥାନୀୟ ପୁରୁଣା ରଜବାଟି କ୍ଲବରେ ସମ୍ପର୍ଣ୍ଣ ହୋଇ ଯାଇଛି। ତେବେ ଏଥର ଏହି ଦୁର୍ଗାପୂଜା ୫୩ତମ  ହୋଇଥିବା ବେଳେ ରୀତି ନୀତି ଅନୁସାରେ  ଧୁମଧାମରେ ଏହାକୁ ପାଳନ କରିବା ପାଇଁ ପୁରୁଣା ରାଜବାଟି ଦୁର୍ଗା ପୂଜା କମିଟି ସ୍ଥିର କରିଛି। ସେହିପରି ସରକାର ଏଥର ଡିଜେ ବ୍ୟବହାର ନ କରିବା  ପାଇଁ ନିର୍ଦ୍ଦେଶ ଦେଇଥିବାରୁ ଏଥର ଏଠି ପାରମ୍ପରିକ ଆଦିବାସୀ ବାଦ୍ୟ ବ୍ୟବହାର ହେବ ଏବଂ ଭକ୍ତଙ୍କ ଦର୍ଶନ ପାଇଁ ସବୁ ସୁବିଧା ହାତକୁ ନିଆଯିବ। ସେହିପରି ତିନିଦିନ ଅନ୍ନ ଭୋଗ ମଧ୍ୟ ଏଠି ବଣ୍ଟନ ହେବ ବୋଲି କମିଟି ପ୍ରକାଶ କରିଛି। ତେବେ ଆଜିର ଏହି ବୈଠକରେ ପୁରୁଣା ରାଜବାଟି ଦୁର୍ଗା ପୂଜା କମିଟି ସବୁ ସଦସ୍ୟ ସହିତ ସଭାପତି ଉପେନ୍ଦ୍ର ନାରାୟଣ  ସିଂହଦେଓ, ଉପସଭାପତି ରଣରାଜ୍ ସିଂହ ଦେଓ, ସମ୍ପାଦକ ଧୃବରାଜ୍ ସିଂହ ଦେଓ, ଯୁଗ୍ମସମ୍ପାଦକ ଶେଖ ମହମ୍ମଦ ୱାହିଦ, ଓମ୍ ପ୍ରକାଶ ସାମନ୍ତ, ସୁନିଲ ସିଂହ ସେହିପରି କୋଷାଧକ୍ଷ  ଆନନ୍ଦ ସିଂହଦେଓ, ଯୁଗ୍ମ କୋଷାଧକ୍ଷ ବ୍ରଜ ଗୋପାଲ ସିଂ, ତେଜାରାଜ୍ ସାମନ୍ତ ପ୍ରମୁଖ ଉପସ୍ଥିତ ଥିଲେ।