30-Aug-2024

ବୌଦ୍ଧ /ବଘିଆପଡା:  ବୌଦ୍ଧ ସଦର ବ୍ଲକ ବଘିଆପଡା ପାଳଝାର ସ୍ଥିତ ରାଷ୍ଟ୍ରୀୟ ଉଦ୍ୟାନ ଗବେଷଣା ଏବଂ ଉନ୍ନୟନ ପ୍ରତିଷ୍ଠାନ ସମ୍ବିଳନୀ କକ୍ଷରେ ନାବାର୍ଡ ସହାୟତାରେ ୧୫ଦିନ ପାଇଁ ୩୦ଜଣ ସ୍ୱୟଂ ସହାୟିକା ମହିଳା ପରିବା ଚାଷୀ ମାନଙ୍କୁ ନେଇ ପରିବା ଚାଷ ରୁ ବିହନ ପ୍ରସ୍ତୁତି ଓ ବିକ୍ରିବଟା କରି ଅର୍ଥନୌତିକ ଅଭିବୃଦ୍ଧି ସହିତ ସ୍ୱାବଲମ୍ବୀ ହେବା ପାଇଁ ତାଲିମ ଶିବିର ଶୁଭ ଉଦଘାଟନ ହୋଇଯାଇଛି l ସାଲୁଙ୍କି କୃଷକ ଉତ୍ପାଦକ କମ୍ପାନୀ ଆମଠାପଡା ଆୟୋଜନ କରିଥିବାବେଳେ  ପିସପୁଲ ସୋସାଇଟି ସହାୟତା କରିଥିଲେ l ଏହି ଅବସରରେ

ଏକ ଉଦଘାଟନୀ ସଭା ଆୟୋଜନ ହୋଇଥିଲା l ସାଲୁଙ୍କି କମ୍ପାନୀ ନିର୍ଦ୍ଦେଶକ ଶୁକଦେବ ପ୍ରଧାନ ସଭାପତିତ୍ୱ କରିଥିବା ବେଳେ ସାଲୁଙ୍କି କମ୍ପାନୀ ମୁଖ୍ୟ କାର୍ଯ୍ୟ ନିର୍ବାହୀ କୃତ୍ତିବାସ ପଲିଆ ମଞ୍ଚ ପରିଚାଳନା କରିଥିଲେ l ପିସପୁଲ ସୋସାଇଟି ସମ୍ପାଦିକା ମଞ୍ଜୁଲତା ଦାସ ଅତିଥି ମାନଙ୍କୁ ସ୍ୱାଗତ ଓ ପରିଚୟ ପ୍ରଦାନ କରିଥିଲେ l ମୁଖ୍ୟ ଅତିଥିଭାବେ ରାଷ୍ଟ୍ରୀୟ ଉଦ୍ୟାନ କୃଷି ଗବେଷଣା କେନ୍ଦ୍ର ନିର୍ଦ୍ଧେଶକ ତୁଷାର ଆମ୍ବ୍ରେ, ମୁଖବକ୍ତା ଭାବେ ସହକାରୀ ଉଦ୍ୟାନ କୃଷି ନିର୍ଦ୍ଦେଶକ ଯୋଗେନ୍ଦ୍ର ନାରାୟଣ ମହାପାତ୍ର, ସ୍ୱତନ୍ତ୍ର ଅତିଥି ଭାବେ ଡି ଡି ଏମ ନାବାର୍ଡ ସତ୍ୟ ସ୍ୱସୃପ ବିଦାନ୍ତ ଯୋଗଦେଇ ଉଦ୍ୟାନ କୃଷି ଉପରେ ଉଦବୋଧନ ଦେଇଥିଲେ ଓ ସଂମ୍ମାନିତ ଅତିଥିଭାବେ ବଘିଆପଡା ସରପଞ୍ଚ ଅନୁଜା ଦୀପ ମଞ୍ଚାସିନ ଥିଲେ l ତାଲିମ ଦାତ୍ତା ଭାବେ କୃଷି ବିଜ୍ଞାନ କେନ୍ଦ୍ରର ବୈଜ୍ଞାନିକ  ଡ଼ା ସମାପିକା ଦଳେଇ,ଉଦ୍ୟାନ କୃଷି ଗବେଷଣା କେନ୍ଦ୍ରର ଯାନ୍ତ୍ରିକ ଅଧିକାରୀ ରଂଜିତ କୁମାର ଦାଶ,  ତାଲିମ ପ୍ରଦାନ ଦେଇଥିଲେ l ସାଲୁଙ୍କି କମ୍ପାନୀର ନିର୍ଦ୍ଦେଶକ ଅଜିତ କୁମାର ପଟ୍ଟନାୟକ, ଗୀତାଞ୍ଜଳି ରଣବିଡା, ହିମାଦ୍ରି ପ୍ରଧାନ, ଶୋଭାଗିନୀ ଭୋଇ, ସଦସ୍ୟ କେଦାର ନାଥ ରଣବିଡା ଉପସ୍ଥିତ ରହି ସହଯୋଗ କରିଥିଲେ l ଶେଷରେ ପିସପୁଲ ସୋସାଇଟି ସମ୍ପାଦିକା ମଞ୍ଜୁଲତା ଦାସ ଧନ୍ୟବାଦ ଅର୍ପଣ କରିଥିଲେ l