27-Aug-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ରାଜ୍ୟରେ ଚୋରା ନିଶା ଦ୍ରବ୍ୟ କାରବାରରେ କନ୍ଧମାଳ ଜିଲ୍ଲା ବର୍ତମାନ ରେକଡ଼ କରିବାକୁ ଯାଉଛି କହିଲେ ଅତ୍ୟୁକ୍ତି ହେବନାହିଁ | ଜିଲ୍ଲାରେ ଦିବାଲୋକରେ ଅବାଧରେ ସମସ୍ତ ପ୍ରକାର ନିଶା କାରବାର ଚାଲିଛି  | ରାଜ୍ୟରେ ଅବକାରୀ ଆଇନ କଡାକଡି ଭାବେ କାର୍ଯ୍ୟକାରୀ ହେଇପାରୁନଥିବା ଯୋଗୁଁ କୌଣସି ଆଇନ କାନୁନ ଖାତିର ନ କରି ଦେଶୀ ମହୁଲି ମଦ ପ୍ରସ୍ତୁତି ଠାରୁ ଆରମ୍ଭ କରି ଅଫିମ ଗଂଜେଇ, ଚରସ ଭଳି ମାରାତ୍ମକ ନିଶା କାରବାର କରି ମାଫିଆ ମାନେ ବେଳେ ବେଳେ ବିଭିର୍ଣ୍ଣ ପ୍ରକାର ଅପରାଧ କରିବାକୁ ଵି ପଛାଉ ନାହାନ୍ତି |  ଏହା ବର୍ତ୍ତମାନ କନ୍ଧମାଳ ଜିଲ୍ଲା ପୋଲିସ ପ୍ରଶାସନ ପାଇଁ ଏକ ଚ୍ୟାଲେଞ୍ଜ ଏକ ଆହ୍ୱାନ ରୂପେ ଠିଆ ହୋଇଛି |   ଉଭୟ ପୋଲିସ ଓ ଅବକାରୀ ବିଭାଗ ର କେତେକ ଅସାଧୁ କର୍ମଚାରୀ ମାନଙ୍କ ପାଇଁ ଉଭୟ ବିଭାଗର ପ୍ଲାନ ପ୍ରୋଗ୍ରାମ ସବୁ ଫେଲ ମାରିଯାଉଛି, ଆଉ ଗଳା ବାଟ ଦେଇ ପୋଲିସ ଆଖିରେ ଚକମା ଦେଇ ନିଶା ଦ୍ରବ୍ୟ କରବାର କରୁଥିବା  ମାଫିଆ ମାନେ ଖସି ଯାଉଛନ୍ତି  |  ତଥାପି ବେଳେବେଳେ କୋଉଠିନା କୋଉଠି ଅଚାନକ ପୋଲିସ ଆଗରେ ଧରା ପଡିଯାଉଛନ୍ତି, ସେମିତୀ ଗତ 25 ତାରିଖରେ ଅବକାରୀ ଏସପି ଶ୍ରୀଝସକେତନ ବରିହା ଙ୍କ ନିଁର୍ଧେଶ ରେ ଅବକାରୀ ବିଭାଗର ଦୁଇଟି ଟିମ ପୃଥକ ପୃଥକ ଭାବେ ଖଜୁରୀପଡା ଥାନା ଅଧୀନରେ ଥିବା ଗୁଦାରୀ ପଂଚାୟତ ରେ ଚାଲିଥିବା ଅବାଧ ମହୁଲି ମଦ ପ୍ରସ୍ତୁତ ସ୍ଥାନରେ ଅଚାନକ ଭାବେ ଚଢ଼ାଉ କରି 3200 କେଜି ର ମହୁଲ ପୋଚ ଓ 220 ଲିଟର ହାତ ରନ୍ଧା ଦେଶୀ ମହୁଲି ମଦ ନଷ୍ଟ କରିବାରେ ସଫଳ ହୋଇଥିବା ବେଳେ ମଦ ରନ୍ଧାରେ ସମ୍ପୃକ୍ତ ଥିବା ଅଭିଯୁକ୍ତ ମାନେ ଫେରାର ହୋଇଯାଇଥିବା ବେଳେ ଅନୁରୂପ ଭାବେ ଫିରିଙ୍ଗିଆ ଥାନା ଅଧୀନରେ ଥିବା ଗେରୁପଡା ପାହାଡ଼ ତଳି ଅଂଚଳରେ ଅବକାରୀ ଟିମ ଅତର୍କିତ ଚଢ଼ାଉ କରି  1520କେଜିର ମହୁଲ ପୋଚ ଓ 80 ଲିଟର ହାତରନ୍ଧା ମହୁଲି ମଦ କୁ ଅବକରି ଟିମ ନଷ୍ଟ କରିବାରେ ସଫଳ ହୋଇଥିବା ବେଳେ ମଦ ରାନ୍ଧୁଥିବା ସମ୍ପୃକ୍ତ ବ୍ୟକ୍ତି ମାନେ ଘଟଣା ସ୍ଥଳରୁ ଫେରାର ହୋଇଯିବାରେ ସକ୍ଷମ ହୋଇପାରିଛନ୍ତି |
     ସେ ଯାହାବି ହେଉନା କାହିଁକି ଅବକାରୀ ଓ ପୋଲିସ

ବିଭାଗରନିଶା ଦ୍ରବ୍ୟ ପ୍ରସ୍ତୁତ ଓ ନିଶାକାରବାର କରୁଥିବା ସମୟରେ ଏଭଳି ଅତର୍କିତ  ଚଢ଼ାଉ ନିଶ୍ଚିତ ଭାବେ ସେମାନଙ୍କର ମନୋବଳ କୁ ଦୁର୍ବଳ କରିବ ଓ ପୁନର୍ବାର ସେମାନେ ଏମିତି ଦୁଇ ନମ୍ବର ଧନ୍ଦା କରିବା ପୂର୍ବରୁ ଦଶ ଥର ବଗିବିବାକୁ ପଡିବ ବୋଲି ସାଧାରଣ ରେ ଆଲୋଚନା ହେଉଛି | ହେଲେ ଅବକାରୀ ବିଭାଗରେ ଓ ପୋଲିସ ବିଭାଗରେ ଥିବା ବିଭାଗୀୟ ନିଶା ବେପାରୀଙ୍କ ଗୁପ୍ତଚର ମାନଙ୍କୁ ଯଦି ଚି଼ହ୍ନଟ କରାଯାଇ ପାରିବ ଓ ସେମାନଙ୍କୁ ବିଭାଗୀୟ ନିଷ୍ପତି ଠାରୁ ଦୁରେଇ ରଖି କଢ଼ା ପଦକ୍ଷେପ ଗ୍ରହଣ କରିପାରିଲେ ଅନେକାଂଶରେ କନ୍ଧମାଳ ଜିଲ୍ଲାରେ ଚାଲିଥିବା ଅବାଧ ନିଶା କାରବାର କିଛି ପରିମାଣ ରୋକିବାରେ ଉଭୟ ପୋଲିସ ଓ ଅବକାରୀ ବିଭାଗ ସଫଳ ହୋଇପାରିବ ବୋଲି ବୁଦ୍ଧିଜୀବୀ ମହଲ ରେ ଆଲୋଚନା ହେଉଛି, ଏଭଳି ଦିଗ ଉପରେ କନ୍ଧମାଳ ଉଭୟ ବିଭାଗର ଏସପି ହସ୍ତକ୍ଷେପ କରିବାକୁ ସାଧାରଣ ରେ ଦାବୀ ହେଉଛି |