26-Aug-2024

କଣ୍ଟାମାଳ(ଜୟ କୁମାର ମହାରଣା):  ଭଗବାନ ଶ୍ରୀକୃଷ୍ଣଙ୍କ ଜନ୍ମଦିନକୁ ଜନ୍ମାଷ୍ଟମୀ ଭାବରେ ପାଳନ କରାଯାଉଛି l ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥି ରେ ପ୍ରଭୁ ଶ୍ରୀକୃଷ୍ଣଙ୍କ ଜନ୍ମ ଉତ୍ସବ ଅବା ପବିତ୍ର ଜନ୍ମାଷ୍ଟମୀ ଆଜି ବୌଦ୍ଧ ଜିଲ୍ଲାର କଣ୍ଟାମାଲ ବ୍ଲକର ପୁରପଲ୍ଲୀରେ ନିଷ୍ଠାର ସହ ପାଳିତ ହେଉଛି l ଜନ୍ମାଷ୍ଟମୀ ପାଇଁ ଉତ୍ସବ ମୁଖର ହୋଇଉଠିଛି ପୁରପଲ୍ଲୀ l ପଲଶାଗୋରା ରେ ଏବେବି ତାଳପତ୍ର ପୋଥି ରେ ଲିଖିତ ଶ୍ରୀ ହରିବଂଶ ପୁରାଣ ପାଠ ଚାଲିଛି l ପଲଶାଗୋରା ସ୍ଥିତ ଶ୍ରୀ ନୀଳାମ୍ବର ପଣ୍ଡାଙ୍କ ବାସଗୃହ ଠାରେ କାହିଁ କେଉଁ ବର୍ଷ ଠାରୁ ହୋଇ ଆସୁଥିବା ଶ୍ରୀ କୃଷ୍ଣ ଜନ୍ମାଷ୍ଟମୀ ଉତ୍ସବରେ ଆଜି ମଧ୍ୟ ସେହି ତାଳପତ୍ର ପୋଥି ରେ ଲେଖାହୋଇଥିବା ଶ୍ରୀହରିବଂଶ ପୁରାଣ ର ପାଠ କରାଯାଉଛି |ସବୁ ବର୍ଷ ଜନ୍ମାଷ୍ଟମୀ ଦିନ ସକାଳୁ ପୂଜା ମଣ୍ଡପରେ ପୂଜା ଆରମ୍ଭ କରାଯାଇ କାହିଁ କେଉଁ ଦିନ ଠାରୁ କାଠବାକ୍ସ ରେ ଯତ୍ନ ର ସହ ରଖାଯାଇଥିବା ତାଳପତ୍ର ରେ ଲିଖିତ ପୁରାଣ କୁ ବର୍ତମାନ ଅବସରପ୍ରାପ୍ତ ଶିକ୍ଷକ ନୀଳାମ୍ବର ପଣ୍ଡା ପାଠ କରିଲୋକଙ୍କୁ ଶୁଣାଉଛନ୍ତି |ଏହି ସ୍ଥାନରେ ବର୍ତମାନ ବହୁତ ଭକ୍ତ ଶ୍ରୀ ଜନ୍ମାଷ୍ଟମୀ ଉତ୍ସବ ପାଳନ କରୁଥିବା ବେଳେ ପୁରାଣପାଠ ଶ୍ରବଣ କରୁଛନ୍ତି |ଏହି ତାଳପତ୍ର ରେ ଲିଖିତ ପୁରାଣ କୁ ନୀଳାମ୍ବର ପଣ୍ଡା ଙ୍କ ଅଜା କ୍ଷେତ୍ରବାସୀ ପଣ୍ଡା ନିଜେ ଲେଖି ପରେ ପାଠ କରିଥିଲେ ତାଙ୍କ ପରେ ତାଙ୍କ ପିତା ସ୍ବର୍ଗତ ପ୍ରସନ୍ନ ପଣ୍ଡା ପାଠ କରୁଥିଲେ |ତାଙ୍କ ଅନ୍ତେ ତାଙ୍କ ପୁଅ ନୀଳାମ୍ବର ପଣ୍ଡା ବର୍ତମାନ ଏହାକୁ ପାଠ କରି ଏହି ପରମ୍ପରା କୁ ବଞ୍ଚାଇ ରଖିଛନ୍ତି |