25-Aug-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କେନଝିରିଆପାଲି ପଞ୍ଚାୟତ
ଅନ୍ତର୍ଗତ ଅମାତପାଲି ଠାରେ ଥିବା ସୌର ଚାଳିତ ପ୍ରକଳ୍ପ ଅଚଳ  ଦୀର୍ଘ ଦିନ ହେଲା ଅଚଳ ଅବସ୍ଥାରେ  ପଡ଼ିରହିଛି।  ଯାନ୍ତ୍ରିକ ତ୍ରୁଟି ଯୋଗୁଁ ଉକ୍ତ ପ୍ରକଳ୍ପ ଅଚଳ ହୋଇଥିବା ହୋଇଥିବା ଜଣାପଡ଼ିଛି। ତେବେ ଅଭିଯୋଗ ସତ୍ତ୍ୱେ ଏଯାଏ ଏହାର ମରାମତି କରାଯାଇ ନାହିଁ। ଗ୍ରାମର ଗୋଟିଏ ୱାର୍ଡର ପ୍ରାୟ ୫୦୦ ବାସିନ୍ଦା ପିଇବା ପାଣି ପାଇଁ ଏହା ଉପରେ ନିର୍ଭର କରୁଥିଲେ। ଲୋକେ ଏବେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା  ଦେଖିବାକୁ ମିଳିଛି । ସମାନ କାରଣରୁ ଗ୍ରାମର ଦଳିତ ବସ୍ତିରେ ଥିବା ଅନ୍ୟ ଏକ ସୌର ଚାଳିତ ପ୍ରକଳ୍ପ ମଧ୍ୟ ଦୁଇ ମାସ ହେଲା ଅଚଳ ହୋଇ ପଡ଼ିରହିଛି। ବିଭାଗୀୟ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ଯଥାଶୀଘ୍ର ଏହାକୁ ମରାମତି କରିବାକୁ ଦାବି ହୋଇଛି।