23-Aug-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ): କନ୍ଧମାଳ ଜିଲ୍ଲାର ଜଣେ  ଖ୍ୟାତନାମା କ୍ୟାମେରାମ୍ୟାନ ତଥା ସୂର୍ଯ୍ୟାସ୍ତ ସାପ୍ତାହିକ ଖବର କାଗଜର ପ୍ରରିନିଧି ଭାବେ କାର୍ଯ୍ୟ କରି ସେ ଜିଲ୍ଲାର ସାମ୍ବାଦିକ ଜଗତରେ ଏକ ସ୍ୱତନ୍ତ୍ର ସ୍ଥାନ ତିଆରି କରିପାରିଥିଲେ | ହେଲେ ଭାଗ୍ୟ ଓ ଭଗବାନଙ୍କ ଇଛା ଥିଲା ଅଲଗା | ଦୁଖୀ ଶ୍ୟାମ ପ୍ରଧାନଙ୍କ ସ୍ୱାସ୍ଥ୍ୟ ବାରମ୍ବାର ଖରାପ ହେବାରେ ଲାଗିଲା ଓ ସେ ଚିକିତ୍ସିଚିତ ଅବସ୍ଥାରେ ତାଙ୍କର ମୃତ୍ୟୁ ଘଟିଯାଇଛି । ତାଙ୍କର ଆତ୍ମାର ସଦଗତି କାମନା କରିବା ପାଇଁ ଫୁଲବାଣୀ ପ୍ରେସକ୍ଳବ ଠାରେ କନ୍ଧମାଳ ଜିଲ୍ଲାର ଅଗ୍ରଣୀ ଖବର ସରବରାହ ସଂଗଠନ କନ୍ଧମାଳ ମିଡ଼ିଆ ଫୋରମର ସଭାପତି ସୂର୍ଯ୍ୟନାରାୟଣ ବେହେରାଙ୍କ ନେତୃତ୍ୱରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଥିଲା | ଉକ୍ତ ସଭାରେ ସ୍ବର୍ଗତ ଦୁଃଖିଶ୍ୟାମ ପ୍ରଧାନଙ୍କ ସ୍ମୃତିଚାରଣ କରିବା ସହିତ ତାଙ୍କର ଆତ୍ମାର ସଦଗତି କାମନା କରାଯଇଥିଲା | ଏହି ଶ୍ରଦ୍ଧାଞ୍ଜଳି ସଭାରେ ଜିଲ୍ଲାର ବରିଷ୍ଠ ସାମ୍ବାଦିକ ତଥା ପ୍ରେସ କ୍ଲବର ସଭାପତି  ସୁନୀଲ ପଟନାୟକ, ପୂର୍ବତନ ମିଡ଼ିଆ ଫୋରମର ସଭାପତି ସୁନୀଲ ବିଶ୍ୱାଳ, ତଥା ବରିଷ୍ଠ ସାମ୍ବାଦିକ ଗୋପାଳ ପଟନାୟକ, ଶିବାନନ୍ଦ ପଟନାୟକ, ଆଦିତ୍ୟ ପ୍ରସାଦ ତ୍ରିପାଠୀ, ରମେଶ ଚନ୍ଦ୍ର ପ୍ରଧାନ, ଶ୍ରୀ ବୈଦ୍ୟନାଥ ନାୟକ, ବରିଷ୍ଠ ଆଇନଜୀବୀ ତଥା ସାମ୍ବାଦିକ ରଞ୍ଜନ କୁମାର ଦାସ, ସୁଧୀର ମହାରଣା ଏବଂ ମିଡ଼ିଆ ଫୋରମର ସାଧାରଣ ସମ୍ପାଦକ ଶିବ ବିଶ୍ୱାଳ, ଯୁଗ୍ମ ସମ୍ପାଦକ ଶିବ ନାୟକ ଏବଂ ସ୍ବେଛାସେବୀ ଶିବରାମ ବେହେରା, ରଂଜିତ କୁମାର ଡିଗାଲ, ପ୍ରଶାନ୍ତ କୁମାର ପଣ୍ଡା, ବ୍ରଜ ମୋହନ ନାୟକ ଓ ପ୍ରଶାନ୍ତ କୁମାର ଜେନା ପ୍ରମୁଖ ଦୁଖୀ ଭାଇଙ୍କ ଶ୍ରଦ୍ଧାଞ୍ଜଳି ସଭାରେ ଅଂଶଗ୍ରହଣ କରିଥିଲେ | ମିଡ଼ିଆ ଫୋରମ ତରଫରୁ ସ୍ବର୍ଗତ ଦୁଃଖିଶ୍ୟାମଙ୍କ ଶୋକ ସନ୍ତପ୍ତ ପରିବାରକୁ କିଛି ଆର୍ଥିକ ସହାୟତା ଯୋଗାଇଦେବା ପାଈଁ ସଭାରେ ଉପସ୍ଥିତ ଥିବା  ମିଡ଼ିଆ ଫୋରମର ସମସ୍ତ ସାମ୍ବାଦିକ ମାନେ ସହମତି ପ୍ରାଦନ କରିଥିଲେ l