02-Aug-2024

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ ଯୋଗୀସର୍ଡ଼l ଗ୍ରାମ ପଞ୍ଚାୟତ ଯୋଗୀସର୍ଡ଼l ଗ୍ରାମ ର ସରକାରୀ ପ୍ରାଥମିକ ବିଦ୍ୟାଳୟ  ଅବ୍ୟବସ୍ଥା ଘେରରେ ରହିଥିବା ଦେଖିବକୁ ମିଳିଛି l ଉକ୍ତ ବିଦ୍ୟାଳୟ ରେ ପାଚେରୀ ନ ଥିବା ଯୋଗୁଁ ସାଧାରଣ ଜନତା ତଥା ଅସାମାଜିକ ଲୋକ ପ୍ରବେଶ କରି ପରିସ୍ରା, ମଳତ୍ୟାଗ ଓ ଅସାମାଜିକ କାର୍ଯ୍ୟ କଲାପ କରିଥାନ୍ତି l ଏପରିକି ସ୍କୁଲ ଖୋଳା ଥିବା ସମୟରେ ମଧ୍ୟ ଶିକ୍ଷୟିତ୍ରୀ ମାନେ ଥିଲେ ହେଁ ସଙ୍କୋଚ ନ କରି ସ୍କୁଲ ପରିସରରେ ପରିଶ୍ରା କରିଥାନ୍ତି l ପାଚେରୀ ନ ଥିବାରୁ ରାତ୍ରି ସମୟରେ ଅନେକ ଅସାମାଜିକ କାର୍ଯ୍ୟ ହୋଇଥାଏ l ପ୍ରତିଦିନ ଏହିପରି ଅସାମାଜିକ କାର୍ଯ୍ୟ ଚାଲି ରହିଛି l ଏହା ସହିତ ପାଣିର ସମସ୍ୟା ମଧ୍ୟ ରହିଛି ଏପରିକି ସ୍କୁଲ ପରିସର ମଧ୍ୟରେ ନଳକୂପ ଥିଲେ ହେଁ କାର୍ଯ୍ୟକାରି ହୋଇପାରୁ ନ ଥିବା ଯୋଗୁଁ ପିଇବା ତଥା ବ୍ୟବହାର କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି ଛାତ୍ର ଛାତ୍ରୀ l ଆଗାମୀ ଦିନରେ ନଳକୂପ ମରାମତି କରା ନ ଯାଏ ତା ହେଲେ ରୋଗ ଜୀବାଣୁ ସଂକ୍ରମଣ ହେବାର ସମ୍ଭାବନା ରହିଛି l ଏହି ସମସ୍ତ ର ସମାଧାନ ପାଇ ବ୍ଲକ ପ୍ରଶାସନ ଦୃଷ୍ଟି ଦେବାକୁ ଉଚ୍ଚ କର୍ତୃପକ୍ଷ ଲିଖିତ ଅଭିଯୋଗ କଲେ ସୁଦ୍ଧା କାର୍ଯ୍ୟନୁଷ୍ଟାନ ହେଉ ନ ଥିବା ଶିକ୍ଷା କମିଟି ସଭାପତି ସବିତା ମହାଲିଙ୍ଗ ଅଭିଯୋଗ କରିଛନ୍ତି l  ଏହାର ପ୍ରତିକାର ପାଇଁ ଜିଲ୍ଲା ତଥା ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ଦାବୀ ହେଉଛି l ଏହା ବ୍ୟତୀତ ସ୍କୁଲ ରେ ପ୍ରଥମ ରୁ ପଞ୍ଚମ କ୍ଲାସ ଥିବା ହେତୁ ୩ ଟି ଶିକ୍ଷକ ରହିଛନ୍ତି l ପାଠ ପଢା ଠିକ ଥିବା ବେଳେ ପରିବେଶ ର ଅସୁବିଧା ରହିଛି l ଉଚ୍ଚ ବିଦ୍ୟାଳୟ ରେ ସରକାର ଙ୍କ ଦ୍ୱାରା କୋଟି ଟଙ୍କା ଖର୍ଚ୍ଚ ହୋଇଛି, ହେଲେ ପ୍ରାଥମିକ ବିଦ୍ୟାଳୟ କୁ ଅଣଦେଖା l ଏ ବାବଦରେ ଆମେ ଲୋଇସିଂହା ବିଇଓ ଙ୍କୁ ଯୋଗାଯୋଗ କଲୁ ସେ କହିଲେ ଯେ ସ୍କୁଲ ଠିକ ଚାଲିଛି l ପାଣି ର ଯେଉଁ ସମସ୍ୟା ଅଛି ସେମାନେ ସରପଞ୍ଚ ଙ୍କ ସହ ଯୋଗାଯୋଗ କରି ନିଜ ମଧ୍ୟରେ ସମାଧାନ କରିବା ଦରକାର l ଏହାସହ ଲୋଇସିଂହା ବିଡ଼ିଓ ଶ୍ରୀ ଅକ୍ଷୟପାଣି ଉଦ୍ଦୁ ଙ୍କୁ ଏ ବାବଦରେ ପଚାରି ବୁଝିବାରୁ ଆମ ନଜର କୁ ଏହା ଆସିଛି l ପାଚେରୀ ପାଇଁ ପ୍ରସ୍ତାବ ଦିଆଯାଇଛି ବୋଲି କହିଲେ l ପ୍ରଶାସନ ଏହି ସ୍କୁଲ ପ୍ରତି ଦୃଷ୍ଟି ଦେବାକୁ ଗ୍ରାମବାସୀ ଦାବୀ ଜଣାଇଛନ୍ତି l