27-Jul-2024

ତରଭା,(କପିଳାସ ସେଠ୍): ତରଭା ବ୍ଲକ ସରଗଜ ଗ୍ରାମପଞ୍ଚାୟତ ର ନାଧରା ଗ୍ରାମରେ ସ୍ୱଚ୍ଛ ଦୁଗ୍ଧ ଉତ୍ପାଦନ ଶିବିର ଅନୁଷ୍ଠିତ ହୋଇଯାଇଛି I  ସମଲେଶ୍ୱରୀ ଦୁଗ୍ଧ ଉତ୍ପାଦନ ସଂଘ ଓ ନାଧରା ଦୁଗ୍ଧ ଉତ୍ପାଦକ ସମବାୟ ସମିତି ର ମିଳିତ ସହଯୋଗ ତିନି ଦିନ ଧରି ସ୍ୱଚ୍ଛ ଦୁଗ୍ଧ ଉତ୍ପାଦନ ତାଲିମ ଶିବିର ହୋଇଥିଲା  I ଏହି ଶିବିର ରେ  ନାଧରା  ଗ୍ରାମର ପ୍ରାୟ 50 ଜଣ ଦୁଗ୍ଧ ଉତ୍ପାଦକ ଚାଷୀ ଙ୍କୁ ନେଇ 23ତାରିଖ ରୁ 25 ତାରିଖ ପ୍ରୟନ୍ତ ତାଲିମ ଶିବିର ଅନୁଷ୍ଠିତ ହୋଇ ଥିଲା  I ତରଭା ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡ଼ା ଶ୍ୟାମସୁନ୍ଦର ପାଣ୍ଡେ, ଅତିରିକ୍ତ ଗୋଷ୍ଟି ଚିକିତ୍ସା ଅଧିକାରୀ ଡ଼ା ବିଶ୍ୱ ଭାନୁ ସାମନ୍ତ ସିଂହାର ତାଲିମ ଦାତା ଭାବରେ ଯୋଗଦାନ କରି ସ୍ୱଚ୍ଛ ଦୁଗ୍ଧ ର ଆବଶ୍ୟକତା, ଉପାଦୟତା, ସ୍ୱଚ୍ଛ ଦୁଗ୍ଧ ଉତ୍ପାଦନ, ଦୁଗ୍ଧ ଉତ୍ପାଦନ ପାଇଁ ଉତ୍ସାହିତ କରିବା ସହ ତାଲିମ ପ୍ରଦାନ କରିଥିଲେ I  ସମବାୟ ସଂଘ ଜିଲ୍ଲା ଜିଲ୍ଲାସ୍ତରୀୟ ଅଧିକାରୀ ସନ୍ତୋଷ ମହାନ୍ତି, ସହଦେଵ ଶତପଥି ଉପସ୍ଥିତ ରହି ସ୍ୱଚ୍ଛ ଦୁଗ୍ଧ ଉତ୍ପାଦନନେଇ ଚାଷୀଙ୍କୁ ପରାମର୍ଶ ଦେଇଥିଲେ I ମନୋଜ ମଲ୍ଲିକ, ବରମେଶ ବାରିକ,  ଫକୀର ନନ୍ଦ, ସଦାଶିବ ପଧାନ, ରାଜେନ୍ଦ୍ର ମହାକୁର, ଗଣେଶ୍ୱର ବିଶି, ମିତ୍ରଭାନୁ ମହାକୁର, ଦେବରାଜ ମଲ୍ଲିକ, କାଳିଆ ପାତ୍ର, ପଡୁନ ପଧାନ, ସନ୍ତୋଷ ଖେତୀ, ପଦ୍ମନାଭ ନନ୍ଦ ସମେତ 50ରୁ ଅଧିକ ଚାଷୀ ଯୋଗ ଦାନ କରିଥିଲେ I ଏହି କାର୍ଯ୍ୟକ୍ରମ କୁ ସୁପର ଭାଇଜର ଟିଙ୍କୁ ମଣି ପ୍ରତାପ ଦାସ ପରିଚାଳନା କରିଥିଲେ I