26-Jul-2024

ନୂଆପଡ଼ା (ରାମନାଥ ପଣ୍ଡା )
ନୂଆପଡା ଜିଲ୍ଲା ବୋଡେ଼ନ ବ୍ଲକ ଅଧିନସ୍ଥ ତୀର୍ଥ କ୍ଷେତ୍ର ପାତାଲଗଙ୍ଗା ରାଧାକୃଷ୍ଣ ମନ୍ଦିର ଠାରେ ନୂଆପଡା ଜିଲ୍ଲା ୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ ପକ୍ଷରୁ ଏକ ଜିଲ୍ଲା ସ୍ଥରୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି l ଏହି ବୈଠକରେ ରାଜ୍ୟ ୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ ସଭାପତି ସୁବୋଧ ନାଥ ଶର୍ମା ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ଉପ ସଭାପତି କ୍ରିଷ୍ଣା ଚନ୍ଦ୍ର ନାୟକ, କୋଷାଧ୍ୟକ୍ଷ ପ୍ରଦୀପ କୁମାର ଦାସ,ସମ୍ପାଦକ ଶ୍ରୀରାମ ଚନ୍ଦ୍ର ଆଚାର୍ଯ୍ୟ, ହାଇପାୱାର କମିଟି  ଜୀବନ ଜ୍ୟୋତି ଚାନ୍ଦ, ଗୋପାଳ ସିଂ,ରଞ୍ଜନ କୁମାର ନାଓ,ଶୁଭେନ୍ଦ୍ର କୁମାର ସାମଳ ପ୍ରମୁଖ ମଞ୍ଚାସିନ ରହିଥିଲେ । ନୂଆପଡା ଜିଲ୍ଲା ୧୦୮ ଆମ୍ବୁଲାନ୍ସ କର୍ମଚାରୀ ମହାସଂଘ ସଭାପତି ବୁଲୁ ପଟେଲ, ଉପ ସଭାପତି ଅମିତ କୁମାର ହଂସ, ସମ୍ପାଦକ ମହାବୀର କଟା, ସହ ସମ୍ପାଦକ ଶାନ୍ତନୁ କୁମାର ପଣ୍ଡା, କୋଷାଧ୍ୟାକ୍ଷ ଆଶିଷ କୁମାର ରାଉତ ରାୟ ,ସହ ସମ୍ପାଦକ ଗଗନ କୁମାର ପାତ୍ର  ଓ ଜିଲ୍ଲାର ସମସ୍ତ ୧୦୮ ଆମ୍ବୁଲାନ୍ସ କର୍ମଚାରି ଯୋଗଦାନ କରିଥିଲେ । ଆଗାମୀ ଦିନରେ କିଭଳି ଭାବରେ ଆମ୍ବୁଲାନ୍ସ କର୍ମଚାରୀ ମାନେ ତୃଣମୂଳ ସ୍ଥରରୁ ମଜବୁତ ରହିବେ ଏବଂ ସଂଘ କେମିତି କ୍ରିୟାଶୀଳ ହୋଇ ପ୍ରତି କ୍ଷଣରେ ସମାଜର ସେବା କରିପାରିବ ତା'ରି ଉପରେ ଉକ୍ତ ବୈଠକରେ ବିସ୍ତୃତ ଆଲୋଚନା ହେବାସହିତ ପରବର୍ତ୍ତୀ ବୈଠକ ଗୁଡ଼ିକ ଉପରେ ଗୁରୁତ୍ୱ ଦିଆଯିବ ବୋଲି ମତ ସାବ୍ୟସ୍ତ କରିଛନ୍ତି ସଂଘ କାର୍ଯ୍ୟକର୍ତ୍ତା ।