24-Jun-2024

(ମିହିର ଶଙ୍କର ପାତ୍ର,)
ନବରଙ୍ଗପୁର ଜିଲା ଡାବୁଗାଁ ବ୍ଲକ ଡାବୁଗାଁ ମୈଦଲପୁର ମୁଖ୍ୟ ରାସ୍ତା ମରାମତି ପାଇଁ  ଖୋଳି ସମ୍ପୂର୍ଣ ନଷ୍ଟ କରି ଦେଇଛନ୍ତି । ଠିକାଦାର  ଙ୍କ ଅବହେଳା ଯୋଗୁଁ କେବଳ ମାଟି ଏବଂ ଗୋଡ଼ି ପକାଇ ଛାଡ଼ି ଦେଇଛନ୍ତି। ଭଲରେ ମରାମତି କରାଯାଇ ନ ଥିବାରୁ ଲୋକେ ଯାତାୟାତ ପାଇଁ ବହୁ ହଇରାଣ ହେଉଛନ୍ତି। ଇତିମଧ୍ଯରେ ଉକ୍ତ ରାସ୍ତା ମରାମତି ସମୟରେ କିଛି ସ୍ଥାନରେ  ପାଇପ ଫାଟି ପାଣି ଲିକ୍ ହେଉଥିବା ମଧ୍ୟ ଦେଖୁବାକୁ ମିଳୁଛି। ତେବେ ରଥଯାତ୍ରା ପୂର୍ବରୁ ରାସ୍ତା ପୂର୍ବଭଳି ଭାରିଯାନ ଚଳାଚଳ ଉପଯୋଗୀ କରିବାକୁ ଠିକାଦାରଙ୍କୁ କହିବା ପାଇଁ ରଥଯାତ୍ରା କମିଟି ର ପ୍ରସ୍ତୁତି ବୈଠକରେ ଡାବୁଗାଁ ବିଡ଼ିଓ  ଓ କମିଟି ଆଲୋଚନା ହୋଇଥିଲା । ହେଲେ ଏବେ ରଥଯାତ୍ରା ପହଞ୍ଚି ଲାଣି କିନ୍ତୁ ରାସ୍ତା ମରାମତି ହୋଇନାହିଁ। ଅନ୍ୟପକ୍ଷରେ ଆସନ୍ତା ୭ ତାରିଖରେ ହେବାକୁ ଥିବା ରଥଯାତ୍ରାରେ କାଠରେ ନିର୍ମିତ ୩୦ଟନ୍‌ ଓଜନ ବିଶିଷ୍ଟ ରଥ ଗଡ଼ିବ। ରାସ୍ତାକଡ଼ରେ ଖାଲି ମାଟି ପକାଇ  ଦିଆ ଯାଇଥିବାରୁ ରଥଚକ ଦବିଯିବା ସମ୍ଭାବନା ରହିଛି। ଏଥିସହ ରଥଟଣା ବେଳେ ବର୍ଷାଦିନ ହୋଇଥିବାରୁ ଉକ୍ତ ସ୍ଥାନରେ କାହାର ଗୋଡ଼ ଫସିଯିବା ସହ ରଥ ମାଡ଼ିଯିବା ସମ୍ଭାବନାକୁ ଏଡ଼ାଇ ଦିଆଯାଇ ନ ପାରେ। ତେଣୁ ରଥଯାତ୍ରା ପୂର୍ବରୁ ତୁରନ୍ତ ରାସ୍ତା ଠିକ୍ କରିବାକୁ ଅଞ୍ଚଳବାସୀ ଦାବି କରିଛନ୍ତି । ଆଇନ ଶୃଙ୍ଖଳା ଦିଗ ପ୍ରତି ଦୃଷ୍ଟିଦେଇ ପୋଲିସ ଏଥିପ୍ରତି ଦୃଷ୍ଟିଦେବା ଆବଶ୍ୟକ ଥିବା ଆଲୋଚନା ହେଉଛି। ଏଵଂ କାର୍ଯ୍ୟ କିଭଳି ରଥଯାତ୍ରା ପୂର୍ବରୁ ହେବ ଏଥିପ୍ରତି ଜିଲ୍ଲା ସ୍ତରୀୟ ଅଧିକାରୀ ମାନେ ଦୃଷ୍ଟି ଦେବ ଆବଶ୍ୟକ ଅଛି । ଦୁଃଖର ବିଷୟ ରାସ୍ତା ତିଆରି ଅବଧି ସରିଯାଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଠିକାଦାର ଅପାରଗତା ଯୋଗୁଁ ରାସ୍ତା ନିର୍ମାଣ ହୋଇ ପାରୁ ନାହିଁ। 

ବିଦ୍ର :-କାର୍ଯ୍ୟ ସରିବା ଅବଧି ସାରିଲାଣି କିନ୍ତୁ ସରୁ ନାଇଁ ରାସ୍ତା କାମ, ଆଗକୁ ରଥଯାତ୍ରା