25-Jan-2024

ଦିନକୁ ଦିନ ଗାଁ ସଂସ୍କୃତି ହଜିବାକୁ ବସିଲାଣି l ଗାଁରେ ଏକତା ଭାଙ୍ଗିବାକୁ ବସିଛି । ସାମୂହିକ କଥା ଚିନ୍ତା କରୁବା ଗାଁ ଲୋକେ ପାଶ୍ଚାତ ସଭ୍ୟତାରେ ପଡ଼ି ବକ୍ତିଗତ ସ୍ଵାର୍ଥ କୁ ଜଗୁଛନ୍ତି । ଏଭଳି କିଛି ଚିତ୍ର ଓ ଚରିତ୍ରକୁ ନେଇ ଗତିଶୀଳ ହୋଇଛି କୋଶଲି ସମ୍ବଲପୁରୀ କ୍ଷୁଦ୍ରଚଳଚିତ୍ର ଗଅଁତିଆ ଘରର୍ ପୁଷପୁନି । ବଲାଙ୍ଗିର ସହରର ଯୁବ କଳାକାର ଡା.ଆଶୁତୋଷ ମିଶ୍ରଙ୍କ ଦ୍ବାରା ଲିଖତ କାହlଣୀ, ଚିତ୍ରନାଟ୍ୟ ଓ ନିର୍ଦ୍ଦେଶନାରେ ଚଳଚିତ୍ରର ନିର୍ମାଣ ହୋଇଛି କ୍ଷୁଦ୍ର ଚଳଚିତ୍ର l ମୁଖ୍ୟ ଭୂମିକାରେ ତା. ଆଶୁତୋଷ ମିଶ୍ର, ଜୟଶ୍ରୀ ଷଡ଼ଙ୍ଗୀ, କମେଡି କିଙ୍ଗ ବିନ୍ଦୁ ମଲ୍ଲିକ, ହିମାଂଶୁ ଖମାରୀ, ଲଲିତ ପୁଝାରୀଙ୍କ ଭଳି ପଶ୍ଚିମ ଓଡ଼ିଶାର ଆଗାଧାଡ଼ିର କଳାକାର ଅଭିନୟ

କରୁଛନ୍ତି । ଫିଲ୍ମର ସଂଳାପ ଲିପୁନ ସାହୁ ଓ ବୈଷ୍ଣବ କୁମାର ଦେଇଥିବା ବେଳେ ଚିତ୍ର ଉତ୍ତୋଳନ, ସମ୍ପାଦନା ଦାୟିତ୍ବ ଅପୁ ବେହେରା ନିର୍ବାହ କରୁଛନ୍ତି । ଗୀତକୁ ଦେବେନ୍ଦ୍ର ବାରିକ ରଚନା କରିଥିବା ବେଳେ ସରତ୍‌ ଦୀପ କଣ୍ଠଦାନ କରିଛନ୍ତି l ଡିଆର୍ ଆଶୁତୋଷ ଫିଲ୍ମସ୍ ପ୍ରଡ଼କ୍ସନ ଆନୁକୂଲ୍ୟରେ କମଳିନୀ ମିଶ୍ର ଓ ଅଳିତ ମିଶ୍ର ପ୍ରଯୋଜନା ଦାୟିତ୍ବ ନେଇଛନ୍ତି । ଅବିଭକ୍ତ ବଲାଙ୍ଗିର ଜିଲାର ବଡ଼ବାହାଲ, ଶିବତଲା ଓ ରାଜପାଲି ଗାଁରେ ସୁଟିଂ iହେଇଥିବା ବେଳେ ଗ୍ରାମବାସୀ ସହଯୋଗ କରୁଛନ୍ତି। ଭାଷା, ସଂସ୍କୃତି ତଥା ହଜି ଯାଉଥିବା ପରମ୍ପରାର ପୁନରୁଦ୍ଧାରରେ କ୍ଷୁଦ୍ର ଚଳଚିତ୍ର ବିଶେଷ ସହାୟକ ହେବ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି । ରାଜ୍ୟପାଳ ପୁରସ୍କୃତପ୍ରାପ୍ତ ଶିକ୍ଷକ ଅଜିତ ମିଶ୍ର, ବରିଷ୍ଠ ସାମ୍ବାଦିକ ପୁର୍ଣ୍ଣଚନ୍ଦ୍ର ପଣ୍ଡା, ପ୍ରେସ କ୍ଲବ ସଭାପତି ଅରୁଣ କୁମାର ମିଶ୍ର, ବରିଷ୍ଠ କଳାକାର ପ୍ରେମଲାଲ ମିଶ୍ର, ହିମାଂଶୁ ଶେଖର ପୁଜାରି ମଂଚାସିନ ହୋଇଥିଲେ । ପରିଚାଳନା କରିଥିଲେ ବିଭୁକଲ୍ୟାଣ ଗଡତ୍ୟା ଓ ଧନ୍ୟବାଦ ଅର୍ପଣ କରିଥିଲେ ଅଜୟ ନାଗ ।