23-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା ମନମୁଣ୍ଡା ଥାନା ଶଗଡା ଫାଣ୍ଡି ନିକଟ ନଳିକୁପା ଜଙ୍ଗଲରେ ମାଓବାଦୀ- ଯବାନ ଗୁଳି ବିନିମୟ ରେ ମାଓ ଶିବିର ଧ୍ବଂସ ଓ ବିପୁଳ ମାଓ ସାମଗ୍ରୀ ଜବତ  l  ବୌଦ୍ଧ ଜିଲ୍ଲା ମନମୁଣ୍ଡା ଥାନା ଶଗଡା ଫାଣ୍ଡି ଅନ୍ତର୍ଗତ ଅଭ୍ୟନ୍ନ୍ତରୀଣ ନଳିକୁପା ଜଙ୍ଗଲରେ ସୋମବାର ସନ୍ଧ୍ୟାରେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା  l ନଳିକୁପା ଜଙ୍ଗଲରେ କିଛି ମାଓବାଦୀ ଲୁଚି ରହିଥିବାସୂଚନା ପାଇ ଏସଓଜି ଯବାନ କୁମ୍ବିଙ୍ଗ ସର୍ଚ୍ଚ ଅପରେସନ ଆରମ୍ଭ କରିଥିଲେ l  କୁମ୍ବିଙ୍ଗ ସମୟରେ ହଠାତ ମାଓବାଦୀମାନଙ୍କ ପକ୍ଷରୁ ଗୁଳି ଚାଳନା ହୋଇଥିଲା । ପରେ

ଏସ୍‌ଓଜିଙ୍କ ପକ୍ଷରୁ ପାଲଟା ଗୁୁଳିଚାଳନା କରାଯାଇଥିଲା  l ପ୍ରଥମେ ମାଓବାଦୀମାନଙ୍କୁ ଆତ୍ମସମର୍ପଣ ପାଇଁ କୁହାଯାଇଥିଲା  l   ଏଥିରେ ମାଓବାଦୀମାନେ ଆତ୍ମସମର୍ପଣ ବଦଳରେ ଗୁଳି ବର୍ଷଣ କରିଥିଲେ l  ଜବାବରେ ଏସଓଜି ଯବାନ କୁମ୍ବିଙ୍ଗ ଅପରେସନ କୁ ଜୋରଦାର କରିଥିଲେ l ପ୍ରାୟ ଦୁଇଘଣ୍ଟା ଧରି ଉଭୟ ପଟୁ ଗୁଳି ବିନିମୟ ହୋଇଥିଲା  l  ଏଥିରେ ପ୍ରାୟ 30 ରୁ 40 ମାଓବାଦୀମାନେ ଛତ୍ରଭଙ୍ଗ ଦେଇ ଜଙ୍ଗଲ ଭିତରକୁ ଚାଲିଯାଇଥିଲେ l  କୁମ୍ବିଙ୍ଗ ଅପରେସନ ସମୟରେ ମାଓ କ୍ୟାମ୍ପ ଠାବ କରିଥିଲେ ଏସଓଜି ଯବାନ l  କ୍ୟାମ୍ପରୁ ରାଇଫଲ, ଲ୍ୟାଣ୍ଡ ମାଇନ,ବୋମା ସମେତ ବିପୁଳ ପରିମାଣର ମାଓ ସାମଗ୍ରୀ ଜବତ କରିଛନ୍ତି ସୁରକ୍ଷାକର୍ମୀ  l  ଗତ କାଲିର ଗୁଳି ବର୍ଷଣ ପରେ ଆଜି ସକାଳ ଠାରୁ ଗୁଳି ବିନିମୟ ବନ୍ଦ ରହିଛି  l ଏମାନଙ୍କ ମଧ୍ୟରେ ପାଖାପାଖି 30ରୁ 40ଜଣ ମାଓବାଦୀ ଥିବା ଅନୁମାନ କରାଯାଇଛି  l  ମାଓ ଶିବିର ଧ୍ବଂସ ପରେ ଯବାନ ଙ୍କ ଦ୍ୱାରା ସର୍ଚ୍ଚ ଅପରେସନ ଜାରି ରହିଛି  l   ବୌଦ୍ଧ -କନ୍ଧମାଳ ସୀମାନ୍ତ ଅଞ୍ଚଳରେ କେକେବିଏନ ଡିଭିଜନ ଅଂଚଳର ମାଓବାଦୀ ସକ୍ରିୟ ହୋଇ ଉଠିଥିବା

ବେଳେ ଗତ କିଛିଦିନ ମଧରେ ପାଞ୍ଚଥର ମାଓବାଦୀ ଓ ଯବାନ ମୁହଁମୁହିଁ ହୋଇଛନ୍ତି ଜିଲ୍ଲାର ବିଭିନ୍ନ ଅଭ୍ୟନ୍ତରୀଣ ଅଞ୍ଚଳରେ ସକ୍ରିୟ ହୋଇ ଉଠିଛନ୍ତି ଲାଲବାହିନୀ  l   ଜିଲ୍ଲାର ବିଭିନ୍ନ ସ୍ଥାନରେ ଏକାଧିକ ଥର ମାଓ ସଂଗଠନ ପକ୍ଷରୁ ମାଓ ପୋଷ୍ଟର ଲଗାଯାଇ ବେଆଇନ ଗଂଜେଇ ଚାଷ, ଜଳ, ଜମି, ଜଙ୍ଗଲ ଆଇନର ବ୍ୟବହାର, ଗରିବ ଚାଷୀ ମୂଳିଆଙ୍କୁ ସହଯୋଗ ଭଳି ବିଭିନ୍ନ ଆହ୍ୱାନ ଦିଆଯାଇଛି  l  ଗତ ଦୁଇମାସ ମଧ୍ୟରେ ଜିଲ୍ଲାର ମନମୁଣ୍ଡା ଓ କଣ୍ଟାମାଳ ଥାନା ଅନ୍ତର୍ଗତ ବିଭିନ୍ନ ଅଭ୍ୟନ୍ତରୀଣ ଜଙ୍ଗଲ ଅଞ୍ଚଳରେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିବା ସୂଚନା ମିଳିଛି  l  ଏ ସମସ୍ତ ମୁହାଁମୁହିଁ ଗୁଳିବିନିମୟରେ ମାଓବାଦୀ ଛତ୍ରଭଙ୍ଗ ଦେଇଥିବା ବେଳେ ମାଓ ଶିବିରରୁ  ବିପୁଳ ପରିମାଣରେ ମାଓ ସାମଗ୍ରୀ ଓ ବିସ୍ଫୋରକ ସାମଗ୍ରୀ ଜବତ କରାଯାଇଛି l