22-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ):  ଅଯୋଧ୍ୟା ରେ ପ୍ରଭୁ ଶ୍ରୀରାମ ଙ୍କ ଭବ୍ୟ ପ୍ରାଣ ପ୍ରତିଷ୍ଠା ଅବସରରେ ଆଜି ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ବିଭିନ୍ନ ଶ୍ରୀରାମ ମନ୍ଦିର  ଗୁଡିକରେ ପୂଜାର୍ଚନା ସହ ଭକ୍ତମାନଙ୍କ ସମାଗମ ରେ ଉତ୍ସବ ମୁଖର ହୋଇଛି  l ଚତୁଃର୍ଦିଗ ରାମମୟ ହୋଇଉଠିଛି  l  ଏନେଇ କଣ୍ଟାମାଳ ବ୍ଲକ ନିକଟ ଶ୍ରୀରାମ ମନ୍ଦିର ଠାରେ ଆଜି ସକାଳୁ ଭକ୍ତମାନେ ପୁଜାର୍ଚନା କରୁଥିବା ଦେଖିବାକୁ ମିଳିଥିଲା  l  ମନ୍ଦିର କମିଟି ପକ୍ଷରୁ ଶ୍ରୀରାମ ସ୍ତୁତି, ହନୁମାନ ଚାଳିଶା ପାଠ ସହ ବୈଠକି ର ଆୟୋଜନ କରାଯାଇଛି l  ପଣ୍ଡିତ ସନତ କୁମାର ମିଶ୍ର ଶ୍ରୀରାମ ସ୍ତୁତି ପାଠ ଓ ମନ୍ଦିର ପୂଜକ ଆନନ୍ଦ ଚନ୍ଦ୍ର ପାଢ଼ୀ ପୂଜା ଦାଇତ୍ୱ ତୁଲାଇଥିଲେ l  ଅନ୍ୟମାନଙ୍କ ମଧ୍ୟରେ

ମନ୍ଦିର କମିଟିର ସନ୍ତୋଷ କୁମାର ବିଶି, ଦାମୋଦର ସ୍ୱାଇଁ,ବସନ୍ତ କୁମାର ମିଶ୍ର, ପୁରୋହିତ,ହରିବନ୍ଧୁ ପୁରୋହିତ,ଜୟ କୁମାର ମହାରଣା, ନୀଳାଞ୍ଚଳ ଗୁରୁ ସମେତ ବହୁ ଭକ୍ତ ଯୋଗଦେଇଥିଲେ  l  ସେହିପରି ବନ୍ଧପାଲି ଶ୍ରୀରାମ ମନ୍ଦିର ଠାରେ ମନ୍ଦିର ମୁଖ୍ୟ ସୁଧିର ଗୁରୁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଭବ୍ୟ ଉତ୍ସବର ଆୟୋଜନ କରାଯାଇଛି l ଭକ୍ତ ମାନଙ୍କ ସମାଗମରେ ଲୋକlରଣ୍ୟ ହୋଇଥିଲା ସମଗ୍ର

ଅଞ୍ଚଳ l  ଅଯୋଧ୍ୟା ରାମମନ୍ଦିରର ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ସିଧାସଳଖ ଏଲଇଡ଼ି ପରଦାରେ ଦେଖିଥିଲେ ଭକ୍ତମାନେ  l ଏହି ଅବସରରେ ଯଜ୍ଞ ସହ ପlରାୟଣର ଆୟୋଜନ ହୋଇଥିଲା l   ସୁଧୀର ଗୁରୁ ଶସ୍ତ୍ରୀକ ଯଜ୍ଞ କର୍ତ୍ତା ଓ ସୁବାସ ରଥ ଯଜ୍ଞ ପୂଜକ ଦାଇତ୍ୱ ତୁଲାଇଥିଲେ l  ଭବ୍ୟ ଓ ସୁନ୍ଦର କାରୁକାର୍ଯ୍ୟ ମଣ୍ଡିତ ବାନ୍ଧପାଲିର ଏହି ଶ୍ରୀରାମ ମନ୍ଦିରକୁ ଆସିଥିବା ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ସମାବେଶରେ ରାମମୟ ପରିବେଶ ସୃଷ୍ଟି କରିଥିଲା  l