23-Jul-2023

(ପ୍ରେରଣା ଖବର )
ପ୍ରଥମେ ହିନ୍ଦୀ,କନ୍ନଡ ଓ ଓଡ଼ିଆ ସିନେମାରେ ଅଭିନୟ କରି ସୁନାମ ଅର୍ଜନ କରିଥିବା ସମ୍ବଲପୁରରେ ଜନ୍ମିତ ପ୍ରତିଭାଶାଳୀ ଅଭିନେତା ମନୋଜ ମିଶ୍ର ଏକ ପ୍ରତିଷ୍ଠିତ ଟିଭି। ଚେନାଲ୍‌କୁ ଦେଇଥିବା ସାକ୍ଷାତକାରରେ ଓଡ଼ିଆ ସିନେ ଅଭିନେତା ଓ ଓଡ଼ିଆ ଚଳଚିତ୍ରର ଉନ୍ନତି ସମ୍ବନ୍ଧରେ ନିଜର ସ୍ବାଧିନ ମତ ରଖିଥିଲେ। ଅନ୍ୟାନ୍ୟ ବହୁ ପ୍ରସଙ୍ଗ ଉପରେ ଟିପ୍‌ପଣୀ କରିବା ସହ ସେ ଓଡ଼ିଆ ସିନେମାରେ କାହାଣୀରେ ମୋଳିକତା ଓ ନିର୍ଦ୍ଦେଶନା ଅଭିନବତା ବିଷୟରେ ସବିଶେଷ ମତ ରଖିଥିଲେ। କଥା ପ୍ରସଙ୍ଗରେ ସେ ଓଡ଼ିଆ ସିନେମା କଳାକାରଙ୍କ ବର୍ଷକର ପାରିଶ୍ରମିକ ବମ୍ବେ ଫିଲ୍ମ୍‌ ଇଣ୍ଡଷ୍ଟ୍ରୀର ଦିନକର ପାରିଶ୍ରମିକ ଭଳି ଦୟନୀୟ ହୋଇଥିବା କହିଥିଲେ। ତାଙ୍କୁ ସିନେମା କରିବାକୁ ହେଲେ ଅରିନ୍ଦମ ଓ ଅଭିନବଙ୍କ ମଧ୍ୟରୁ  କାହାକୁ ହିରୋ ଭାବରେ ନେବେ ବୋଲି ପଚରାଯିବାରୁ ସେ ବାବୁଶାନଙ୍କୁ ନେବେ ବୋଲି କହିଥିଲେ।
ଏତିକି ମାତ୍ର ଅଭିମତ ଦେଇଥିବା କଥାକୁ ନେଇ କଟକର ଜଣେ ଅନାମଧେୟ ଜିତୁ ରାଉତ ନାମକ ଏକ ଅସାମାଜିକ ବ୍ୟକ୍ତି ଯିଏ ନିଜକୁ କଣେ ଅଭିନେତା ଓ କେମେରାମେନ୍‌ ବୋଲାଇଥାନ୍ତି,ଅଯଥାରେ ପ୍ରତିକ୍ରିୟାଶୀଳ ହୋଇ ଅଭିନେତା ମନୋଜ ମିଶ୍ରଙ୍କୁ ଅଶ୍ରାବ୍ୟ ଭାଷାରେ ଗାଳିଦେଇଛନ୍ତି। ଓଡ଼ିଆ ସିନେମା ବିଷୟରେ ମନୋଜ ମିଶ୍ର କିଏ ବେ,ବୋଲି ଲାଂଛିତ କରିଛନ୍ତି। ସେହିଭଳି ଜିତୁ ମଂଗରାଜ ନାମକ ତାଙ୍କର ଆଉ ଏକ  ଅନାମଧେୟ  ସହଯୋଗୀ ଅଭିନେତା ମନୋଜ ମିଶ୍ରଙ୍କୁ ଅସଭ୍ୟ ଭାଷାରେ ଗାଳି କରି ସାମାଜିକ ଗଣ ମାଧ୍ୟମରେ ଭିଡ଼ିଓ ଭାଇରାଲ୍‌ କରିଛନ୍ତି। ସେମାନେ ମନୋଜ ମିଶ୍ରଙ୍କୁ ବଲିଉଡ଼ରେ ବେଶୀ ଅର୍ଥ ମିଳୁଛି ତ ଓଡ଼ିଶାରେ କାଁହିକି ରହୁଛ,ଏଠୁ ପଳାଅ ସେଠିକି ବୋଲି ଅପମାନିତ କରିଛନ୍ତି।
ଆଉ ସବୁଠାରୁ ନିନ୍ଦନୀୟ ମନ୍ତବ୍ୟ ଏଇୟା ଯେ ସେମାନେ ମନୋଜ ମିଶ୍ରଙ୍କୁ "ତୁ ତା ବେ'ବା" କରିବା ସହ ମାଡ଼ ମାରିବାର ଭୟ ଦେଖାଇଛନ୍ତି। 

ପଶ୍ଚିମ ଓଡ଼ିଶାରେ ଭଲ ଭଲ କଳାକାର ଯଦି ଅଛନ୍ତି,ଯାଅ ପଶ୍ଚିମ ଓଡ଼ିଶା,ସେଇଠି ନାଚିବ" ବୋଲି ସେମାନେ କଟୁକ୍ତି କରିଛନ୍ତି।ଏହି ଭିଡ଼ିଓ ସାମାଜିକ ଗଣ ମାଧ୍ୟମରେ ପ୍ରସାରିତ ହେବା ପରେ ପଶ୍ଚିମ ଓଡ଼ିଶାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ସମଗ୍ର ଓଡ଼ିଶାର ଦର୍ଶକ ଓ କଳାକାରମାନେ ଏହାର ଘୋର୍‌ ପ୍ରତିବାଦ କରିଛନ୍ତି।  ଏଠାକାର ବୁଦ୍ଧିଜିବୀ ସମାଜ ଏହାର ନିନ୍ଦାକରି ଜିତୁ ରାଉତ ଓ ଜିତୁ ମଂଗରାଜଙ୍କ ବିରୁଦ୍ଦରେ ତୁରନ୍ତ ପଦକ୍ଷେପ ନେବାକୁ ଦାବୀ କରିଛନ୍ତି। ସମ୍ବଲପୁର ସାଂସ୍କୃତିକ ପରିଷଦ ତରଫରୁ ଭକ୍ତ ପ୍ରସାଦ ନନ୍ଦ, ସପନ ମିଶ୍ର,ସଦାନନ୍ଦ ପଣ୍ଡା,ପ୍ରମୂଖ ଏଭଳି ବିଷୋଦ୍‌ଗାର କରିଥିବା ବ୍ୟକ୍ତିଙ୍କ ବିରୋଧ ପୋଲିସ୍‌ ଅତି ଶୀଘ୍ର କାର୍ଯ୍ୟାନୁଷ୍ଟାନ ଗ୍ରହଣ କରିବାକୁ ଦାବୀ କରିଛନ୍ତି। ଲୋଇସିଂହା ପୋଲିସ ଷ୍ଟେସନ୍‌ରେ 'କୋଶଲ୍‌ ରାଜ୍ୟ ମୁକ୍ତି ମୋର୍ଚ୍ଚା' ତରଫରୁ ଉଭୟ ଜିତୁ ରାଉତ ଓ ଜିତୁ ମଂଗରାଜ୍‌ଙ୍କର୍‌ ବିରୁଦ୍ଦରେ ଅପରାଧିକ ମାମଲାରେ ଏଫ୍‌ଆଇଆର୍‌ ଦାଖଲ କରାଯାଇଛି। ଲୋଇସିଂହା ସଭାପତି ସିବରାଜ ସାହୁ,ଅନୁଭବ ସାହୁ ,ରବିନ୍ଦ୍ର ପ୍ରଧାନ ନେତୃତ୍ବରେ ସଂଗଠନର କର୍ମକର୍ତ୍ତାମାନେ ଥାନା ଅଧିକାରୀଙ୍କୁ ଭେଟି ତୁରନ୍ତ ଉଭୟ ଅସାମାଜିକ ବ୍ୟକ୍ତିଙ୍କୁ ଗିରଫ କରିବାକୁ ଦାବୀ କରିଛନ୍ତି। ତୁରନ୍ତ ପଦକ୍ଷେପ ନିଆ ନ ଗଲେ ଅନ୍ୟାନ୍ୟ ସ୍ଥାନରେ ମଧ୍ୟ ଏଭଳି ପ୍ରତିବାଦ କରାଯିବ ଏବଂ ପରିସ୍ଥିତି ଆହୁରି ଅଶାନ୍ତିପୂର୍ଣ ହେବ ବୋଲି ସେମାନେ ଏତାଲାରେ ଉଲ୍ଲେଖ କରିଛନ୍ତି। ଆଗାମୀ ଦିନରେ ପୋଲିସ ପ୍ରଶାସନ ପକ୍ଷରୁ ତୁରନ୍ତ କାର୍ଯ୍ୟାନୁଷ୍ଠାନ ନ ନିଆ ଗଲେ ପ୍ରତିବାଦ ଆହରି ବ୍ୟାପକ ହେବ ବୋଲି ସେମାନେ ସତର୍କ କରିଦେଇଛନ୍ତି।