05-Jul-2023

ଲୋଇସିଂହା, (ବିନୋଦ କୁମାର ଦୀପ) ଓଡିଶା ରାଜ୍ୟ କୈବର୍ତ୍ତ ଓ ଧୀବର ହଟାଓ କ୍ରିୟାନୁଷ୍ଠାନ କମିଟିର ଆବାହକ ଡିଙ୍ଗର କୁମ୍ଭାରଙ୍କ ଆହ୍ୱାନ କ୍ରମେ ଲକ୍ଷେ ଘର ଗଣ୍ଡା ସମାଜ, ଛଅକୋର ସେବକ ସମାଜ ଘାସୀ, ରବୀଦାସ ସମାଜ ଚମାର ତରଫରୁ କେଉଁଟ, ଧୀବର ଓ କୈବର୍ତ୍ତ ଜାତିକୁ ଅନୁସୂଚିତ ତଥା ଅସ୍ପୃଶ୍ୟ ତାଲିକାରୁ ବାଦ ଦେବାକୁ ଦାବି ହୋଇଛି l ଏହି ପରିପ୍ରେକ୍ଷୀରେ ଓଡ଼ିଶାର ରାଜ୍ୟପାଳଙ୍କ ଉଦ୍ଦେଶ୍ୟରେ  ଲୋଇସିଂହା ତହସିଲଦାରଙ୍କ ଜରିଆରେ ବୁଧବାର ଏକ ଦାବିପତ୍ର ପ୍ରଦାନ କରାଯାଇଛି । ଏହି ଅବସରରେ ଲୋଇସିଂହା ଅଗ୍ରସେନ ଭବନ ଠାରେ ଆୟୋଜିତ ଏକ ସମାରୋହରେ ଡିଙ୍ଗର କୁମ୍ଭାର, ହେମସାଗର ନନ୍ଦ, ପୂର୍ବତନ ବିଧାୟକ ବିନୋଦ ପାତ୍ର, ତାପସ ଦାସ, ଜନସନ ନାଗ, ଜୟନ୍ତ କୁମ୍ଭାର, ବିଜୟ ମହାନନ୍ଦ, ଲାଲମନ ନାଗ, ଝସକେତନ ମହାନନ୍ଦ, ଅଶୋକ ବାରିକ, ଲକ୍ଷ୍ମଣ ଭରାସାଗର ପ୍ରମୁଖ ଉଦବୋଧନ ଦେଇଥିଲେ । 

ପରେ ଏକ ବିଶାଳ ଶୋଭାଯାତ୍ରାରେ ନାରାବାଜି ପ୍ରଦର୍ଶନ ପୂର୍ବକ ହଜାର ହଜାର ଲୋକ ଓ ମହିଳା ମାନେ ଲୋଇସିଂହା ଅଗ୍ରେସନ ଭବନ ଠାରୁ ବାହାରି ସ୍ଥାନୀୟ  ତହସିଲ କାର୍ଯ୍ୟାଳୟରେ ପହଂଚି ରାଜ୍ୟପାଳଙ୍କ ଉଦ୍ଦେଶ୍ୟରେ ତହସିଲଦାରଙ୍କ ଜରିଆରେ ଦାବିପତ୍ର ପ୍ରଦାନ କରିଥିଲେ l