04-Jul-2023

ବଙ୍ଗୋମୁଣ୍ଡା /ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ସିନ୍ଧେକେଲାରେ ସାଇବର ଠକେଇର ପ୍ରଥମ ଘଟଣା ହୋଇଥିବା ବେଳେ ସିନ୍ଧେକେଲା ପୋଲିସ ପାଇଁ ବଡ଼ ସଫଳତା ହାସଲ ହୋଇଛି । ଦିନକୁ ଦିନ ବଢି ଚାଲିଛି ସାଇବର ଠକେଇ , ଗୁଗୁଲ ପେ ଜରିଆ ରେ ପୁଅ ଙ୍କ ଚାକିରୀ ପ୍ରଲୋଭନ ଦେଖାଇ ସିନ୍ଧେକେଲା ଗାଁ ର ଜଣେ ବ୍ୟକ୍ତି ଙ୍କ ଠାରୁ ୧୬୫୦୦ ଟଙ୍କା ଠକେଇ କରିଥିବା ଅଭିଯୋଗ ହେବାପରେ ଝାରସୁଗୁଡା ର ଅମିତାଭ ପଟ୍ଟନାୟକ କୁ ସିନ୍ଧେକେଲା ପୋଲିସ ଗିରଫ କରିଥିବା ନେଇ ସିନ୍ଧେକେଲା ପୋଲିସ ଷ୍ଟେସନ ଠାରେ ଏକ ସାମ୍ବାଦିକ ସମ୍ମିଳନୀରେ ଟିଟିଲାଗଡ ଏସଡ଼ିପିଓ ଅଙ୍କିତା କୁମ୍ଭାର ସୂଚନା ଦେଇଥିଲେ । ସୂଚନାଯୋଗ୍ୟ ଯେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଗାଁ ର ରାଜୀବ କୁମାର ସାହୁ ଙ୍କୁ ତାଙ୍କ ଫେସବୁକ ଫ୍ରେଣ୍ଡ ଗୁଗୁଲ କମ୍ପାନୀରେ ତାଙ୍କର ଭଲ ଚିହ୍ନା ପରିଚୟ ଅଛି ପୁଅର ଚାକିରି ପାଇଁ ରେଜିଷ୍ଟ୍ରସନ ବାବଦ କୁ ୧୬୫୦୦ ଟଙ୍କା ଦେବାକୁ କହି ଟଙ୍କା ଠକି ନେଇଥିଲା ଅଭିଯୁକ୍ତ । ପ୍ରଥମେ ଫେସବୁକ ରେ ବନ୍ଧୁତା କରି ଠକ ଜଣକ ଠକାମୀ କରିଥିଲା । ଟଙ୍କା ପାଇବା ପରେ ଆଉ ଅଭିଯୋଗକାରୀ ଓ ଫେସବୁକ ଫ୍ରେଣ୍ଡ ଙ୍କ କୌଣସି କଣ୍ଟାକ୍ଟ ହୋଇ ନ ଥିଲା। ଏନେଇ ଠକେଇ ହୋଇଥିବା ଜାଣି ପାରି ରାଜୀବ କୁମାର ସାହୁ ସିନ୍ଧେକେଲା

ଥାନାରେ ଏକ ଲିଖିତ ଅଭିଯୋଗ କରିଥିଲେ । ପୋଲିସ ତପ୍ତରତା ଦେଖାଇ ବଲାଙ୍ଗୀର ଏସପି ଙ୍କ ନିର୍ଦ୍ଦେଶ କ୍ରମେ ସିନ୍ଧେକେଲା ଆଇଆଇସି ବସନ୍ତ କୁମାର ଦଳାଇ ଏକ ଟିମ ଗଠନ କରି ଝାରସୁଗୁଡା ଜିଲ୍ଲା ର ସରବାହାଲ ଗ୍ରାମର ଅମିତାଭ ପଟ୍ଟନାୟକ କୁ ଗିରଫ କରିବା ସହ ତା ଠାରୁ ନଗଦ ୬୧୦୦ ଟଙ୍କା ଓ ଦୁଇଟି ମୋବାଇଲ ଜବତ କରିଛି ସିନ୍ଧେକେଲା ପୋଲିସ । ଏହି ଠକ ଜଣକ ବଲାଙ୍ଗିର ଥାନା ର ଅନ୍ୟ ଏକ କେସରେ ମଧ୍ୟ ଜଡିତ ଥିବା ଜଣା ପଡିଥିବା ସୁଚନା ଦେଇଛନ୍ତି ଏସ ଡି ପି ଓ । ଏପରିକି ଅଧିକ ତଦନ୍ତ ଜାରି ରଖିଥିବା ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାର ସୂଚନା ଦେଇଛନ୍ତି । ସାମ୍ବାଦିକ ସମ୍ମିଳନୀରେ ସିନ୍ଧେକେଲା ଆଇ ଆଇ ସି ବସନ୍ତ କୁମାର ଦଳାଇଙ୍କ ସହ ବିଭିନ୍ନ ଗଣମାଧ୍ୟମ ପ୍ରତିନିଧିମାନେ ଉପସ୍ଥିତ ଥିଲେ।