04-Jul-2023

ସମ୍ବଲପୁର, (ସଂଜୀବ ପାଣିଗ୍ରାହୀ )
ସମ୍ବଲପୁରୀ ସଂସ୍କୃତି ର ପୁରୋଧା ଗୁରୁ ସତ୍ଯ ନାରାୟଣ ବହିଦାରଂକର ଜନ୍ମଦିନ କୁ ୨୦୧୩ ରୁ ସମ୍ବଲପୁରୀ ଦିନ ଭାବରେ ପାଲନ କରାଯାଇ ଆସୁଛି। ଗୁରୁ ବହିଦାର ସମ୍ବଲପୁରୀ ସାଧକ କବି କଲାକାର ମାନଂକୁ ଏକଜୁଟ କରିବା ସହ ଭାଷା ସଂସ୍କୃତି ର ପ୍ରଚାର ପ୍ରସାର ପାଇଁ ସାରା ଜୀବନ ବଲିଦାନ ଦେଇଥିଲେ। ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ସମ୍ବଲପୁର ସମେତ ରାଜ୍ଯ ର ବିଭିନ୍ନ ସ୍ଥାନରେ ତାଙ୍କର ଜନ୍ମଦିନ ରେ ସମ୍ବଲପୁରୀ ଦିନ ଭାବରେ ଆୟୋଜନ କରିଆସୁଛି। ମଂଚ ସମ୍ବଲପୁର ରେ ପ୍ରତି ବର୍ଷ ରାଜ୍ଯ ସ୍ତରୀୟ ସମ୍ବଲପୁରୀ ଦିନ ର ଆୟୋଜନ କରିଆସୁଛି।  ଚଲିତ ବର୍ଷ ସମ୍ବଲପୁରୀ ଦିନ ଭବ୍ୟ ଢଂଗ ରେ ଆୟୋଜନ କରିବା ପାଇଁ ପଶ୍ଚିମାଞ୍ଚଳ ଏକତା ମଂଚ ପ୍ରସ୍ତୁତି ଆରମ୍ଭ କରିଛି। ଏହି ଅବସରରେ ଗୁରୁ ସତ୍ଯ ନାରାୟଣ ସ୍ମୁତି ଉଦ୍ୟାନ ପରିସରରେ  ଗୁରୁ ସତ୍ଯ ନାରାୟଣ ବହିଦାରଂକର ପ୍ରତିମୁର୍ତ୍ତି ସ୍ଥାପନ ପାଇଁ କାମ ଆରମ୍ଭ ହୋଇଛି। ପ ପଶ୍ଚିମାଞ୍ଚଳ ଏକତା ମଂଚ ପକ୍ଷର ଗୁରୁ ସତ୍ଯ ନାରାୟଣ ପ୍ରତିମୁର୍ତ୍ତି କମିଟି ଅଧ୍ଯକ୍ଷ ଡ ପ୍ରମୋଦ ରଥଂକର ସଭାପତିତ୍ବରେ  ଏଥିପାଇଁ ପୁଜାବିଧାନ କରାଯାଇ ନିର୍ମାଣ କାମ ଆରମ୍ଭ କରାଯାଇଛି। ରେଂଗାଲି ବିଧାୟକ ତଥା ଅନୁଷ୍ଠାନ ର ଉପଦେଷ୍ଟା ନାଉରୀ ନାୟକ ଉପସ୍ଥିତ ରହି ପୁଜାର୍ଚନା କରିଥିଲେ। କାର୍ଯ୍ୟକ୍ରମ ରେ ପଶ୍ଚିମାଞ୍ଚଳ ଏକତା ମଂଚର ଆବାହକ ଭବାନୀଶ ଭୋଇ, ମୁଖ୍ଯ ସଂଯୋଜକ ମାନସ ରଂଜନ ବକ୍ସୀ,ରାହୁଲ ଗୁପ୍ତା, ଲଲିତ ବେବର୍ତ୍ତା, ପଂକଜିନୀ ମେହେର, ମୁନ୍ନା ଖାନ, ପ୍ରକାଶ ସିଂହ ପ୍ରମୁଖ ଉପସ୍ଥିତ ରହିଥିଲେ।