30-Jun-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ ): ବ୍ରହ୍ମପୁର ସକାଳ ଦୈନିକ  ସଂସ୍କରଣର ମୁଖ୍ୟ ସମ୍ପାଦକ ତଥା ସୁନାମ ଧନ୍ୟ ବରିଷ୍ଠ ସାମ୍ବାଦିକ ଜଗନ ମୋହନ ମହାପାତ୍ର ( ଜିତୁ ଭାଇ ) ଙ୍କ  ହୃଦଘାତରେ ପରଲୋକ ହୋଇଛି  |  ସେ ଜଣେ  ପରୋପକାରୀ, ମିଷ୍ଟ ଭାଷୀ,  ଶାନ୍ତ,‌ ସରଳ,‌ ମେଳାପି  ବ୍ୟକ୍ତିତ୍ବ ଭାବରେ ସମସ୍ତଙ୍କ ନିକଟରେ ଅତି ପରିଚିତ । ହଠାତ ତାଙ୍କ ଅକାଳ ବିୟୋଗ  ସମସ୍ତଙ୍କୁ ସ୍ତଦ୍ଧ କରିଛି l ଚାରିଆଡେ ଖେଳିଯାଇଛି ଶୋକର ଛାୟା, ସେ ଆଉ ନାହାନ୍ତି !! ଏହି ଦୁଃଖଦ ଖବରରେ  ସାମ୍ବାଦିକ ଠାରୁ ଆରମ୍ଭ କରି ଜନସାଧାରଣ ସଭିଏଁ  ମର୍ମାହତ ।‌ ନିଜର ସ୍ୱତନ୍ତ୍ର ପରିଚୟ ହାସଲ କରିଥିବା ନିଆରା ମଣିଷ ଥିଲେ ସେ  l   

 ଜ୍ୟୋତିଷ ବିଶାରଦ ବାଇକୋଳି ମହାପାତ୍ରଙ୍କ ନାତି ତଥା ଅବସର ପ୍ରାପ୍ତ ଅଧ୍ୟକ୍ଷ ସ୍ୱର୍ଗତ ଡ. ତାରାପ୍ରସାଦ  ମହାପାତ୍ର ଙ୍କ ସୁପୁତ୍ର ଜଗନ୍ ମୋହନ ମହାପାତ୍ର (ଜିତୁ)ଏକ ପରିଚିତ ନାମ ।ଖଲିକୋଟ ରୁ ଆସି ବ୍ରହ୍ମପୁର ତଥା ରାଜ୍ୟରେ ନିଜର  ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ, ସୁଦକ୍ଷ ମଞ୍ଚ କଳାକାର, ସମାଜ ସେବି,ସୁଲେଖକ ତଥା  ସାମ୍ବାଦିକ କ୍ଷେତ୍ରରେ  ନିଜର ଦକ୍ଷତା ପ୍ରତିପାଦିତ କରିଥିବା ବେଳେ,ସମସ୍ତଙ୍କ ଅତିନିକଟତର ଭଲ ମଣିଷ ଟିଏ ଥିଲେ ସେ  l କିଛି ଦିନତଳେ ଲେଖିଥିବା ତାଙ୍କ ଲେଖନି ରୁ କିଛି ପଂକ୍ତି  "ମଣିଷ ମଣିଷ ଭିତରେ ବିଶ୍ୱାସ ର ଫରକ .........
     ଜୀବନ ମୃତ୍ୟୁ ଭିତରେ ନିଶ୍ୱାସ ର ଫରକ "  ......!! 
ଏହା ଯେ,ଏମିତି ହଠାତ ସତ ହୋଇଯିବ  ତାହା ବିଶ୍ୱାସ କରିବା ମୁସ୍କିଲ !!!
ହୃଦଘାତରେ  ଏମିତି ହଠାତ ସମସ୍ତଙ୍କୁ ଛାଡିଯିବେ ଏକଥା ବିଶ୍ୱାସ ନହେଲେ ମଧ୍ୟ ନିୟତିର ସତ୍ୟତା କୁ ମାନିବାକୁ ପଡିବ                                                                   

  ଆତ୍ମୀୟ ସ୍ୱଜନ ସହିତ, ଆଇନ ଜୀବି, ସହରର ବିଭିନ୍ନ ସଙ୍ଗଠନ ର ସଦସ୍ୟ,  ବୁଦ୍ଧିଜୀବି,ରାଜ ନେତା, ଗଣମାଧ୍ୟ୍ୟମ ବ୍ୟକ୍ତି ଓ ଅଞ୍ଚଳବାସୀ  ତାଙ୍କ ଶେଷ ଦର୍ଶନ କରିଥିଲେ  ଓ ପରିବାର ବର୍ଗଙ୍କୁ ଏପରି ଦୁର୍ବଳ ପରିସ୍ଥିତି ରେ ସମବେଦନା ଜଣାଇଥିଲେ l ଜିତୁ ଭାଇଙ୍କ ପାର୍ଥିବଶରୀର କୁ ପ୍ରଥମେ ବ୍ରହ୍ମପୁର ସ୍ଥିତ ସକାଳ କାର୍ଯାଳୟ , ପ୍ରେସ କ୍ଳବ ନେଇ ଥିଲେ   l ଏହାପରେ ତାଙ୍କୁ ପୁରୀ ସ୍ୱର୍ଗ ଦ୍ୱାର ଠାରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା  l