10-Jun-2023

ନବରଙ୍ଗପୁର: ଓଡ଼ିଶାରେ  ହିନ୍ଦୁ ଧର୍ମ ର ସୁରକ୍ଷା ପାଇଁ ଦେବାଳୟ ବିମୋଚନମ, ହିନ୍ଦୁ ମହାସଂଘ, ମାରୁତି ସେନା, ହିନ୍ଦୁ ମହାସଭା, କେଶରୀୟା ହିନ୍ଦୁ ପରିଷଦ, ଓଡ଼ିଶା ସୁରକ୍ଷା ସେନା ଏବଂ ବ୍ୟାସ ଫାଉଣ୍ଡେସନ ମିଳିତ ଭାବେ ହିନ୍ଦୁ ଏକତା ମଞ୍ଚ ଗଠନ କରିଛନ୍ତି। ହିନ୍ଦୁ ଧର୍ମ ଓ ଜଗନ୍ନାଥ ସଂସ୍କୃତିର ସୁରକ୍ଷା ଓ ସଂରକ୍ଷଣ ପାଇଁ ମିଳିତ ଭାବେ ଉଦ୍ୟମ କରାଯିବ । ଦେବାଳୟ ବିମୋଚନମ୍ ଟ୍ରଷ୍ଟ ର ମେନେଜିଂ ଟ୍ରଷ୍ଟି ଶ୍ରୀ ଟିକେ ଜେନା ଙ୍କ ଉଦ୍ୟମ କ୍ରମେ ଆସନ୍ତା ରବିବାର ଦିନ ଏକ ମିଳିତ ବୈଠକ କଟକ ଠାରେ ଅନୁଷ୍ଠିତ ହେବ । ସମସ୍ତ ସାତଟି ଓଡ଼ିଶାର ପ୍ରମୁଖ ସଂଗଠନ ର ମୁଖ୍ୟ କିମ୍ବା ସେମାନଙ୍କ ପ୍ରତିନିଧି ମାନେ ଯୋଗଦାନ କରିବେ । ଓଡ଼ିଶା, ଛତିଶଗଡ଼ ଓ ମଧ୍ୟ ପ୍ରଦେଶରେ ଦ୍ରୁତ ଗତିରେ ଅବିବୃଦ୍ଧି ହେଉଥିବା ହିନ୍ଦୁ ମହାସଂଘ ପାଇଁ ଏହା ଆହୁରି ଏକ ବଡ଼ ସଫଳତା ବୋଲି ମହାସଂଘ ପ୍ରମୁଖ ଜୟନ୍ତ କୁମାର ରାୟପାତ୍ର ମତବ୍ୟକ୍ତ କରିଛନ୍ତି। ବିଭିନ୍ନ ଅଞ୍ଚଳ ରେ ସକ୍ରିୟ ଥିବା ଏହି ସଂଗଠନ ଗୁଡ଼ିକ ମିଳିତ ଭାବେ ଏଥର ଧର୍ମ ରକ୍ଷା ପାଇଁ ଉଦ୍ୟମ କରିବେ।  ସାତଟି ବୃହତ ହିନ୍ଦୁ ସଂଗଠନ ମିଳିତ ଭାବେ ଗୋଟିଏ ମଞ୍ଚରେ ଆସିବା ଆଗାମୀ ଦିନରେ ଓଡିଶା ପାଇଁ ଏକ ଶୁଭ ସଂକେତ ବୋଲି ହିନ୍ଦୁ ରାଷ୍ଟ୍ର ବାଦୀ ମାନେ ମତବ୍ୟକ୍ତ କରିଛନ୍ତି।

(ରିପୋର୍ଟ : ମିହିର ଶଙ୍କର ପାତ୍ର,ନବରଙ୍ଗପୁର)