09-Jun-2023

ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ)   ଆଜି ବଲାଙ୍ଗିର ଜିଲ୍ଲା ବେଲପଡ଼ା ପଞ୍ଚାୟତ ଅଫିସ୍ ଗୃହରେ କୋଶଲ ରାଏଜ୍ ମୁକ୍ତି ମୋର୍ଚା ଆଉ କୋଶଲ୍ ସେନା ମଧ୍ୟରେ କୋଶଲ ଆନ୍ଦୋଳନର ଆଗାମୀ ରଣନୀତି ଉପରେ ଗୋଟିଏ ବିରାଟ ବୈଠକ ଅନୁଷ୍ଠିତ ହୋଇଯାଇଛି । ଝାରସୁଗୁଡ଼ାରୁ ପାଟନାଗଡ଼କୁ ଆସିଥିବା ସମସ୍ତ ସଂଗ୍ରାମୀ ମାନଙ୍କୁ ଫୁଳମାଳ ଦେଇ ଜଏ କୋଶଲ୍ ନାରା ରେ ସୁସ୍ୱାଗତ୍ କରାଯାଇଥିଲା l ଝାରସୁଗୁଡ଼ା ରୁ ଆସିଥିବା କୋଶଲ୍ ସଂଗ୍ରାମି ଜ୍ଞାନେନ୍ଦ୍ର ବେହେରା ମୁଖ୍ୟ ଅତିଥି ଭାବେ ଯୋଗଦେଇଥିଲେ । ବୈଠକକୁ ଆରମ୍ଭ କରିବା ପୂର୍ବରୁ ମୃତ କୋଶଲ ସଂଗ୍ରାମୀ ଶାନ୍ତନୁ ରଣା ଏବଂ ବାଲେଶ୍ଵର ବାହାନଗା ରେଲ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଲୋକଙ୍କ ପାଇଁ ଦୁଇ 

ମିନିଟ୍ ନୀରବ  ପ୍ରାର୍ଥନା କରାଯାଇଥିଲା ।ବୈଠକକୁ କୋଶଲ ସଂଗ୍ରାମି କେ. ଏମ.ଏମ ର ସାଧାରଣ ସମ୍ପାଦକ ଜନାର୍ଦ୍ଦନ ସିଂ ପରିଚାଳନା କରିଥିଲେ । ବୈଠକରେ ଆଗାମୀ ଦିନରେ କୋଶଲ ଉଲଗୁଲାନକୁ ଗୋଟିଏ ବିରାଟ ଏବଂ ଭୟଙ୍କର

ଆନ୍ଦୋଳନ ରୂପେ ଠିଆ କରିବା ପାଇଁ ଚର୍ଚା ଏବଂ ନିଷ୍ପତ୍ତି ନିଆଗଲା  । ବୈଠକକୁ କୋଶଲ ସେନା ଝାରସୁଗୁଡ଼ା ଜିଲ୍ଲା ରୁ ଗଣେଶ ମଟାରି, ଆକାଶ କଲେତ, କୁବେତ ମେହେର୍, ଜୋଗେଶ ଅଗ୍ରୱାଲ, ଧରଣୀ ଓ   ବରଗଡ଼ ଜିଲ୍ଲା ରୁ ଅଶୋକ ଛତର ଅତିଥି ଭାବେ ଯୋଗ ଦେଇଥିଲେ ଏବଂ କୋଶଲ ରାଏଜ ମୁକ୍ତି ମୋର୍ଚା ବଲାଙ୍ଗିର ଜିଲ୍ଲା ରୁ ସିପୁନ୍ ଖମାରୀ, ରବିନ୍ଦ୍ର ଥାପା, ସଚି ମେହେର୍, ବିଜୁ ସିଂ, ରାଜୁ ବାରିକ, ଯୁଗଳ ମେହେର୍, ଆନନ୍ଦ ନିଆଲ, ସୁନୀଲ ବାଗ, ଯୋଗେଶ୍ଵର ରାଉତ, ଖିରେନ୍ଦ୍ର ନିଆଲ, ପିଣ୍ଟୁ ବୁଡେକ, କାଶୀନାଥ ମେହେର୍ ଏବଂ ରାମ ପଧାନ ଯୋଗ ଦେଇଥିଲେ ।ଶେଷରେ ଜିତୁ ନାଏକ ଧନ୍ଯବାଦ୍ ଅର୍ପଣ କରି ଥିଲେ ।