07-Jun-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ ):  ଗ୍ରୀଷ୍ମପ୍ରବାହ  ସମୟରେ ସାଧାରଣତଃ ସବୁଠାରେ ରକ୍ତର ଅଭାବ ଦେଖିବାକୁ ମିଳିଥାଏ। ଏଭଳି ସମୟରେ ବ୍ରହ୍ମପୁରରେ ପ୍ରେସ କ୍ଲବ ପକ୍ଷରୁ ଆୟୋଜିତ ହୋଇଥିବା ରକ୍ତଦାନ ଶିବିର ଏବଂ ରକ୍ତର ଅଭାବ ଦୂର କରିବା ପାଇଁ ଗଣମାଧ୍ୟମର ଭୂମିକା ଗୁରୁତ୍ୱପୂର୍ଣ୍ଣ ରହିଥିବା ନେଇ ଉଦଘାଟକ ଭାବେ ଯୋଗ ଦେଇ   ଦକ୍ଷିଣାଞ୍ଚଳ ପୋଲିସ ଆଇ.ଜି ସତ୍ୟବ୍ରତ ଭୋଇ   ପ୍ରଶଂସା କରିଛନ୍ତି । ବାଲେଶ୍ଵରର ବାହନାଗା ଠାରେ ହୋଇଥିବା ଦୁର୍ଘଟଣାକୁ ନେଇ ମୃତକ ପରିବାରକୁ ଶ୍ରଦ୍ଧାଞ୍ଜଳି ଜଣାଇବା ସହ ଆହତ ଓ ଗୁରୁତ୍ତରଙ୍କ ଆରୋଗ୍ୟ କାମନା କରି ବ୍ରହ୍ମପୁର ପ୍ରେସ କ୍ଲବ ପରିସରରେ  ଏଭଳି ରକ୍ତଦାନ ଶିବିର ଆୟୋଜନ କରାଯିବା ପାଇଁ ନିଷ୍ପତ୍ତି ନିଆଯାଇଥିଲା।  ଏହି ଶିବିରରେ ଅତିଥି ରୂପେ ରାଜ୍ୟ ଯୋଜନା ବୋର୍ଡ ସଦସ୍ୟ ତଥା ବ୍ରହ୍ମପୁର ପୂର୍ବତନ ବିଧାୟକ ଡା.ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ବ୍ରହ୍ମପୁର ମେୟର ସଂଘମିତ୍ରା ଦଳେଇ, ବ୍ରହ୍ମପୁର ଏମକେସିଜି ମେଡିକାଲ ଅଧିକ୍ଷକ ଡାକ୍ତର ପ୍ରଫେସର ସୁଚିତ୍ରା ଦାସ, ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ରବି ନାରାୟଣ ବେହେରା ପ୍ରମୁଖ ଯୋଗ ଦେଇ ବର୍ତ୍ତମାନର ପରିସ୍ଥିତିରେ ରକ୍ତର ଆବଶ୍ୟକତା ଏବଂ ଗଣମାଧ୍ୟମର ପ୍ରତିନିଧି ମାନେ ଯେପରି ଏହାର ଭୂମିକା ନେଇ ଆୟୋଜନ କରିଛନ୍ତି ତାହା ଅନ୍ୟମାନଙ୍କ ପାଇଁ ଉଦାହରଣ ବୋଲି କରହିଥିଲେ। ଏହି ଅବସରରେ ବ୍ରହ୍ମପୁର ସହରର ଗଣମାଧ୍ୟମ ପ୍ରତିନିଧିଙ୍କ ଠାରୁ ଆରମ୍ଭ କରି ସହରର ବିଭିନ୍ନ  ସଂଗଠନର କର୍ମକର୍ତ୍ତା, ବିଦ୍ୟାର୍ଥୀ, ଶିକ୍ଷୟତ୍ରୀ ପ୍ରମୁଖ ଯୋଗଦେଇ ସ୍ଵେଚ୍ଛାକୃତ ଭାବେ ୬୧ ୟୁନିଟ ରକ୍ତଦାନ କରିଥିଲେ।  ବିଶେଷ କରି ଆଜିର ଶିବିର ରେ   ପ୍ରଥମ ଥର ପାଇଁ ବହୁ ଯୁବକ, ଯୁବତୀ ଓ ମହିଳା ଏହି ଶିବିରରେ ଯୋଗ ଦେଇ ରକ୍ତଦାନ କରିଥିବା ବେଳେ ତିନି ଦମ୍ପତି ଏଥିରେ ରକ୍ତଦାନ କରି ସମାଜରେ ନିଆରା ବାର୍ତ୍ତା ପ୍ରସ୍ତୁତି  କରିଥିଲେ।  ଶିବିରରେ ଅନ୍ୟମାନଙ୍କ ମଧ୍ୟରେ ଅର୍ବାନ ବ୍ୟାଙ୍କ ସଭାପତି ଆର.ମୁରଲୀ ମୋହନ,ଆର.ପାବନୀ, ବି.ଜେ.ଡି ର ଜିଲ୍ଲା ଉପସଭାପତି ତଥା ସମାଜସେବୀ ଭୀମସେନ ଦଳେଇ,  କର୍ପୋରେଟର ସୁରେନ୍ଦ୍ର ମହାରଣା, , ପ୍ରଦୀପ ଶତପଥି, ଦୁର୍ଗା ଲାୟକ, ବିଜେପି ମେୟର ପ୍ରାର୍ଥୀନୀ ସବିତା ସୁଆର, ବିଜେପି ନେତା ଡାକ୍ତର ସୁବାସ ସାହୁ, ଶିକ୍ଷାବିତ ତଥା ବିଜେପି ନେତା ଇ.ଉତ୍ତମ ପାଣିଗ୍ରାହୀ, ଆନ୍ତର୍ଜାତୀୟ ଓଡ଼ିଆ ସ୍ୱାଭିମାନ ପ୍ରତିଷ୍ଠାନର  ସଭାପତି ସୁଶାନ୍ତ ସାବତ, ଲୋକ ସେବକ ମଣ୍ଡଳ ସଦସ୍ୟ ରାଜେନ୍ଦ୍ର ଜେନା, ସକାଳ ର ଦକ୍ଷିଣ ଓଡ଼ିଶା ମୁଖ୍ୟ ଜଗନ ମୋହନ ମହାପାତ୍ର, ପ୍ରମେୟର ଡିଜିଏମ୍ ଅମ୍ବିକା ପ୍ରସାଦ ଦାସ, ଓଟିଭି ର ଦକ୍ଷିଣ ଓଡ଼ିଶା ମୁଖ୍ୟ  ଅଶୋକ ବ୍ରହ୍ମା,  ବରିଷ୍ଠ ସାମ୍ବାଦିକ ମନୋଜ କାନ୍ତ ଦାସ,  ସମାଜର ଶାଖା ପରିଚାଳକ ଦଣ୍ଡପାଣି ପ୍ରଧାନ , ବରିଷ୍ଠ ସାମ୍ବାଦିକ ଗୋପାଳ ପଟ୍ଟନାୟକ,ଜ୍ୟୋତି ରଞ୍ଜନ ଦାସ ପ୍ରମୁଖ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ। ପ୍ରେସ କ୍ଲବର କାର୍ଯ୍ୟକାରୀ ସଭାପତି ବିଶ୍ଵନାଥ ପଟ୍ଟନାୟକଙ୍କ ଅଧ୍ୟକ୍ଷତାରେ ଆୟୋଜିତ ଶିବିରରେ ଇଟିଭି ଭାରତ ର ପ୍ରତିନିଧି ସାମ୍ବାଦିକ ସମୀର କୁମାର ଆଚାର୍ଯ୍ୟ ଏହାକୁ ସଂଯୋଜନା କରିଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ବରିଷ୍ଠ ସାମ୍ବାଦିକ ସୁଦୀପ ସାହୁ ସ୍ବାଗତ ଭାଷଣ ପ୍ରଦାନ କରିଥିଲେ  ଶେଷରେ ପ୍ରେସ କ୍ଳବ୍ ର କୋଷାଧ୍ୟକ୍ଷ ନାରାୟଣ ମହାକୁଡ ସମସ୍ତଙ୍କୁ ଧନ୍ୟବାଦ୍ ଦେଇଥିଲେ   l ବହୁ ସାମ୍ବାଦିକ ତଥା ବିଭିନ୍ନ  ଅନୁଷ୍ଠାନର  କର୍ମକର୍ତ୍ତା ଏହି ଶିବିରରେ ରକ୍ତଦାନ କରି ଥିଲେ l