05-Jun-2023

ବୌଦ୍ଧ /କଣ୍ଟାମାଳ: ୨୦ ବର୍ଷ ପୂର୍ତ୍ତି ଉପଲକ୍ଷେ ବୌଦ୍ଧ ଜିଲ୍ଲା ପାଣ - ଗଣ୍ଡା ସମାଜ ବିକାଶ ପରିଷଦ ର ପଂଚାୟତସ୍ତରୀୟ ଚିନ୍ତନ ବୈଠକ ଜିଲ୍ଲା ସଭାପତି ରୋହିତ କହଁର ଙ୍କ ଅଧ୍ୟକ୍ଷତା ରେ ଆଡେଣୀଗଡ ହାଇ ସ୍କୁଲ ଖେଳ ପଡିଆ ଠାରେ ଅନୁଷ୍ଠିତ ହୋଇଯାଇଛି । ସର୍ବପ୍ରଥମେ ଦଳିତ ଜାତିର ତ୍ରାଣକର୍ତ୍ତା ତଥା ସମ୍ବିଧାନ ପ୍ରଣେତା ବାବାସାହେବ ଆମ୍ବେଦକରଙ୍କ ତୈଳ ଫୋଟ ଚିତ୍ରରେ ପ୍ରଦୀପ ପ୍ରଜ୍ଜ୍ୱଳନ ସହିତ ପୁଷ୍ପ ମାଲ୍ୟାର୍ପଣ

ପରେ ସଭା କାର୍ଯ୍ୟ ଆରମ୍ଭ କରାଯାଇଥିଲା । ପ୍ରାରମ୍ଭରେ ସଙ୍ଗଠନର ପ୍ରତିଷ୍ଠାତା ତଥା ଜିଲ୍ଳା ସାଧାରଣ ସଂପାଦକ ସୁଧାଂଶୁ ଡାଙ୍ଗ ବିଗତ ଦିନର କାର୍ଯ୍ୟକଳାପ , ବୈଠକର ଲକ୍ଷ୍ୟ , ଉଦ୍ଦେଶ୍ୟ ଜ୍ଞାପନ କରିବା ସହିତ ଆଗାମୀ ଦିନର କାର୍ଯ୍ୟ ଖସଡ଼ା ଉପସ୍ଥାପନ କରିଥିଲେ। ସଙ୍ଗଠନର ଜିଲ୍ଲା ଉପ ସଭାପତି ଦଶରଥ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଭାରତରତ୍ନ ଡ଼ଃ ଭୀମ ରାଓ ରାମଜୀ ଆମ୍ବେଦକର ଙ୍କ ନୀତି ଆଦର୍ଶରେ ଅନୁପ୍ରାଣୀତ ହୋଇ " ହକ୍ ପାଇଁ ଲଢେଇ " କରିବା ସକାଶେ ଉପସ୍ଥିତ କାର୍ଯ୍ୟକର୍ତ୍ତା ଙ୍କୁ ଆହ୍ବାନ କରିଥିଲେ । ସଙ୍ଗଠନର ଅନ୍ୟତମ ଉପ ସଭାପତି ମକରଧ୍ବଜ ମହାନନ୍ଦିଆ ମୁଖ୍ୟ ବକ୍ତା ଭାବେ ଯୋଗଦେଇ ଭାରତବର୍ଷର ପ୍ରଥମ ଜ୍ଞାନୀ  ବାବାସାହେବଙ୍କ ଜୀବନୀ ତଥା ଦଳିତ ଙ୍କ ପାଇଁ ଉଦ୍ଦିଷ୍ଟ ସାମ୍ବିଧାନିକ ଅଧିକାର , ନାଗରିକ ଅଧିକାର , ମାନବିକ ଅଧିକାର ଏବଂ ରାଜନୈତିକ ଅଧିକାର ଉପରେ ମାର୍ଗଦର୍ଶନ ପ୍ରଦାନ କରିଥିଲେ । ବରିଷ୍ଠ  ସମାଜସେବୀ ତଥା ଜିଲ୍ଲା ସହକାରୀ କୋଷାଧ୍ୟକ୍ଷ ଶ୍ରୀନିବାସ ହାତୀ  ସମ୍ମାନୀତ ଅତିଥି ଭାବେ ଯୋଗଦେଇ  ସମାଜର  ସାମାଜିକ ଏକତା , ସାମାଜିକ ସଂସ୍କାର , ଗୁଣାତ୍ମକ ଶିକ୍ଷା ଏବଂ ଅର୍ଥନୈତିକ ଅଭିବୃଦ୍ଧି ଉପରେ ଉପସ୍ଥିତ ପଞ୍ଚାୟତ କମିଟି କାର୍ଯ୍ୟକର୍ତ୍ତା ଙ୍କୁ ପରାମର୍ଶ ଦେଇଥିଲେ । ସଂଗଠନ ପକ୍ଷରୁ ଗତ ବର୍ଷ ହରଭଙ୍ଗା ତହସିଲରେ ଆବେଦନ କରିଥିବା ଭୂମି ହୀନ ଏବଂ ଡିହ ହୀନ ହିତାଧିକାରୀଙ୍କୁ ତୁରନ୍ତ ଜମି ପଟ୍ଟା ପ୍ରଦାନ ଏଵଂ ପ୍ରାୟ ୪୦ ବର୍ଷ ହେବ ଅଗଣତାନ୍ତ୍ରିକ , ଅସାମ୍ବିଧାନିକ ଓ ଚଂଚକତା କରି ଅନୁସୂଚିତ ଜାତି ତାଲିକାରେ ସାମିଲ୍ ହେବା ସହିତ ଅସ୍ପୃଶ୍ୟ ନ ହୋଇ  ସମସ୍ତ ସୁବିଧା ସୁଯୋଗ ହାସଲ କରିଆସୁଥିବା ନକଲି କେଉଟ ,  ଧୀବର , କୈବର୍ତ୍ତ ( କେ ଡି କେ ) ମାନଙ୍କୁ ତୁରନ୍ତ ହଟେଇବା ପାଇଁ ସମସ୍ତ ପଞ୍ଚାୟତରେ ଜୋରଦାର ଆନ୍ଦୋଳନ କରିବାକୁ  ନିଷ୍ପତ୍ତି ନିଆଯାଇଥିଲା । ସାମାଜିକ ଅଧିକାର ଏଵଂ ସାମ୍ବିଧାନିକ ଅଧିକାର  ସପକ୍ଷରେ ଜୋରଦାର ଆନ୍ଦୋଳନ କରିବା ପାଇଁ ଏକ ସକ୍ରିୟ ୩୧ ଜଣିଆ ପଞ୍ଚାୟତ କମିଟି ପୁନର୍ଗଠନ କରାଯାଇଥିଲା । ଆଡେଣୀଗଡ ପଂଚାୟତ ର ବରିଷ୍ଠ  ସମାଜସେବୀ ରଞ୍ଜିତ ବେହେରା - ସଭାପତି , ସୋନିଆ ବେହେରା - ଉପ ସଭାପତି , ଅଭୟ ବେହେରା - ସମ୍ପାଦକ , ମୃତ୍ୟୁଞ୍ଜୟ ବେହେରା - ସହକାରୀ ସଂପାଦକ , ଚକ୍ରଧର ଦୀପ - କୋଷାଧ୍ୟକ୍ଷ , ସଚିନ୍ଦ୍ର ବେହେରା - ସଂଗଠନ ସମ୍ପାଦକ , କବିରାଜ ବେହେରା - ବ୍ଲକ ସଂଯୋଜକ

ଶେଷଦେବ ବେହେରା, ମୁଖ୍ୟ ଉପଦେଷ୍ଟା  ଏଵଂ  ନିତ୍ୟାନନ୍ଦ ବେହେରା ଙ୍କୁ ଉପଦେଷ୍ଟା ଭାବେ ସର୍ବସମ୍ମତି କ୍ରମେ ମନୋନୀତ  କରାଯାଇଥିଲା । ଏଥିରେ ଅନ୍ୟମାନଙ୍କ ମଧ୍ୟରେ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ରବୀନ୍ଦ୍ର ନାଗ , ସୁରେଶ ମହାନନ୍ଦ , ବରିଷ୍ଠ ସମାଜସେବୀ ପ୍ରହଲ୍ଲାଦ ଦୀପ , ବାଳକୃଷ୍ଣ ବେହେରା, ତୀର୍ଥ ବେହେରା , ପାରେଶ୍ୱର ବେହେରା , ସୁଶାନ୍ତ ବେହେରା , ଜଗବନ୍ଧୁ ନାଏକ, ଗଣେଶ ବେହେରା, ବିହାରୀ ବେହେରା, ଚିତ୍ତ ରଞ୍ଜନ ଦୀପ, ବିକ୍ରମ ବେହେରା, ଉତ୍ତମ ନାଏକ , କୃଷ୍ଣଚନ୍ଦ୍ର କହଁର, ସନ୍ତୋଷ ବେହେରା, ଧରଣୀ ବେହେରା, ସୁମିତ୍ରା କହଁର, ସତ୍ୟନାରାୟଣ ଦୀପ, ସୁଧୀର ବେହେରା, ପ୍ରଶାନ୍ତ ବେହେରା, ପ୍ରକାଶ ବେହେରା, ଶରତ ବେହେରା , ହରେକୃଷ୍ଣ ବେହେରା, ସୁବଳ ବେହେରା, ବିଦ୍ୟାଧର ବେହେରା ପ୍ରମୁଖ ଯୋଗଦେଇ ଆଲୋଚନାରେ ସକ୍ରିୟ ଅଂଶଗ୍ରହଣ କରିଥିଲେ । ଶେଷରେ ଜିଲ୍ଲା ସଂଗଠନ ସମ୍ପାଦକ ଦେବଦତ୍ତ ସାଗର ଧନ୍ୟବାଦ୍ ଅର୍ପଣ କରିଥିଲେ ।

ବୌଦ୍ଧରୁ ଦୁର୍ଯ୍ଯୋଧନ ବିଶି ଓ କଣ୍ଟାମାଳରୁ ସତ୍ୟ ବିଭାରଙ୍କ ରିପୋର୍ଟ )