03-Jun-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଶୁକ୍ରବାର ଅନୁଷ୍ଠିତ ପ୍ରଥମ କ୍ୱାଲିଫାୟାର ମ୍ୟାଚରେ ବାଦୀ ବ୍ରଦରସକୁ ହରାଇ ସିଦ୍ଧିକ୍ଷା ରେଵେଲ ଫାଇନାଲକୁ ପ୍ରବେଶ କରିଛି ।  ଟଚ ଜିଣି ବାଦୀ ବ୍ରଦରସ ପ୍ରଥମେ ବ୍ୟାଟିଂ କରି ୮ଓଭରରେ ୭ୱିକେଟ ହରାଇ ୪୦ରନ କରିଥିଲା ତାର ଜବାବରେ ସିଦ୍ଧିକ୍ଷା ୭ୱିକେଟ ହରାଇ ୭.୨ ଓଭରରେ ୪୧ରନ କରି ବିଜୟୀ ହୋଇଥିଲା । ମ୍ୟାଚକୁ ପ୍ରଦୀପ ମହାଲିଙ୍ଗ ଓ ସଂଗ୍ରାମ ଦାସ ପରିଚାଳନା କରିଥିବା ବେଳେ ସ୍କୋରର ଭାବେ ଆଲୋକ ସେଠୀ ଓ ମ୍ୟାଚର ଧରାବିବରଣୀ ଭବାନୀ ଶଙ୍କର ଜଗଦଲା ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖରଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ବିନିକା ଫରେଷ୍ଟ ରେଞ୍ଜର ଡମ୍ବରୁଧର ପ୍ରଧାନ,ସ୍ଵତନ୍ତ୍ର ଅତିଥି ଭାବେ ଚଡେଇପଙ୍କ ହାଇସ୍କୁଲ ଖେଳ ଶିକ୍ଷକ ମୀନକେତନ ବାଘ,ସମ୍ମାନିତ ଅତିଥି ଭାବେ ପୂର୍ବତନ କ୍ରିକେଟ ତାରକା ସୁଶାନ୍ତ କୁମାର ପଣ୍ଡା, ଯୁବ ଓକିଲ ସୁରେଶ କୁମାର ମିଶ୍ର,ଶ୍ରୀ ଗଣେଶ ଏଣ୍ଟରପ୍ରାଇଜେସ ମାଲିକ ଶୁକଦେବ ପୁରୋହିତ, ସାମାଜିକ କର୍ମୀ ତଥା ସାମ୍ବାଦିକ ରାମ ଗୋପାଳ ବାଘ ପ୍ରମୁଖ ଯୋଗଦେଇ ବିଜେତା/ଉପ ବିଜେତା ତଥା ମ୍ୟାନ

ଅଫ ଦି ମ୍ୟାଚ କିରଣ ରାଉତ,ବେଷ୍ଟ ବୋଲର ସୁଦର୍ଶନ ବେହେରା ପ୍ରମୁଖଙ୍କୁ ପୁରସ୍କାର ପ୍ରଦାନ କରାଯାଇଥିଲା ।ଶନିବାର ତ୍ରିରଙ୍ଗା ୟୁଥ୍ କ୍ଳବ ଓ ସାଗର-୧୧ ମଧ୍ୟରେ ଦ୍ଵିତୀୟ କ୍ୱାଲିଫାୟାର ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବରେ ବିନିକା ବଣିକ ସଂଘ ସଭାପତି ଅଶ୍ଵିନୀ କୁମାର ସୁବୁଦ୍ଧି, ସମ୍ମାନିତ ଅତିଥି ଭାବରେ ବ୍ୟବସାୟୀ ଦିଲ୍ଲୀପ ଅଗ୍ରୱାଲ,ସଚେତନ ନାଗରିକ ପ୍ରମୋଦ ଦାଶ,ଯୁବ ଶିଳ୍ପ ଉଦ୍ୟୋଗୀ ମମତାଜ ପଣ୍ଡା,ଶିକ୍ଷକ ଗୋପାଳଜୀ ପଣ୍ଡା,ରାମଜୀ ଇଣ୍ଡେନ ପ୍ରୋପାଇଟର ରାମଜୀ ପଣ୍ଡା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ ।