02-Jun-2023

ବଲାଙ୍ଗିର(ପ୍ରେରଣା ଖବର)- ବଲାଙ୍ଗିରର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଶିଶୁ ବିକାଶ କେନ୍ଦ୍ର ତରଫରୁ ବିଶ୍ୱ ଶିଶୁ ଦିସ ଟିକ୍ରାପଡା ରାମ ମନ୍ଦିର ଠାରେ ଅନୁଷ୍ଠାନର ଉପଦେଷ୍ଟା ତଥା ନାଟ୍ୟଭୂଷଣ ଜଗଦାନନ୍ଦ ଛୁରିଆଙ୍କ ଅଧ୍ୟକ୍ଷତାରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ଆୟୋଜକମାନେ ଶିଶୁ କ୍ଷୁଦ୍ର ନୁହେଁ ସେ ଏକ ବିରାଟ ସମୁଦ୍ର ଓ ତାର ଶାରିରୀକ ଓ ମାନସିକ ବିକାଶ ଠିକ୍ ଭାବରେ ହୋଇ ପାରିଲେ ସେ ଅସୀମ କିତ୍ତିର ଅଧିକାରୀ ହୋଇ ସୁସ୍ଥ ସମାଜ ନିର୍ମଣାରେ ସହାୟକ ହୋଇ ପାରିବ ବୋଲି ମତବ୍ୟକ୍ତ କରିଥିଲେ ।

ବରିଷ୍ଠ ଶିକ୍ଷାବିତ୍ ଧର୍ମବ୍ରତ ରଥ ଶିଶୁ ହସିଲେ ଦୁନିଆ ହସେ, ଡାକ୍ତର ଲକ୍ଷ୍ମୀପ୍ରିୟା ସେଠି ଶିଶୁ ଯତ୍ନ ଓ ସ୍ୱାସ୍ଥ୍ୟ ଓ ସାମାଜିକ କର୍ମୀ ଅରୁଣ ଖୁଅସ ଶିଶୁର ଅଧିକାର ଓ ଯୋଜନା ସଂପର୍କରେ ଆଲୋଚନା କରିଥିଲେ । ସଭାକୁ ପରିଚାଳନା କରିଥିଲେ କସ୍ତୁରୀ ରଥ । ଏହି କାର୍ଯ୍ୟକ୍ରମକୁ ପ୍ରଦୀପ ପଶାୟତ, ତପସ୍ୱିିନୀ ପଶାୟତ, ଦୁର୍ଗା ଚରଣ ସାହୁ, ଧିରେନ୍ଦ୍ର ନାରାୟଣ ସିଂହଦେଓ, କପିଳ ପତି, ହୃଷୀକେଶ ପୁରୋହିତ,ନୀହାରିକା ମିଶ୍ର, ମାଳତି ଉଦ୍‌ଗାତା, ଚୁଡେନ୍ଦ୍ର କୁମାର ବେହେରା, ସୀତାଂଶୁ ଶେଖର ନାୟକ, ସଂଯୁକ୍ତା ମିଶ୍ର, କବିତା ମିଶ୍ର, ଜ୍ୟୋତି ରଂଜନ ମିଶ୍ର, ସୁନାଧର ବନଛୋର ଓ ମଦନ ମୋହନ ରଥ ସହଯୋଗ କରିଥିଲେ । ଶେଷରେ ମଧୁ ସାହୁ ଧନ୍ୟବାଦ ଅର୍ପଣ କରିଥିଲେ ।