02-Jun-2023

ତରଭା(ପ୍ରେରଣା ଖବର ):  ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ଅନ୍ତର୍ଗତ ମେଣ୍ଡା ଗ୍ରାମ ହେଉଛି ସର୍ବବୃହତ ପଞ୍ଚାୟତ। ଏହି ୧୪ଟି ଓ୍ବାର୍ଡ ଓ ସାତ ହଜାରରୁ ଅଧିକ ଲୋକସଂଖ୍ୟା ବିଶିଷ୍ଟ ଗ୍ରାମ ପଞ୍ଚାୟତ ରେ ଖରା ଦିନ ଆସିଗଲେ ପିଇବା ପାଣି ପାଇଁ ସମସ୍ତେ ହନ୍ତସନ୍ତ ହୋଇ ଡହକବିକଳ ହେଉଥିବା ଦେଖାଯାଉଛି। ସୂଚନାଯୋଗ୍ୟ ଯେ ଏହି ପଞ୍ଚାୟତରେ ପାଖାପାଖି ପଚାଷ ବର୍ଷ ହୋଇଯିବ ଗ୍ରାମ ସଂଲଗ୍ନ ସୁକତେଲ ନଦୀର ଇନଟେକ କୂପ ରୁ ଗ୍ରାମର ସମସ୍ତ ପଡାକୁ ଜଳ ଯୋଗାଣ ହେଉଛି ମାତ୍ର କିଛି ବର୍ଷ ହେବ ଖରା ମାସ ଆରମ୍ଭରୁ କୂଅରେ ପାଣି ହେଉନାହିଁ ଏବଂ ୧୦ରୁ ୧୫ ମିନିଟ ପମ୍ପ ଚାଲିଲେ  କୂଅରୁ ପାଣି ସୁଖି ଯାଉଛି।ଯାହା ଫଳରେ ଏତେ ଜନସଂଖ୍ୟା ବିଶିଷ୍ଟ ଗ୍ରାମକୁ ପାଣି ସମୁଦ୍ର କୁ ସଂଖେ ହେଉଛି । ଏବଂ ପାଣି ପାଇପ ଗୁଡିକ ବହୁତ ପୁରୁଣା ହୋଇ ବାଲି ଭର୍ତ୍ତି ହୋଇଯାଇଛି। ଗ୍ରାମର ଉପରି ପାଖରେ ଥିବା ଓଭର ହେଡ ପାଣି ଟ୍ଯାଙ୍କରେ ମଧ୍ୟ ପାଣି ହେଉନାହିଁ।
 ବସୁଧା ଯୋଜନାରେ ନୂଆ ପାଇପ କାମ ଦୁଇ ବର୍ଷ ରୁ ଅଧିକ ହେବ ଚାଲିଛି କିନ୍ତୁ କାମ ସରୁ ନାହିଁ।ବର୍ଷେ ହେବ ଆଉ ଗୋଟିଏ ଓଭର ହେଡ ପାଣି ଟ୍ଯାଙ୍କ ପଞ୍ଚାୟତ ର ଖଗସାକନା ଗ୍ରାମରେ ହୋଇଛି ଏହା ଦ୍ବାରା କିଛି ଦିନ ହେବ 

ନାଏକ ଗୋଠ, ଖଗସାକନା ଓ ଅନ୍ଯାନ୍ଯ ଗୋଠ ମାନଙ୍କୁ ସୁକତେଲ ନଦୀରୁ ଜଳ ଯୋଗାଣ ର ବ୍ଯବସ୍ଥା ହେଉଥିଲା ମାତ୍ର ଦଶ ଦିନ ରୁ ଅଧିକ ହେବ ଏହା ସଂପୂର୍ଣ୍ଣ ବନ୍ଦ ରହିଛି। ଯାହାଫଳରେ ନଳକୂପରୁ ଓ ଅନ୍ଯାନ୍ଯ ଠାରୁ  ପାଣି ଆଣିବା ପାଇଁ  ପ୍ରବଳ  ଖରରେ ଭିଡ ଲାଗିରହୁଛି। ଜିଲ୍ଲା ଗ୍ରାମ୍ଯ ଜଳଯୋଗାଣ ବିଭାଗ ଓ ପଞ୍ଚାୟତ   ମେଣ୍ଡା ଗ୍ରାମରେ ଜଳ ଯୋଗାଣ ପାଇଁ ବିଶେଷ ପଦକ୍ଷେପ ନେଉନଥିବା ଜନ ସାଧାରଣ ଅଭିଯୋଗ କରିଛନ୍ତି। ଏବଂ ଜନସାଧାରଣ ଙ୍କ ଦୁର୍ଦ୍ଦଶା ପାଣି ପାଇଁ ବଢି ଚାଲିଛି।ତରଭା ସ୍ଥିତ ବିଭାଗୀୟ କନିଷ୍ଠ ଯନ୍ତ୍ରୀ ରବିନ୍ଦ୍ର ସାହୁଙ୍କୁ ଯୋଗାଯୋଗ କଲେ ସେ ଫୋନ ଉଠାଉ ନାହାନ୍ତି ।