02-Jun-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ଲୋଇସିଂହା ଆଦିବାସୀ ଭବନ ଠାରେ ଅନୁସୂଚିତ ଜାତି ର କିଛି  ପ୍ରତିଷ୍ଠିତ ବ୍ୟକ୍ତି ବିଶେଷଙ୍କ ଉପସ୍ଥିତିରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି l ସମାଜସେବୀ ଝସକେତନ ମହାନନ୍ଦଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମ୍ମିଳନୀରେ ଲାଲମନ ନାଗ, ସତ୍ୟାନନ୍ଦ ସୁନା, କାହ୍ନl ସୁନା, ଖଗେଶ୍ୱର ନାଗ, ଡିଙ୍ଗର କୁମ୍ଭାର ସହ ଅନ୍ୟାନ୍ୟ ବ୍ୟକ୍ତିବିଶେଷ ଉପସ୍ଥିତ ଥିଲେ l ବିଶେଷ କରି କେଉଁଟ, କୈବର୍ତ୍ତ, ଧୀବର ଅନୁସୂଚିତ ଜାତିର ଧାରା ନମ୍ବର 24 ରେ ଚାଲାକି କରି ତଥା ନିଜକୁ ସ୍ଥାନିତ କରି ଆମର ସାମ୍ବିଧାନିକ ଅଧିକାର ସୁବିଧା ସୁଯୋଗ ଛଡେଇ ନେଇ ଯାଉଛନ୍ତି ଏଣୁ ଏହାକୁ ବିରୋଧ କରି ଗଣ୍ଡା ସମାଜ ପକ୍ଷରୁ ଏହି ସଭାର ଆୟୋଜନ କରାଯାଇଛି ବୋଲି ଏକ ପ୍ରେସ୍ର ବିବୃତ୍ତି ରେ କୁହାଯାଇଛି l  ସୂଚନାନୁସାରେ ଗତ ତାରିଖ 11.04.2016 ରେ ଏହି ତିନି ଜାତିକୁ ତହସିଲଭୁକ୍ତ ଜାତିରୁ ବାହାର କରିବା ପାଇଁ ଓଡିଶା ସରକାର ଏକ ଚିଠି କରିଥିଲେ l କିନ୍ତୁ କେଉଁ ପରିସ୍ଥିତିରେ ତାରିଖ 1.6.2016 ରେ ଏହି ଚିଠି କୁ ଫେରାଇ ଆଣି ସେମାନଙ୍କୁ ପୁଣି ସ୍ଥାନିତ କରିବାକୁ ଚିଠି କଲେ l ଏହାର ପ୍ରତିବାଦରେ 24.01.2023 ରେ ପ୍ରତି ଜିଲ୍ଲାରୁ ଓଡିଶା ସରକାରକୁ ଦାବୀ କରାଯାଇଥିଲା ହେଲେ ଆଜି ପର୍ଯ୍ୟନ୍ତ କୌଣସି ପଦକ୍ଷେପ ନେଇ ନ ଥିବାରୁ ଏହାର ବିରୋଧ କରି ଆସନ୍ତା ଜୁନ 28 ତାରିଖରେ ଲୋଇସିଂହାରେ ଏକ ମହା ବିଶାଳ ରେଲି କରିବାକୁ ସ୍ଥିର କରାଯାଇଛି l ଏହି ରେଲିରେ ମୁଖ୍ୟତଃ ଆଗଲପୁର, ପୁଇଁତଳା ଓ ଲୋଇସିଂହା ବ୍ଲକର ସମସ୍ତ ଅନୁସୂଚିତ ଜାତି ର ଗଣ୍ଡା ପରିବାରକୁ ସାମିଲ କରିବାକୁ ନିଷ୍ପତ୍ତି ନିଆଯାଇଛି l ଆସନ୍ତା ନିର୍ବାଚନରେ କେଉଁଟ, କୈବର୍ତ୍ତ, ଧୀବର ଙ୍କୁ ସମର୍ଥନ ନ ଦେବାପାଇଁ ତଥା ସରକାରଙ୍କୁ ଏଥିରୁ ନିବୃତ ରହିବାକୁ ଏକ ଦାବିପତ୍ର  ପ୍ରଦାନ କରାଯିବାକୁ ନିଷ୍ପତ୍ତି ହୋଇଛି l ଏହି ରେଲି କୁ ସଫଳ କରିବା ପାଇଁ କ୍ଷେଘର ଗଣ୍ଡା ସମାଜ ପ୍ରତ୍ୟକ ଜିଲ୍ଲାରୁ ସାହାଯ୍ୟ ସହଯୋଗ ନିଆଯିବ ବୋଲି ଲକ୍ଷେଘର ଗଣ୍ଡା ସମାଜ ଜିଲ୍ଲା ସଭାପତି ସତ୍ୟାନନ୍ଦ ସୁନା ପ୍ରକାଶ କରିଛନ୍ତି l