01-Jun-2023

ଇଲାଙ୍ଗିର/  ନିଶା ନିବାରଣ ଦିବସ ପାଳନ ଉପଲକ୍ଷେ ସଦାଇପାଲି ରାମଜୀ ଯୁବକ ସଂଘ ତରଫରୁ ଖାଡିଆପଡା ଠାରେ ଏକ ସଚେତନତା ସଭାର ଅୟୋଜନ କରାଯାଇଥିଲା । ଏଥିରେ ସଂଘର ସମ୍ପାଦକ ଇଂ. ନାରାୟଣ ପ୍ରସାଦ ମିଶ୍ର ଙ୍କ ଆହ୍ୱାନକ୍ରମେ ପଡାର ବାଟୁ ଖାଡିଆ ପ୍ରମୁଖ ଭୂମିକା ଗ୍ରହଣ କରିଥିଲେ । ଖାଡିଆପଡାର ୮୦ ପ୍ରତିଶତ ଲୋକ ରାଜମିସ୍ତ୍ରୀ କାମ କରି ଗୁଜୁରାଣ ମେଟାନ୍ତି । କିନ୍ତୁ ସପ୍ତାହର ପାଉଣା ଶନିବାର ଦିନ ପାଇ ସେମାନେ ନିଶାଖାଇ ଘରକୁ ଫେରୁଥିଲେ । ସଂଘର ସହଯୋଗରେ ସେହି ପଡାରେ ରହୁଥିବା ଶିକ୍ଷକ ନିରାକାର ସାଏ ଙ୍କ ନେତୃତ୍ୱରେ ଏକ ସଂକିର୍ତ୍ତନ ମଣ୍ଡଳୀ ଗଠନ କରି ଲୋକଙ୍କୁ ନିଶାଖାଇବାରୁ ନିବୃତ କରାଯାଉଥିଲା । ଦୀର୍ଘ ଦିନ ହେଲା ସେହି ପଡାକୁ ନିଶାମୁକ୍ତ କରିବା ପ୍ରଚେଷ୍ଟା ଚାଲିଛି । ତେଣୁ ନିଶାନିବାରଣ ଦିବସ ଉପଲକ୍ଷେ ସମସ୍ତଙ୍କୁ ନିଶାର କୁ ପ୍ରଭାବ ଏବଂ ପରିବାର କିପରି ଧ୍ୱଂସ ହୁଏ ସେହି  ବିଷୟରେ ସଂଘର ସଂଯୋଜକ ଅଶୋକ କୁମାର ମେହେର ଉପସ୍ଥିତ ଗ୍ରାମବାସୀଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମରେ ବହୁସଂଖ୍ୟକ ଗ୍ରାମବାସୀ ଯୋଗଦାନ କରିଥିବା ବେଳେ ସଂଘର ସଭାପତି ଡ. ପ୍ରମୋଦ କୁମାର ମିଶ୍ର, ସଦସ୍ୟ ବିରନ୍‌ଚି ନାଏକ, ରମେଶ ଚନ୍ଦ୍ର ନାଏକ ଆଦି ଉପସ୍ଥିତଥିଲେ । ପ୍ରକାଶ ଥାଉକି ନିଶାନିବାରଣର କୁ ପ୍ରଭାବ ଉପରେ ବର୍ଷସାରା ବିଭିନ୍ନ ଜାଗାରେ ସଚେତନତା କାର୍ଯ୍ୟକ୍ରମ କରିବା ନିଷ୍ପତ୍ତି ସଂପାଦକ ଇଂ.ନାରାୟଣ ପ୍ରସାଦ ମିଶ୍ରଙ୍କ ନେତୃତ୍ୱରେ କରିବା ପାଇଁ ନିଷ୍ପତ୍ତି  କରାଯାଇଥିବା ଜଣାଯାଇଛି । ଶେଷରେ ଖେଳ ସଂଯୋଜକ ସୁନିଲ ଚନ୍ଦ୍ର ବିଶ୍ୱାଳ ଧନ୍ୟବାଦ ଦେଇଥିଲେ ।