30-May-2023

ବଲାଙ୍ଗିର (ଦେବାଶିଷ ବହିଦାର ): ବଲାଙ୍ଗିର ସହରସ୍ଥିତ ଗେଟ୍ ସରୋବର ବନ୍ଧ ଓ ବେହେରା ପାଲି ବନ୍ଧ ର ପୁନରୁଦ୍ଧାର ଦାବିରେ  ଆଜି ବଲାଙ୍ଗିର ମୁନିସିପାଲିଟି ଅନ୍ତର୍ଗତ ୱାର୍ଡ ନମ୍ବର ୯, ୧୦ ୧୧,୧୨ ଓ ୧୩ ର ଶତାଧିକ ଅଧିବାସୀ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିଥିଲେ l  ୱାର୍ଡ ନମ୍ବର ୯ ଓ  ୱାର୍ଡ ନମ୍ବର ୧୦  କ୍ରିୟାନୁଷ୍ଠାନ କମିଟି ପକ୍ଷରୁ ହୋଇଥିବା ଏହି ଗଣଧାରଣାରେ ଶତାଧିକ ଅଧିବାସୀ ସାମିଲ ହୋଇ ଥିଲେ l ସହର ର ଅନ୍ୟତମ  ପୁରାତନ ଜଳାଶୟ ଗେଟ୍ ସରୋବର ବନ୍ଧ ବର୍ତ୍ତମାନ୍ ପରିତ୍ୟକ୍ତ ହୋଇ ପଡିଛି l ଏହି ଜଳାଶୟ ଉପରେ ବଲାଙ୍ଗିର ମୁନିସିପାଲିଟି ର ୱାର୍ଡ ନମ୍ବର ୯, ୧୦, ୧୧, ୧୨ ଓ ୧୩ ର ଜନସାଧାରଣ ନିର୍ଭର କରୁଥିବା ବେଳେ ପ୍ରସାଶନିକ ଅବହେଳା ଯୋଗୁଁ ଏହା ଏକ ଆବର୍ଜନା କୁଣ୍ଡ ଭାବରେ ପରିଣତ  ହୋଇଯାଇଛି l ଏହାର ପାଣି ବର୍ତ୍ତମାନ ବ୍ୟବହାର ଉପଯୋଗୀ ହୋଇ ରହି ନାହିଁ ବୋଲି ଅଭିଯୋଗ ହେଉଛି l ଏହି ବନ୍ଧର ପୁନରୁଦ୍ଧାର ଦାବିରେ ଆଜି ୱାର୍ଡ ନମ୍ବର ୯,  ୧୦,୧୧,୧୨ ଓ ୧୩ ର ଶତାଧିକ ଅଧିବାସୀ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ରେ ବସିଥିଲେ l  ୱାର୍ଡ ନମ୍ବର ୯ ଓ ୧୦ କ୍ରିୟାନୁଷ୍ଠାନ କମିଟି ପକ୍ଷରୁ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଥିଲା l ଆାଗାମୀ ଦିନରେ ଏହି ଜଳାଶୟ ର ରକ୍ଷଣାବେକ୍ଷଣ ଦିଗରେ ପ୍ରଶାସନ ଅବହେଳା ପ୍ରଦର୍ଶନ କଲେ ଆନ୍ଦୋଳନକୁ ଜୋରଦାର୍ କରାଯିବ ବୋଲି ୱାର୍ଡ ବାସୀ ଚେତାବନୀ ଦେଇଛନ୍ତି