30-May-2023

ବଲାଙ୍ଗୀର(ପ୍ରେରଣା ଖବର ): ଗତ ୨୯ ତାରିଖ ସୋମବାର ଦିନ ନ୍ୟାସନାଲ୍ ମେଡିକାଲ କମିଶନ(ଏନ୍‌ଏମ୍‌ସି) ର ଏକ ପାଂଚ ଜଣିଆ ଟିମ୍ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ପରିଦର୍ଶନରେ ଆସିଥିଲେ । ଆସାମର ପ୍ରଫେସର ବବିଜିତ୍ ଗୋସ୍ୱାମୀଙ୍କ ନେତୃତ୍ୱରେ ବିଭିନ୍ନ ରାଜ୍ୟରୁ ଆସିଥିବା ଟିମ୍ ସକାଲ ୯ଟା ରୁ ସଂଧ୍ୟା ୫ଟା ପର୍ଯ୍ୟନ୍ତ ମେଡିକାଲ କଲେଜ ଓ ହସ୍ପିଟାଲର ସମସ୍ତ ବିଭାଗ ପରିଦର୍ଶନ କରିଥିଲେ । ଏଥିସହ ମେଡିକାଲ କଲେଜର ସମସ୍ତ ଅଧ୍ୟାପକଙ୍କ ଉପସ୍ଥାନ ତଦାରଖ କରିଥିଲେ । ଏହି କଲେଜରେ ଥିବା ୧ଠଠ ଏମ୍‌ବିବିଏସ୍ ସିଟ୍ ର ଫାଇନାଲ୍ ରେକୋଗ୍ନିସନ୍ ପାଇଁ ଏହି ପରିଦର୍ଶକ ଟିମ୍ ବିଭିନ୍ନ ଦିଗକୁ ତର୍ଜମା କରିଥିଲେ । ଦିନ ତମାମ୍ ଚାଲିଥିବା ଏହି ପ୍ରକ୍ରିୟାରେ କଲେଜର ଅଧ୍ୟକ୍ଷ ପ୍ରଫେସର ସବିତା ମହାପାତ୍ର, ହସ୍ପିଟାଲ ଅଧୀକ୍ଷକ ପ୍ରଫେସର ମାନସୀ ପଣ୍ଡା ପ୍ରମୁଖ ଉପସ୍ଥିତ ରହି ଏନ୍‌ଏମ୍ ସି ଟିମ୍ କୁ ସମସ୍ତ ତଥ୍ୟ ଯୋଗାଇ ଦେଇଥିଲେ । ଏଥିରେ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲର ସମସ୍ତ ଅଫିସିଆଲ୍ ଷ୍ଟାଫ୍ ସଂପୂର୍ଣ୍ଣ ସହଯୋଗ କରିଥିଲେ । ତେବେ ଏହି ପରିଦର୍ଶନ ପରେ ଏନ୍‌ଏମ୍‌ସି ଟିମ୍ କଣ ନିଷ୍କର୍ଷ ବାହାର କରୁଛି ଓ ତାର ରିପୋର୍ଟ କଣ ରହୁଛି, ତାହାକୁ ସମସ୍ତଙ୍କ ଅପେକ୍ଷା ।