29-May-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ବୁଦୁଲା କୃଷି ସେବା ସମବାୟ ସମିତିରେ ଆଗଲପୁର ତହସିଲଦାର ସୁଶ୍ରୀ ସରୋଜା ବେହେରାଙ୍କ ଦ୍ଵାରା ଧାନମଣ୍ଡିର ଶୁଭ ଉଦ୍ଘାଟନ ହୋଇଯାଇଛି l ଏହି ଉଦ୍ଘାଟନୀ କାର୍ଯ୍ୟକ୍ରମରେ କୃଷି ସେବା ସମବାୟ ସମିତି ର ସଭାପତି ଚିନ୍ତାମଣି ଭୋଇ, ସମ୍ପାଦକ ଶ୍ରୀ ଅଶ୍ଵିନୀ କୁମାର ଗଡତିଆ ଉପସ୍ଥିତ ରହି କାର୍ଯ୍ୟକ୍ରମକୁ ଆଗକୁ ନେଇଥିଲେ l ନିର୍ଦେଶିକା ଶ୍ରୀମତୀ ପୁଷ୍ପଲତା ଭୋଇ, ଦଫେ ବିଶ୍ଵାଳ ନିର୍ଦ୍ଦେଶକ, ପାନୁ ସାହୁ,ଦେବେନ୍ଦ୍ର ଦାସ, ସଦାନନ୍ଦ ମହିଶାଲ, ଅଶ୍ୱସ୍ଥମା ପଧାନ, ଘସିଆ କୁମ୍ଭାର ଓ ସମିତିର ସମସ୍ତ କର୍ମଚାରୀ ଉପସ୍ଥିତ ଥିଲେ l ବୁଦୁଲା ସେବା ସମବାୟ ସମିତି ର ସହ ସହ ଚାଷୀ ଯୋଗ ଦେଇଥିଲେ l

ଚଳିତ ରବି ଋତୁ ସକାଶେ ସର୍ବ ମୋଟ ୨୮୬ଜଣ ଚାଷୀ ନାମ ପଞ୍ଜୀକୃତ କରି ଥିଲେ l ସେଥିରୁ ବର୍ତମାନ ୨୩୧ ଜଣଙ୍କର ଟୋକନ ଜେନେରେଟ୍ ହୋଇଥିବା ବେଳେ ଆଉ ୫୫ ଜଣଙ୍କର ଟୋକନ ଆସିନାହିଁ l ସମସ୍ତ ଚାଷୀମାନେ କିପରି ନିଜ ନିଜର ଧାନକୁ ମଣ୍ଡିକୁ ଆଣି ସହଜରେ ବିକ୍ରି କରି ପାରିବେ ,ସେ ବିଷୟରେ ସଭାପତି ସୂଚନା ଦେଇଛନ୍ତି l